Beksvart frå Mexico
Fernanda Melchor tar eit oppgjer med den latinamerikanske machokulturen.
Fernanda Melchor er nominert til fleire prisar.
Foto: Wikipedia
Roman
Fernanda Melchor:
I orkanens skygge
Omsett av Christian Rugstad
Solum Bokvennen
Fernanda Melchors roman I orkanens skygge opnar med eit likfunn som ikkje står tilbake for Jakob Sandes dikt frå 1929 når det gjeld viljen til å dukke ned i ein makaber rotningsprosess.
Det er landsbyheksa som blir funnen i ein vatningskanal i sukkerrøyrsmarkene utanfor La Matosa, ein fiktiv landsby i delstaten Veracruz søraust i Mexico med kystline mot Golfen.
Det handlar om eit drap, og alt som hender fram til drapet blir oppklart, viser eit lokalsamfunn og kanskje ein heil nasjon vikla inn i ein valdsspiral utan like.
Tankestraum
Teksten går i sirklar og flyt fram og tilbake i ein fortløpande tankestraum utan bruk av avsnitt og sparsam bruk av punktum. Stadig vender han tilbake til utgangspunktet, drapet på Heksa, og gjennom ulike personar får vi ulike vinklingar på det som har hendt, og kva for motiv som ligg til grunn.
Etter kvart forstår ein at Heksa er ein transperson som kjøper brutal sex av ein gjeng dopfikserte og perverse ungdommar. I tillegg blandar Heksa ein fosterfordrivande mikstur som ho sel til gravide småjenter og prostituerte. Men det som triggar drapet, er ryktet om ein stor skatt i eit avstengt rom i huset, og etter at gjerningsmannen er tatt, utløyser denne fiktive skatten ein serie bestialske drap og forsvinningar, utan at nokon blir stilte til ansvar.
Språket er rått og intenst, folkeleg og kontant, og det skildrar ein orgie i vald, drap, seksuelle overgrep og alle slags fornedringar der det er fritt fram for den sterkaste. Dei som skal oppretthalde lov og orden, er nemleg sjølve ein del av valdskulturen der menn tar seg til rette og lever ut driftene sine på eigne barn, stedøtrer og prostituerte. Melchor skildrar eit samfunn utan håp, utan oppdrift, utan styring, eit samfunn på kanten av stupet.
Streif av håp
Eit lite streif av håp finn ein likevel hos kvinnene som tar ansvar og etter beste evne prøver å halde familien samla, men det er ikkje så enkelt når inntektene ligg i prostitusjon eller sal av dop, og i bakgrunnen finst tunge kriminelle miljø som infiltrerer heile samfunnet.
I orkanens skygge kom på spansk i 2017 og er den andre romanen til Fernanda Melchor. Han har fått både nasjonale og internasjonale prisar og er nominert til prestisjetunge prisar både i Storbritannia og i Irland.
Mexico har eit knippe av verdskjente mannlege forfattarar, som Carlos Fuentes, Octavio Paz (Nobelprisen 1990) og Juan Rulfo. No kan det vere kvinnene som fører an, med Valeria Luiselli (f. 1983) og Fernanda Melchor (f. 1982) i spissen.
Oddmund Hagen
Oddmund Hagen er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Fernanda Melchor:
I orkanens skygge
Omsett av Christian Rugstad
Solum Bokvennen
Fernanda Melchors roman I orkanens skygge opnar med eit likfunn som ikkje står tilbake for Jakob Sandes dikt frå 1929 når det gjeld viljen til å dukke ned i ein makaber rotningsprosess.
Det er landsbyheksa som blir funnen i ein vatningskanal i sukkerrøyrsmarkene utanfor La Matosa, ein fiktiv landsby i delstaten Veracruz søraust i Mexico med kystline mot Golfen.
Det handlar om eit drap, og alt som hender fram til drapet blir oppklart, viser eit lokalsamfunn og kanskje ein heil nasjon vikla inn i ein valdsspiral utan like.
Tankestraum
Teksten går i sirklar og flyt fram og tilbake i ein fortløpande tankestraum utan bruk av avsnitt og sparsam bruk av punktum. Stadig vender han tilbake til utgangspunktet, drapet på Heksa, og gjennom ulike personar får vi ulike vinklingar på det som har hendt, og kva for motiv som ligg til grunn.
Etter kvart forstår ein at Heksa er ein transperson som kjøper brutal sex av ein gjeng dopfikserte og perverse ungdommar. I tillegg blandar Heksa ein fosterfordrivande mikstur som ho sel til gravide småjenter og prostituerte. Men det som triggar drapet, er ryktet om ein stor skatt i eit avstengt rom i huset, og etter at gjerningsmannen er tatt, utløyser denne fiktive skatten ein serie bestialske drap og forsvinningar, utan at nokon blir stilte til ansvar.
Språket er rått og intenst, folkeleg og kontant, og det skildrar ein orgie i vald, drap, seksuelle overgrep og alle slags fornedringar der det er fritt fram for den sterkaste. Dei som skal oppretthalde lov og orden, er nemleg sjølve ein del av valdskulturen der menn tar seg til rette og lever ut driftene sine på eigne barn, stedøtrer og prostituerte. Melchor skildrar eit samfunn utan håp, utan oppdrift, utan styring, eit samfunn på kanten av stupet.
Streif av håp
Eit lite streif av håp finn ein likevel hos kvinnene som tar ansvar og etter beste evne prøver å halde familien samla, men det er ikkje så enkelt når inntektene ligg i prostitusjon eller sal av dop, og i bakgrunnen finst tunge kriminelle miljø som infiltrerer heile samfunnet.
I orkanens skygge kom på spansk i 2017 og er den andre romanen til Fernanda Melchor. Han har fått både nasjonale og internasjonale prisar og er nominert til prestisjetunge prisar både i Storbritannia og i Irland.
Mexico har eit knippe av verdskjente mannlege forfattarar, som Carlos Fuentes, Octavio Paz (Nobelprisen 1990) og Juan Rulfo. No kan det vere kvinnene som fører an, med Valeria Luiselli (f. 1983) og Fernanda Melchor (f. 1982) i spissen.
Oddmund Hagen
Oddmund Hagen er forfattar og fast bokmeldar i Dag og Tid.
Språket er rått og intenst, folkeleg og kontant.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.