Arkivet: Dei første norske tungrockarane

Harald Otterstad og Tor Andersen har med boka Aunt Mary. Never Stop Your Wishful Thinking gitt ut ein solid og underhaldande biografi om eit av dei store pionerbanda i norsk rock.

Gruppa blei starta i Fredrikstad i 1969 av ein gjeng unggutar. Vokalist Jan Groth på 23 var eldstemann og hadde røter i Elvis og 50-talsrock og blues, medan dei andre var Beatles og Stones-generasjonen og skulle ta bandet til internasjonalt nivå i prog- og tungrock.

Groth foreslo Aunt Mary-namnet frå trekantdramaet i Little Richard-songen «Long Tall Sally»: «…I saw Uncle John with bald-head Sally/ He saw Aunt Mary comin/ And he ducked back in the alley…». I starten var ikkje dei andre i bandet like begeistra for namnet, enda The Beatles hadde ein hit med nett den låten.

The Beatles lånte også «Roll Over Beethoven» av Chuck Berry. I god progrockånd forvandla Aunt Mary eit stykke klassisk musikk til sin signaturlåt. Dei gav ut «I Dovregubbens hall» av Edvard Grieg som B-side på singel.

I Chateau Neuf på 70-talet opplevde eg korleis Grieg-komposisjonen med stadig høgare tempo og volum var som skapt for Aunt Mary. Bass, trommer, orgel – og Bjørn «Krisa» Christiansen på elgitar!

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare