Tid for kompromiss
Som vi alle veit no, til og med regjeringa, bryt bygginga av dei 151 vindturbinane på Fosenhalvøya med FN-konvensjonen om sivile og politiske rettar og den retten reindriftssamane i området har til eiga kulturutøving.
Men saka er ikkje ferdig av den grunn, for det er ikkje plasseringa av vindturbinane i seg sjølv som bryt med menneskerettane. Menneskerettsbrotet skjer fordi det ikkje har vorte gjort tilfredsstillande avbøtande tiltak for å minska dei negative konsekvensane for reindriftssamane.
No er det opp til staten å få til slike avbøtande tiltak. Elles må turbinane rivast. Og ikkje berre det, det kan òg koma på tale å måtta føra naturen tilbake slik han var før utbygginga. Altså å få bort alle dei mange kilometerane med vegar som er bygde til anlegget.
Å få til gode avbøtande tiltak vert ikkje lett. Å løysa det med vinterfôring – høy, silo, innsamla lav eller kraftfôr frå Felleskjøpet, noko som vert meir og meir vanleg i Finnmark – kan undergrava den kulturelle verdien til reindrifta og svekkja legitimiteten til næringa.
Vindturbinane på Fosen skulle ikkje vore bygde. Og vi bør i det heile vera restriktive til nye store vindkraftutbyggingar på land. Vi har eit ansvar for å verna utmarka og naturen vår mot store inngrep.
Men likevel, no står no eingong desse svære turbinane til seks milliardar kroner der. Å riva dei vil kosta fleire hundre millionar. Om vegane òg skal bort, blir det endå meir. Og kva med erstatning til eigarane for tapte driftsinntekter i det som er att av konsesjonsperioden?
Kven som vert sitjande med rekninga til slutt ved ei avvikling – staten eller utbyggjaren – er ikkje klart i dag.
Dessutan trengst krafta. Alt dette legg i praksis sterke avgrensingar på handlingsrommet. Partane bør difor medverka til å få løyst denne saka utan at alle vindturbinane må rivast, samstundes som reindrifta på Fosen kan halda fram, om enn ikkje heilt som før.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Som vi alle veit no, til og med regjeringa, bryt bygginga av dei 151 vindturbinane på Fosenhalvøya med FN-konvensjonen om sivile og politiske rettar og den retten reindriftssamane i området har til eiga kulturutøving.
Men saka er ikkje ferdig av den grunn, for det er ikkje plasseringa av vindturbinane i seg sjølv som bryt med menneskerettane. Menneskerettsbrotet skjer fordi det ikkje har vorte gjort tilfredsstillande avbøtande tiltak for å minska dei negative konsekvensane for reindriftssamane.
No er det opp til staten å få til slike avbøtande tiltak. Elles må turbinane rivast. Og ikkje berre det, det kan òg koma på tale å måtta føra naturen tilbake slik han var før utbygginga. Altså å få bort alle dei mange kilometerane med vegar som er bygde til anlegget.
Å få til gode avbøtande tiltak vert ikkje lett. Å løysa det med vinterfôring – høy, silo, innsamla lav eller kraftfôr frå Felleskjøpet, noko som vert meir og meir vanleg i Finnmark – kan undergrava den kulturelle verdien til reindrifta og svekkja legitimiteten til næringa.
Vindturbinane på Fosen skulle ikkje vore bygde. Og vi bør i det heile vera restriktive til nye store vindkraftutbyggingar på land. Vi har eit ansvar for å verna utmarka og naturen vår mot store inngrep.
Men likevel, no står no eingong desse svære turbinane til seks milliardar kroner der. Å riva dei vil kosta fleire hundre millionar. Om vegane òg skal bort, blir det endå meir. Og kva med erstatning til eigarane for tapte driftsinntekter i det som er att av konsesjonsperioden?
Kven som vert sitjande med rekninga til slutt ved ei avvikling – staten eller utbyggjaren – er ikkje klart i dag.
Dessutan trengst krafta. Alt dette legg i praksis sterke avgrensingar på handlingsrommet. Partane bør difor medverka til å få løyst denne saka utan at alle vindturbinane må rivast, samstundes som reindrifta på Fosen kan halda fram, om enn ikkje heilt som før.
Svein Gjerdåker
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.