Skjerm elevar mot skjermane
Ein ny studie syner på nytt at vi må ta på alvor dei uheldige sidene som dagens storstilte vektlegging av digital undervising i skulen har på elevane. Denne veka kunne Forsking.no fortelja om ein studie ved NTNU som syner at hjernen hjå born og unge er meir aktiv når dei skriv for hand enn når dei bruker tastatur.
Grunnen er at når ein skriv for hand, ser ein bokstavane ein lagar, og sansar vert aktiverte. Dette skapar «kontakt mellom ulike deler i hjernen og åpner den opp for læring». På den måten, hevdar studien, «både lærer vi bedre og husker bedre». Kvinna bak studien, professor i nevropsykologi Audrey van der Meer, legg difor vekt på at born i tidleg alder må verta utfordra til både å teikna og skriva meir for hand i skulen.
Det siste ser vi lite av. Den digitale undervisinga berre aukar i den norske skulen. Ifylgje Forsking.no, er norske born mest på nett blant 19 land i EU, og det er fleire norske skular i dag som er heildigitale og ikkje lærer borna handskrift.
Det er forska lite på vinsten av den digitale undervisinga i skulen. Som forskar i fagdidaktikk Gunvald Skeiseid sa til Dag og Tid for eit knapt år sidan, «verkar det som om planane for digitaliseringa av skulen er bygde mest på tru og von».
Satsinga på digitale læremiddel i skulen er diverre altfor lite diskutert. Det verkar som om vi alle er vortne så avhengige av smarttelefonen og digital lesing at vi ikkje ser kva urett vi kanskje gjer mot dagens skuleelevar.
Dette temaet bør difor løftast opp og takast langt meir alvorleg enn i dag. Ein start kan vera ei stor kritisk høyring om kva røynsler og forskingsresultat som ligg grunn og kan forsvara den massive vektlegginga av digital undervising i skulen i dag. Fram til då kan vi starta med å forby smarttelefonane i skuletida og såleis bidra til at elevane i alle fall får pause frå skjermane i friminutta.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ein ny studie syner på nytt at vi må ta på alvor dei uheldige sidene som dagens storstilte vektlegging av digital undervising i skulen har på elevane. Denne veka kunne Forsking.no fortelja om ein studie ved NTNU som syner at hjernen hjå born og unge er meir aktiv når dei skriv for hand enn når dei bruker tastatur.
Grunnen er at når ein skriv for hand, ser ein bokstavane ein lagar, og sansar vert aktiverte. Dette skapar «kontakt mellom ulike deler i hjernen og åpner den opp for læring». På den måten, hevdar studien, «både lærer vi bedre og husker bedre». Kvinna bak studien, professor i nevropsykologi Audrey van der Meer, legg difor vekt på at born i tidleg alder må verta utfordra til både å teikna og skriva meir for hand i skulen.
Det siste ser vi lite av. Den digitale undervisinga berre aukar i den norske skulen. Ifylgje Forsking.no, er norske born mest på nett blant 19 land i EU, og det er fleire norske skular i dag som er heildigitale og ikkje lærer borna handskrift.
Det er forska lite på vinsten av den digitale undervisinga i skulen. Som forskar i fagdidaktikk Gunvald Skeiseid sa til Dag og Tid for eit knapt år sidan, «verkar det som om planane for digitaliseringa av skulen er bygde mest på tru og von».
Satsinga på digitale læremiddel i skulen er diverre altfor lite diskutert. Det verkar som om vi alle er vortne så avhengige av smarttelefonen og digital lesing at vi ikkje ser kva urett vi kanskje gjer mot dagens skuleelevar.
Dette temaet bør difor løftast opp og takast langt meir alvorleg enn i dag. Ein start kan vera ei stor kritisk høyring om kva røynsler og forskingsresultat som ligg grunn og kan forsvara den massive vektlegginga av digital undervising i skulen i dag. Fram til då kan vi starta med å forby smarttelefonane i skuletida og såleis bidra til at elevane i alle fall får pause frå skjermane i friminutta.
Svein Gjerdåker
Fleire artiklar
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»