Å eige eller å vere
Schweblin utforskar uhyggelege digitale moglegheiter.
Samantha Schweblin er filmvitar og debuterte som forfattar med ei novellesamling i 2002.
Foto: Alejandra López
Roman
Samantha Schweblin:
Kentuki
Omsett av Signe Prøis
Cappelen Damm
På Netflix har dei i fleire sesongar sendt den populære og interessante serien Black Mirror. I kvar avslutta episode møter vi ei røynd der den teknologiske utviklinga er tatt eitt eller to hakk vidare frå no, ofte på eit vis som set uhyggelege krefter i spel. Her heime har forfattaren Cathrine Knudsen utforska noko av det same.
Dette er ikkje science fiction i tradisjonell forstand, dei fleste teknologiske nyvinningane det handlar om, er ikkje fiksjon, dei finst. Spørsmålet er korleis og av kven dei blir tekne i bruk. Fiksjonsprosa er ein bra stad å utforske den stadig tettare symbiosen mellom menneske og maskin.
Digitale leikedyr
Samantha Schweblin er 42 år og allereie utropt til ein av verdas viktigaste forfattarar. Ho blir samanlikna med størrelsar frå sitt eiga land som Julio Cortázar og Jorge Luis Borges. Kentuki er den femte skjønnlitterære boka hennar. Her møter vi eit vell av karakterar og miljø, spreidde over heile verda. Forfattaren har eit fast grep om alle dei ulike sogene og skjebnane, men til å byrje med er det litt anstrengande å trenge inn i den fragmentariske forma romanen har.
På 1990-talet dukka det opp digitale leikedyr som skulle fungere som erstatning for levande kjæledyr. Tamagotchi var den japanske varianten, Furby den amerikanske. Ein kentuki er Schweblins utgåve, ein kanin, ein moldvarp eller ein drage med pels og små hjul. Dei kan ikkje snakke, men lagar lydar. Kentukien har ein heilt vesentleg tilleggsfunksjon, eit innebygd kamera kopla til ein PC og ein person ein heilt annan stad i verda. Kentukien har altså både ein eigar, personen som kjøpte leikedyret i ein butikk og tok det med heim, og ein som «er» kentukien, personen som har tilgang til kameraet og som kan styre rørslene til figuren.
Gjennom ein kentuki kan ein få innblikk i andre kulturar og levevis heilt andre stader på kloten, utan å belaste klimaet eller eigen økonomi ved å reise dit i fysisk forstand (eller i våre dagar – utfordre karantenerestriksjonar). Men det er nokre nedsider her.
Å sjå eller bli sett
Marvin i Guatemala kjem seg heilt til snøen i Honningsvåg ved hjelp av ein kentuki. Sympatiske Enzo i Italia talar fredfullt og høfleg med kentukien der dei saman tuslar rundt i drivhuset hans, men undrar seg likevel over kven som eigentleg er inne i den enigmatiske kaninen på hjul som er vitne til alt han gjer. Gigrio i Zagreb gjer forretninger og sel kentukiane med ei kjend tilkopling, slik at kjøparen kan ønskje seg kvar dei «reiser» via leikedyret. I Mexico får kentukiane naive Alina til å gjere først gradvise og sidan brå og brutale oppdagingar om kjærasten.
Mot slutten av boka grip handlinga skikkeleg tak i all si uhygge. Felles for historiene er at tilsynelatande uskuldig leik og utforsking av ein ganske allmenn kikkartendens, endar i ein katastrofe fullstendig utanfor den kontrollen både eigaren og den som «er» kentukien, innbilte seg å ha.
Kva gjer det med oss å bli vitne til brutale gjerningar langt borte utan å kunne gjere noko? Korleis vernar vi oss mot vondskapen når det er vi sjølve som har invitert han inn i våre eigne stover og soverom? Kentuki er ei viktig påminning om kor lett vi lar oss forføre av ny teknologi, og om faren ved at så mykje av han blir sprøyta ut på marknaden før bruken blir regulert. Dermed ligg vegen vidopen for dei som har mindre gode hensikter.
Signe Prøis omsetjing er jamt over fin, men kvifor har ho ikkje brukt den eksisterande og gode omsetjinga av tittelen på Ursula Le Guins roman Mørkets venstre hånd?
