Store utfordringar for sjukehusa
I april 2018 stilte Jonas Gahr Støre dåverande statsminister Erna Solberg følgjande spørsmål om tilstanden ved norske sjukehus: «Er du enig i at det nå er skåret til beinet, og at det begynner å svekke tilbudet for god pasientbehandling og kvaliteten i fellesskapets sykehus?»
Han synte til at han hadde vore rundt på sjukehus i Noreg og fått varsel om at dei vert tappa for pengar og personell. Knappe fire år etter er det han sjølv, statsråd Kjerkhol og regjeringa som får kritikk for den økonomiske situasjonen ved sjukehusa. Politikk skal ikkje vera enkelt.
Fire helseføretak budsjetterer med underskot i 2023, skriv Alltinget. Helse-Trøndelag med 130 millionar, Finnmarkssjukehuset med 111 millionar. Voss sjukehus, skriv avisa Hordaland, må klara seg med 27 millionar mindre enn i 2021. Av desse skal 21 millionar dekka inn overforbruket i 2021.
Regjeringa meiner at sjukehusa kan måtta utsetja vedlikehald og investeringar – og kutta i vikarbruken. Det siste høyrest enkelt ut, men er det ikkje i praksis. Alt no i januar har fleire sjukehus hatt såpass mykje sjukefråvær at vikarbudsjetta for året fort kan sprekka.
Hard innsparing på vikarbruk og krevjande vakter for dei som er att på jobb, bidrar ikkje til å halda på fagfolka ved sjukehusa eller gjera det attraktivt nok til å rekruttera nye. Men nettopp nyrekruttering av fagfolk, som Kjerkhol sjølv peikar på, er ei stor utfordring for sjukehusa framover.
Sjukehusdrift er dyrt og krevjande, med stor fare for overforbruk, og krev hard prioritering. Helse Sør-Aust kan starta med å gjera om vedtaket frå 16. desember om å laga det nye gigantsjukehuset på Gaustad. Om ikkje bør Stortinget gripa inn. Prosjektet er for dyrt og kjem til å få negative verknadar for sjukehus i heile landet.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I april 2018 stilte Jonas Gahr Støre dåverande statsminister Erna Solberg følgjande spørsmål om tilstanden ved norske sjukehus: «Er du enig i at det nå er skåret til beinet, og at det begynner å svekke tilbudet for god pasientbehandling og kvaliteten i fellesskapets sykehus?»
Han synte til at han hadde vore rundt på sjukehus i Noreg og fått varsel om at dei vert tappa for pengar og personell. Knappe fire år etter er det han sjølv, statsråd Kjerkhol og regjeringa som får kritikk for den økonomiske situasjonen ved sjukehusa. Politikk skal ikkje vera enkelt.
Fire helseføretak budsjetterer med underskot i 2023, skriv Alltinget. Helse-Trøndelag med 130 millionar, Finnmarkssjukehuset med 111 millionar. Voss sjukehus, skriv avisa Hordaland, må klara seg med 27 millionar mindre enn i 2021. Av desse skal 21 millionar dekka inn overforbruket i 2021.
Regjeringa meiner at sjukehusa kan måtta utsetja vedlikehald og investeringar – og kutta i vikarbruken. Det siste høyrest enkelt ut, men er det ikkje i praksis. Alt no i januar har fleire sjukehus hatt såpass mykje sjukefråvær at vikarbudsjetta for året fort kan sprekka.
Hard innsparing på vikarbruk og krevjande vakter for dei som er att på jobb, bidrar ikkje til å halda på fagfolka ved sjukehusa eller gjera det attraktivt nok til å rekruttera nye. Men nettopp nyrekruttering av fagfolk, som Kjerkhol sjølv peikar på, er ei stor utfordring for sjukehusa framover.
Sjukehusdrift er dyrt og krevjande, med stor fare for overforbruk, og krev hard prioritering. Helse Sør-Aust kan starta med å gjera om vedtaket frå 16. desember om å laga det nye gigantsjukehuset på Gaustad. Om ikkje bør Stortinget gripa inn. Prosjektet er for dyrt og kjem til å få negative verknadar for sjukehus i heile landet.
Svein Gjerdåker
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.