Aldri håplaust
Den sterke novellisten skuffar ikkje med sin første roman.
Etter å ha skrive fleire novellesamlingar har Hilde Lindset skrive ein roman.
Foto: Thomas Kolbein Bjørk Olsen
Roman
Hilde Lindset:
Bare de levende trenger å bli husket
Tiden
Hilde Lindset er ein av forfattarane eg følger med størst interesse. Med solide tekstar er ho blant dei beste novellistane vi har, meiner eg. No er Lindset ute med sin første roman, som er annleis enn novellene på fleire måtar enn i sjanger.
Fleire lag
Bare de levende trenger å bli husket går føre seg på den fiktive øya O. Louise reiser dit litt umotivert og endar opp med å ta vare på ein liten gut som har flykta over havet og mista dei næraste.
Kristin Sørsdal kom i fjor med den vakre romanen Mare, som kan minne om denne både tematisk og i den poetiske stilen, som hos Lindset er til stades her i mykje større grad enn i novellene. Fleire andre forfattarar er naturleg nok òg opptatt av flyktningkrisa, men Lindset skil seg ut: Etter enda lesing er eg framleis usikker på kven som er forteljaren. Kva er det som eigentleg hender? Kven har mista kven? Og handlar boka eigentleg om flyktningkrisa?
Flykte til og flykte frå
Teksten er skriven i ulike stilar. Store delar er skrivne som prosalyrikk og speglar liv som går i oppløysing. Andre delar av boka er skrivne som tradisjonell prosa. Innimellom er det fletta inn nokre slags formaningar som står i kursiv, som ei stemme som nærast masar på eit «du», og som følger med på alt Louise gjer. Vi anar at det finst eit «eg» ein stad, men at ho held seg utanfor forteljinga, at livet hennar skjer ein annan stad.
Er det kanskje slik at forteljinga om Louise, som flyktar frå sorga si for å hjelpe andre i flukt, blir brukt av eg-et som sjølv treng å flykte? Vi får stadig nye byrjingar, alternative røynder: «Det kan begynne her.»
Behageleg tempo
Romanen inneheld mange lag som gir meg mange spørsmål, mange eg ikkje heilt har funne svaret på. Men det betyr ikkje at Lindset har skrive ein tung eller vanskeleg tekst. Spørsmåla blir til gåter vi får lyst til å finne ut av, og som forfattaren etter kvart gir oss små hint om å forstå betre og betre.
Dei som ønsker seg dei svartaste romanane om tragediane i Middelhavet, må nok leite vidare. Teksten er lett å lese, og alt hender i eit behageleg og bedageleg tempo. Tankane går til Hanne Ørstavik når vi kjem inn på tankar og kvardag og kloke filosofiske refleksjonar over lukke og kjærleik. Forteljaren er både nær og fjern, stemninga er fylt av uro og ro – på same tid. Romanen er full av kontrastar.
Louise lagar kanalar i sanden saman med guten, ho tørkar av eit bord, kakkar eit egg i ein bolle, kjøper is og lagar middag. Vi får lister over kva som gjer henne lukkeleg, og eg ser for meg at Louise kan likne den franske filmkarakteren Den fabelaktige Amélie fra Montmartre, at ho òg kan finne på å bake ei plommekake som distraksjon frå det som er låkt. Det er forunderleg at ein roman om sorg og om det nådelause havet kan vere lys og god å vere i, som ei solrenning.
Katrine Judit Urke
Katrine Judit Urke er bibliotekar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Hilde Lindset:
Bare de levende trenger å bli husket
Tiden
Hilde Lindset er ein av forfattarane eg følger med størst interesse. Med solide tekstar er ho blant dei beste novellistane vi har, meiner eg. No er Lindset ute med sin første roman, som er annleis enn novellene på fleire måtar enn i sjanger.
Fleire lag
Bare de levende trenger å bli husket går føre seg på den fiktive øya O. Louise reiser dit litt umotivert og endar opp med å ta vare på ein liten gut som har flykta over havet og mista dei næraste.
Kristin Sørsdal kom i fjor med den vakre romanen Mare, som kan minne om denne både tematisk og i den poetiske stilen, som hos Lindset er til stades her i mykje større grad enn i novellene. Fleire andre forfattarar er naturleg nok òg opptatt av flyktningkrisa, men Lindset skil seg ut: Etter enda lesing er eg framleis usikker på kven som er forteljaren. Kva er det som eigentleg hender? Kven har mista kven? Og handlar boka eigentleg om flyktningkrisa?
Flykte til og flykte frå
Teksten er skriven i ulike stilar. Store delar er skrivne som prosalyrikk og speglar liv som går i oppløysing. Andre delar av boka er skrivne som tradisjonell prosa. Innimellom er det fletta inn nokre slags formaningar som står i kursiv, som ei stemme som nærast masar på eit «du», og som følger med på alt Louise gjer. Vi anar at det finst eit «eg» ein stad, men at ho held seg utanfor forteljinga, at livet hennar skjer ein annan stad.
Er det kanskje slik at forteljinga om Louise, som flyktar frå sorga si for å hjelpe andre i flukt, blir brukt av eg-et som sjølv treng å flykte? Vi får stadig nye byrjingar, alternative røynder: «Det kan begynne her.»
Behageleg tempo
Romanen inneheld mange lag som gir meg mange spørsmål, mange eg ikkje heilt har funne svaret på. Men det betyr ikkje at Lindset har skrive ein tung eller vanskeleg tekst. Spørsmåla blir til gåter vi får lyst til å finne ut av, og som forfattaren etter kvart gir oss små hint om å forstå betre og betre.
Dei som ønsker seg dei svartaste romanane om tragediane i Middelhavet, må nok leite vidare. Teksten er lett å lese, og alt hender i eit behageleg og bedageleg tempo. Tankane går til Hanne Ørstavik når vi kjem inn på tankar og kvardag og kloke filosofiske refleksjonar over lukke og kjærleik. Forteljaren er både nær og fjern, stemninga er fylt av uro og ro – på same tid. Romanen er full av kontrastar.
Louise lagar kanalar i sanden saman med guten, ho tørkar av eit bord, kakkar eit egg i ein bolle, kjøper is og lagar middag. Vi får lister over kva som gjer henne lukkeleg, og eg ser for meg at Louise kan likne den franske filmkarakteren Den fabelaktige Amélie fra Montmartre, at ho òg kan finne på å bake ei plommekake som distraksjon frå det som er låkt. Det er forunderleg at ein roman om sorg og om det nådelause havet kan vere lys og god å vere i, som ei solrenning.
Katrine Judit Urke
Katrine Judit Urke er bibliotekar og fast bokmeldar i Dag og Tid.
Kva er det som eigentleg hender? Kven har mista kven? Og handlar boka eigentleg om flyktningkrisa?
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.