Skattlegging av sekundærbustader
Ikkje så reint sjeldan høyrer vi om fastbuande som gjerne vil kjøpe seg hus på bygda, men som taper bodrunden mot pengesterke kjøparar utanfrå som skal bruke bustaden som feriehus. Så lenge huset blir lagt ut for sal på den opne marknaden og kommunen ikkje har krav om buplikt, skjer nettopp det. Heldigvis finst det unntak der seljaren medvite vel den fastbuande barnefamilien og takkar nei til eit høgare bod.
Dei som gjekk inn på bustadmarknaden i hovudstaden eller andre store byar i byrjinga av 1990-åra, har tent godt på den enorme prisutviklinga. Om dei ynskjer å kjøpe ein bustad på gamle trakter når dei nærmar seg pensjonsalderen, har dei truleg ingen vanskar med å betale langt over prisframlegget.
Problemet finst ikkje berre på bygda. I dei største byane er det ikkje uvanleg at privatpersonar eig både eitt og to husvære som dei leiger ut. Slik finansierer dei eigne buutgifter, men ikkje berre det: Dei held andre som gjerne skulle ha eigd bustaden sin, utanfor marknaden.
Når hus i etablerte byggjefelt blir selde som feriebustader, går det ut over nabolaget. Eit levande lokalsamfunn er avhengig av fastbuande som betalar skatt og tek del i lokalpolitikken, som sender born i barnehage og på skule, som er med i idrettslag og skulekorps, og som stiller på dugnad og går i 17. mai-tog.
Slik som vilkåra er no, får den som eig meir enn éin bustad, skattefrådrag for rentene på lik line med den som akkurat klarer å finansiere eige husvære. Arveavgift betalar dei heller ikkje.
Eit verkemiddel kan vere at kommunen sjølv får innføre høgre eigedomsskatt på sekundærbustader enn på primærbustader. Ikkje for å skremme vekk dei som har feriebustad, men for å roe ned marknaden og gje fastbuande ein sjanse til å vinne bodrunden.
Tiril Rem
Med denne utgåva tek Dag og Tid ferie. Neste utgåve kjem fredag 5. august. Vi ynskjer lesarane våre god sommar!
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ikkje så reint sjeldan høyrer vi om fastbuande som gjerne vil kjøpe seg hus på bygda, men som taper bodrunden mot pengesterke kjøparar utanfrå som skal bruke bustaden som feriehus. Så lenge huset blir lagt ut for sal på den opne marknaden og kommunen ikkje har krav om buplikt, skjer nettopp det. Heldigvis finst det unntak der seljaren medvite vel den fastbuande barnefamilien og takkar nei til eit høgare bod.
Dei som gjekk inn på bustadmarknaden i hovudstaden eller andre store byar i byrjinga av 1990-åra, har tent godt på den enorme prisutviklinga. Om dei ynskjer å kjøpe ein bustad på gamle trakter når dei nærmar seg pensjonsalderen, har dei truleg ingen vanskar med å betale langt over prisframlegget.
Problemet finst ikkje berre på bygda. I dei største byane er det ikkje uvanleg at privatpersonar eig både eitt og to husvære som dei leiger ut. Slik finansierer dei eigne buutgifter, men ikkje berre det: Dei held andre som gjerne skulle ha eigd bustaden sin, utanfor marknaden.
Når hus i etablerte byggjefelt blir selde som feriebustader, går det ut over nabolaget. Eit levande lokalsamfunn er avhengig av fastbuande som betalar skatt og tek del i lokalpolitikken, som sender born i barnehage og på skule, som er med i idrettslag og skulekorps, og som stiller på dugnad og går i 17. mai-tog.
Slik som vilkåra er no, får den som eig meir enn éin bustad, skattefrådrag for rentene på lik line med den som akkurat klarer å finansiere eige husvære. Arveavgift betalar dei heller ikkje.
Eit verkemiddel kan vere at kommunen sjølv får innføre høgre eigedomsskatt på sekundærbustader enn på primærbustader. Ikkje for å skremme vekk dei som har feriebustad, men for å roe ned marknaden og gje fastbuande ein sjanse til å vinne bodrunden.
Tiril Rem
Med denne utgåva tek Dag og Tid ferie. Neste utgåve kjem fredag 5. august. Vi ynskjer lesarane våre god sommar!
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.