Støre som kateket
I nyttårstalen stod statsminister Jonas Gahr Støre fram som ein kateket som preika til konfirmantane sine. Tema for samlinga var samhald, at vi set ord på kjenslene våre, og ei von om at vi alle i jula hadde møtt nokon vi er glad i. Det er vi sjølvsagt samde om, men den bodskapen klarte kong Harald å få fram tydeleg nok kvelden før.
Vi er no i ei tid med «krig i Europa, høge prisar og klimaendringar», som Støre sjølv understreka. Då bør han ta publikum meir på alvor, tala meir politikk og gje dei noko konkret å ta stilling til.
Men Støre har som tidlegare statsministrar late seg fanga av ein sjanger som har gjort talane meir og meir uinteressante og dermed fort gløymde. Skal det halda fram på same måten, kan ein like godt avvikla heile ritualet.
Men det har trass alt vore tillaup til nyttårstalar med noko meir substans. Per Borten hadde i 1966 ei lita filosofisk utgreiing om kulturomgrepet og at ein ikkje måtte avgrensa det til kulturfond og kulturministrar, men at kultur oppstår i møtet einskildmennesket har med naturen, med tinga og produkta av «håndens og åndens arbeid».
Gro Harlem Brundtland hadde ei klar helsing til EU-motstandarane 1. januar 1994: «For meg er forpliktende internasjonalt samarbeid en måte å utvide vår sjølråderett på og vinne demokratisk styring på områder der landene hver for seg kommer til kort.»
Jonas Gahr Støre må ha dårlege rådgjevarar, for han kan om han vil. Som på ei tilskiping for Gudmund Hernes i fjor, der Støre heldt ei glitrande og perspektivrik førelesing om forfattaren Zola og kva Dreyfus-saka kan seia oss i dag. Ingen statsministrar før han kunne gjort det same. Det er synd han ikkje la seg på same nivået då han tala til nasjonen i ei krevjande tid.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I nyttårstalen stod statsminister Jonas Gahr Støre fram som ein kateket som preika til konfirmantane sine. Tema for samlinga var samhald, at vi set ord på kjenslene våre, og ei von om at vi alle i jula hadde møtt nokon vi er glad i. Det er vi sjølvsagt samde om, men den bodskapen klarte kong Harald å få fram tydeleg nok kvelden før.
Vi er no i ei tid med «krig i Europa, høge prisar og klimaendringar», som Støre sjølv understreka. Då bør han ta publikum meir på alvor, tala meir politikk og gje dei noko konkret å ta stilling til.
Men Støre har som tidlegare statsministrar late seg fanga av ein sjanger som har gjort talane meir og meir uinteressante og dermed fort gløymde. Skal det halda fram på same måten, kan ein like godt avvikla heile ritualet.
Men det har trass alt vore tillaup til nyttårstalar med noko meir substans. Per Borten hadde i 1966 ei lita filosofisk utgreiing om kulturomgrepet og at ein ikkje måtte avgrensa det til kulturfond og kulturministrar, men at kultur oppstår i møtet einskildmennesket har med naturen, med tinga og produkta av «håndens og åndens arbeid».
Gro Harlem Brundtland hadde ei klar helsing til EU-motstandarane 1. januar 1994: «For meg er forpliktende internasjonalt samarbeid en måte å utvide vår sjølråderett på og vinne demokratisk styring på områder der landene hver for seg kommer til kort.»
Jonas Gahr Støre må ha dårlege rådgjevarar, for han kan om han vil. Som på ei tilskiping for Gudmund Hernes i fjor, der Støre heldt ei glitrande og perspektivrik førelesing om forfattaren Zola og kva Dreyfus-saka kan seia oss i dag. Ingen statsministrar før han kunne gjort det same. Det er synd han ikkje la seg på same nivået då han tala til nasjonen i ei krevjande tid.
Svein Gjerdåker
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.