Styrk politiet
Kripos-sjef Kristin Kvigne etter presentasjonen av trusselvurderinga til politiet.
Foto: Gorm Kallestad / NTB
Trusselvurderinga til politiet for 2024 vart offentleggjord denne veka. 38 sider, pedagogisk tilrettelagde med mellomoverskrifter, oppsummeringar og bilete.
Rapporten syner til fleire positive utviklingstrekk, som at talet på registrerte straffesaker er lågare enn i 2016, og at Noreg har få drap samanlikna med andre land. 38 i fjor. Men rapporten inneheld meir enn nok av tydelege åtvaringar:
«Hatefulle ytringer på sosiale medier utgjør en trussel mot demokratiet», «Cyberkriminalitet er under kontinuerlig utvikling», «Fiskerikriminalitet undergraver en bærekraftig fiskeriforvaltning», «Kunstig intelligens kan føre til at flere barn utsettes for seksuell utpressing», «Kriminelle nettverk vil i økende grad bruke Norge som transittland for narkotika».
Politiet er ikkje minst uroa for at auka aktivitet frå svenske kriminelle nettverk i Noreg vil føra til fleire valdshendingar og meir narkotikakriminalitet også her i landet.
Enno har vi ikkje døme på kynisk og målretta rekruttering av mindreårige som kan utføra valdshandlingar, slik vi har sett fleire døme på i Sverige. Men rapporten fortel om ein auke i kriminaliteten blant ungdom under 18 år. Born under 15 år står for ein tredel av ungdomskriminaliteten. Politiet er uroa for at vi kan få meir grov vald og ran utførte av born og ungdom.
Det må vi ta på alvor. Lite kriminalitet og fråvær av vald er ein grunnleggjande føresetnad for eit godt samfunn. Det krev sjølvsagt merksemd og tiltak på mange område. Ikkje minst må politiet og barnevernet ha ressursar nok til tett kontakt og oppfølging opp mot miljø som slit med ungdomsproblem.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Trusselvurderinga til politiet for 2024 vart offentleggjord denne veka. 38 sider, pedagogisk tilrettelagde med mellomoverskrifter, oppsummeringar og bilete.
Rapporten syner til fleire positive utviklingstrekk, som at talet på registrerte straffesaker er lågare enn i 2016, og at Noreg har få drap samanlikna med andre land. 38 i fjor. Men rapporten inneheld meir enn nok av tydelege åtvaringar:
«Hatefulle ytringer på sosiale medier utgjør en trussel mot demokratiet», «Cyberkriminalitet er under kontinuerlig utvikling», «Fiskerikriminalitet undergraver en bærekraftig fiskeriforvaltning», «Kunstig intelligens kan føre til at flere barn utsettes for seksuell utpressing», «Kriminelle nettverk vil i økende grad bruke Norge som transittland for narkotika».
Politiet er ikkje minst uroa for at auka aktivitet frå svenske kriminelle nettverk i Noreg vil føra til fleire valdshendingar og meir narkotikakriminalitet også her i landet.
Enno har vi ikkje døme på kynisk og målretta rekruttering av mindreårige som kan utføra valdshandlingar, slik vi har sett fleire døme på i Sverige. Men rapporten fortel om ein auke i kriminaliteten blant ungdom under 18 år. Born under 15 år står for ein tredel av ungdomskriminaliteten. Politiet er uroa for at vi kan få meir grov vald og ran utførte av born og ungdom.
Det må vi ta på alvor. Lite kriminalitet og fråvær av vald er ein grunnleggjande føresetnad for eit godt samfunn. Det krev sjølvsagt merksemd og tiltak på mange område. Ikkje minst må politiet og barnevernet ha ressursar nok til tett kontakt og oppfølging opp mot miljø som slit med ungdomsproblem.
Svein Gjerdåker
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.