Å fylle 90 med eit brak
Onsdag fylte målaren, teiknaren og grafikaren Håkon Bleken 90 år. Trønderen har vore ein av våre fremste gjennom fleire tiår, og han er framleis imponerande sprek i bileta sine.
Bleken skildrar korleis ordførar Ottervik styrer utan tanke på kva dei som har valt henne, måtte meine, utan tanke på kva som er klokt og rett. Såleis trengst korkje auge eller øyre.
Foto: Trond A. Isaksen / Galleri Brandstrup
Bleken har også ein god penn, også bokstaveleg tala, han er ein av få som får lov til å sende Adresseavisen handskrivne artiklar. I desse tekstane flekker han tenner mot dei han meiner skadar heimbyen Trondheim. Ordførar Rita Ottervik har mang ein gong blitt fillerista i desse innlegga. Det er interessant å merke seg at kritikken ikkje har fått særleg merksemd i tekstform. Så vi kan heller seie at det er penselen som er mektigare enn pennen i dette tilfellet.
Ordføraren Ottervik
Bleken har servert oss to blodferske måleri av Ottervik med den tunge ordførarkjeda om halsen. Det er såleis ordføraren og ikkje personen Ottervik som er portrettert. Verket kunne stått som eit universelt symbol for at makt korrumperer. Alt av menneskelege trekk er brent vekk, og det dyriske har fått frie taumar. Andletet er eit digert blodraudt glis med kvasse tenner. Bleken skildrar korleis ordføraren styrer utan tanke på kva dei som har valt henne, måtte meine, utan tanke på kva som er klokt og rett. Såleis trengst korkje auge eller øyre.
Penselstroka er raske og heftige og er med på å understreke engasjementet til kunstnaren. Verka har mange referansar til samtidskunst, det er noko leikent over måten han sankar inspirasjon frå fleire hald, det evig ungdommelege i han møter tyngda og erfaringa til nittiåringen.
Særleg tydeleg er inspirasjonen frå paveportretta til den britiske målaren Francis Bacon (1909–92). Men medan Bacon skildrar korleis sjela lidande og skrikande er fanga i ein menneskekropp, er det lite smerte å finne i versjonane til Bleken. Dei legg i staden vekt på å skildre Ottervik som frydar seg på primitivt og grådig vis over prosjekta ho har trumfa igjennom. Dei er slett ikkje utan humoristisk kvalitet, desse arbeida.
Monsterhallen
Biletet der Ottervik er omhylla av ei djupt raud kappe, er det mest interessante. Her held ho den såkalla Monsterhallen, den svært omdiskuterte storbyhallen som er i ferd med å reise seg i Trondheim. Hallen vert bygd på eit område som eigentleg er regulert til park, så det har vore ein stor og langvarig kamp for å stoppe prosjektet. Måten Ottervik står på, har på harselerande vis likskapar med ein type helgenbilete i mellomalderen. I Vestfronten av Nidarosdomen, som ligg like ved monsterhallen, står ein slik skulptur. Figuren viser Kong Salomo, i hendene har han tempelet han reiste i Jerusalem. Salomo var særs vis, kongar og dronningar kom frå heile verda for å rådføre seg med han. Kontrasten mellom kongen og ordføraren vert ein spydig kommentar til måten ho forvaltar mandatet sitt på.
Portretta er svært så frekke. Samstundes er det heller ikkje til å kome forbi at måleria er litt flatterande. Ottervik er ganske smal og smekker i biletet med raud kappe. Det likte ho kanskje, likesom Sylvi Listhaug sikkert heller ikkje grein over korleis ho var forma, der ho hang naken på krossen i Bergen. Og ho osar av makt, noko som heller ikkje er det dummaste å bli assosiert med. Såleis er dette slett ikkje reine nidbilete. Det kan vere nett denne balansen som gjer at det ikkje berre er ei ytring, men også god kunst.
Eva Furseth
Eva Furseth er kunsthistorikar og fast kunstmeldar i
Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Bleken har også ein god penn, også bokstaveleg tala, han er ein av få som får lov til å sende Adresseavisen handskrivne artiklar. I desse tekstane flekker han tenner mot dei han meiner skadar heimbyen Trondheim. Ordførar Rita Ottervik har mang ein gong blitt fillerista i desse innlegga. Det er interessant å merke seg at kritikken ikkje har fått særleg merksemd i tekstform. Så vi kan heller seie at det er penselen som er mektigare enn pennen i dette tilfellet.
Ordføraren Ottervik
Bleken har servert oss to blodferske måleri av Ottervik med den tunge ordførarkjeda om halsen. Det er såleis ordføraren og ikkje personen Ottervik som er portrettert. Verket kunne stått som eit universelt symbol for at makt korrumperer. Alt av menneskelege trekk er brent vekk, og det dyriske har fått frie taumar. Andletet er eit digert blodraudt glis med kvasse tenner. Bleken skildrar korleis ordføraren styrer utan tanke på kva dei som har valt henne, måtte meine, utan tanke på kva som er klokt og rett. Såleis trengst korkje auge eller øyre.
Penselstroka er raske og heftige og er med på å understreke engasjementet til kunstnaren. Verka har mange referansar til samtidskunst, det er noko leikent over måten han sankar inspirasjon frå fleire hald, det evig ungdommelege i han møter tyngda og erfaringa til nittiåringen.
Særleg tydeleg er inspirasjonen frå paveportretta til den britiske målaren Francis Bacon (1909–92). Men medan Bacon skildrar korleis sjela lidande og skrikande er fanga i ein menneskekropp, er det lite smerte å finne i versjonane til Bleken. Dei legg i staden vekt på å skildre Ottervik som frydar seg på primitivt og grådig vis over prosjekta ho har trumfa igjennom. Dei er slett ikkje utan humoristisk kvalitet, desse arbeida.
Monsterhallen
Biletet der Ottervik er omhylla av ei djupt raud kappe, er det mest interessante. Her held ho den såkalla Monsterhallen, den svært omdiskuterte storbyhallen som er i ferd med å reise seg i Trondheim. Hallen vert bygd på eit område som eigentleg er regulert til park, så det har vore ein stor og langvarig kamp for å stoppe prosjektet. Måten Ottervik står på, har på harselerande vis likskapar med ein type helgenbilete i mellomalderen. I Vestfronten av Nidarosdomen, som ligg like ved monsterhallen, står ein slik skulptur. Figuren viser Kong Salomo, i hendene har han tempelet han reiste i Jerusalem. Salomo var særs vis, kongar og dronningar kom frå heile verda for å rådføre seg med han. Kontrasten mellom kongen og ordføraren vert ein spydig kommentar til måten ho forvaltar mandatet sitt på.
Portretta er svært så frekke. Samstundes er det heller ikkje til å kome forbi at måleria er litt flatterande. Ottervik er ganske smal og smekker i biletet med raud kappe. Det likte ho kanskje, likesom Sylvi Listhaug sikkert heller ikkje grein over korleis ho var forma, der ho hang naken på krossen i Bergen. Og ho osar av makt, noko som heller ikkje er det dummaste å bli assosiert med. Såleis er dette slett ikkje reine nidbilete. Det kan vere nett denne balansen som gjer at det ikkje berre er ei ytring, men også god kunst.
Eva Furseth
Eva Furseth er kunsthistorikar og fast kunstmeldar i
Dag og Tid.
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?