Tyrkia, Sverige og Nato
Nato-landet Tyrkia skremmer med å nekta Sverige medlemskap i militæralliansen. Ordninga med at alle vedtak i Nato skal vera gjorde med felles samtykke, krev sjølvsagt at alle medlemene er rasjonelle og til å stola på.
Det er ikkje Tyrkia. Ei idiotisk brenning av Koranen utanfor den tyrkiske ambassaden i Stockholm, av ein svensk-dansk ekstremist, gjer no at Tyrkia på nytt seier nei til at Sverige kan verta medlem.
Eit av føremåla med Nato er å «fremja demokratiske verdiar». (Det må vi halda fast ved, sjølv om bombinga av Libya var eit alvorleg mistak.) Ein av dei viktigaste føresetnadene for demokratiet er ytringsfridom – som sjølvsagt også må gjelda ytringar vi ikkje likar.
Men inntil vidare kan altså Sverige, eit demokratisk velfungerande land i Vest-Europa, verta nekta medlemskap i ein organisasjon som har som føremål å verna om demokratiet, av eit autoritært regime i den same organisasjonen.
Ein kan jo lura på kvifor Tyrkia er med i Nato? Amnestys rapportar frå landet er trist lesnad. Det tyrkiske regimet er ansvarleg for alvorlege brot på menneskerettane. Tusenvis sit fengsla på grunn av urettvise skuldingar om «terrorverksemd», og det er stadige nye rettssaker mot menneskerettsaktivistar. Samstundes fører Tyrkia krig mot kurdarane nord og aust i Syria, utan at Nato tydeleg og kraftfullt har protestert.
Men Tyrkia er strategisk plassert, og Vest-Europa treng ein buffer mot ukontrollert innvandring, difor har tyrkarane taket på Nato. Den situasjonen veit president Erdogan å utnytta.
Det Sverige og Nato kan vona på, er at Erdogan berre driv eit spel for å vinna valet til våren. Med alle dei problema landet har, treng han å stå fram som ein sterk nasjonal leiar med stormaktsambisjonar. Men det er uansvarleg å driva eit slikt spel og nekta Sverige Nato-medlemskap når Europa er i ein så alvorleg
situasjon som i dag.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Nato-landet Tyrkia skremmer med å nekta Sverige medlemskap i militæralliansen. Ordninga med at alle vedtak i Nato skal vera gjorde med felles samtykke, krev sjølvsagt at alle medlemene er rasjonelle og til å stola på.
Det er ikkje Tyrkia. Ei idiotisk brenning av Koranen utanfor den tyrkiske ambassaden i Stockholm, av ein svensk-dansk ekstremist, gjer no at Tyrkia på nytt seier nei til at Sverige kan verta medlem.
Eit av føremåla med Nato er å «fremja demokratiske verdiar». (Det må vi halda fast ved, sjølv om bombinga av Libya var eit alvorleg mistak.) Ein av dei viktigaste føresetnadene for demokratiet er ytringsfridom – som sjølvsagt også må gjelda ytringar vi ikkje likar.
Men inntil vidare kan altså Sverige, eit demokratisk velfungerande land i Vest-Europa, verta nekta medlemskap i ein organisasjon som har som føremål å verna om demokratiet, av eit autoritært regime i den same organisasjonen.
Ein kan jo lura på kvifor Tyrkia er med i Nato? Amnestys rapportar frå landet er trist lesnad. Det tyrkiske regimet er ansvarleg for alvorlege brot på menneskerettane. Tusenvis sit fengsla på grunn av urettvise skuldingar om «terrorverksemd», og det er stadige nye rettssaker mot menneskerettsaktivistar. Samstundes fører Tyrkia krig mot kurdarane nord og aust i Syria, utan at Nato tydeleg og kraftfullt har protestert.
Men Tyrkia er strategisk plassert, og Vest-Europa treng ein buffer mot ukontrollert innvandring, difor har tyrkarane taket på Nato. Den situasjonen veit president Erdogan å utnytta.
Det Sverige og Nato kan vona på, er at Erdogan berre driv eit spel for å vinna valet til våren. Med alle dei problema landet har, treng han å stå fram som ein sterk nasjonal leiar med stormaktsambisjonar. Men det er uansvarleg å driva eit slikt spel og nekta Sverige Nato-medlemskap når Europa er i ein så alvorleg
situasjon som i dag.
Svein Gjerdåker
Fleire artiklar
Dei siste par åra har den norske bonden fått kjenne konsekvensane av å produsere i eit system der utgiftene er styrte av marknaden, medan inntektene er styrte av politikarane, skriv Siri Helle.
Foto: Heiko Junge / NTB
Effektivisering er ikkje berginga
Korleis gje bønder rettferdig inntekt når dei framleis skal vere sjølvstendig næringsdrivande?
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.