Hilde Vesaas
Hilde Vesaas er forfattar, lektor og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Samantha Schweblin:
Kentuki
Omsett av Signe Prøis
Cappelen Damm
På Netflix har dei i fleire sesongar sendt den populære og interessante serien Black Mirror. I kvar avslutta episode møter vi ei røynd der den teknologiske utviklinga er tatt eitt eller to hakk vidare frå no, ofte på eit vis som set uhyggelege krefter i spel. Her heime har forfattaren Cathrine Knudsen utforska noko av det same.
Dette er ikkje science fiction i tradisjonell forstand, dei fleste teknologiske nyvinningane det handlar om, er ikkje fiksjon, dei finst. Spørsmålet er korleis og av kven dei blir tekne i bruk. Fiksjonsprosa er ein bra stad å utforske den stadig tettare symbiosen mellom menneske og maskin.
Digitale leikedyr
Samantha Schweblin er 42 år og allereie utropt til ein av verdas viktigaste forfattarar. Ho blir samanlikna med størrelsar frå sitt eiga land som Julio Cortázar og Jorge Luis Borges. Kentuki er den femte skjønnlitterære boka hennar. Her møter vi eit vell av karakterar og miljø, spreidde over heile verda. Forfattaren har eit fast grep om alle dei ulike sogene og skjebnane, men til å byrje med er det litt anstrengande å trenge inn i den fragmentariske forma romanen har.
På 1990-talet dukka det opp digitale leikedyr som skulle fungere som erstatning for levande kjæledyr. Tamagotchi var den japanske varianten, Furby den amerikanske. Ein kentuki er Schweblins utgåve, ein kanin, ein moldvarp eller ein drage med pels og små hjul. Dei kan ikkje snakke, men lagar lydar. Kentukien har ein heilt vesentleg tilleggsfunksjon, eit innebygd kamera kopla til ein PC og ein person ein heilt annan stad i verda. Kentukien har altså både ein eigar, personen som kjøpte leikedyret i ein butikk og tok det med heim, og ein som «er» kentukien, personen som har tilgang til kameraet og som kan styre rørslene til figuren.
Gjennom ein kentuki kan ein få innblikk i andre kulturar og levevis heilt andre stader på kloten, utan å belaste klimaet eller eigen økonomi ved å reise dit i fysisk forstand (eller i våre dagar – utfordre karantenerestriksjonar). Men det er nokre nedsider her.
Å sjå eller bli sett
Marvin i Guatemala kjem seg heilt til snøen i Honningsvåg ved hjelp av ein kentuki. Sympatiske Enzo i Italia talar fredfullt og høfleg med kentukien der dei saman tuslar rundt i drivhuset hans, men undrar seg likevel over kven som eigentleg er inne i den enigmatiske kaninen på hjul som er vitne til alt han gjer. Gigrio i Zagreb gjer forretninger og sel kentukiane med ei kjend tilkopling, slik at kjøparen kan ønskje seg kvar dei «reiser» via leikedyret. I Mexico får kentukiane naive Alina til å gjere først gradvise og sidan brå og brutale oppdagingar om kjærasten.
Mot slutten av boka grip handlinga skikkeleg tak i all si uhygge. Felles for historiene er at tilsynelatande uskuldig leik og utforsking av ein ganske allmenn kikkartendens, endar i ein katastrofe fullstendig utanfor den kontrollen både eigaren og den som «er» kentukien, innbilte seg å ha.
Kva gjer det med oss å bli vitne til brutale gjerningar langt borte utan å kunne gjere noko? Korleis vernar vi oss mot vondskapen når det er vi sjølve som har invitert han inn i våre eigne stover og soverom? Kentuki er ei viktig påminning om kor lett vi lar oss forføre av ny teknologi, og om faren ved at så mykje av han blir sprøyta ut på marknaden før bruken blir regulert. Dermed ligg vegen vidopen for dei som har mindre gode hensikter.
Signe Prøis omsetjing er jamt over fin, men kvifor har ho ikkje brukt den eksisterande og gode omsetjinga av tittelen på Ursula Le Guins roman Mørkets venstre hånd?
Hilde Vesaas
Hilde Vesaas er forfattar, lektor og fast skribent i Dag og Tid.
Kentuki er ei viktig påminning om kor lett vi lar oss forføre av ny teknologi.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.