Set liv i fare for å spara
Krisa for luftambulansetenesta i Nord-Noreg kunne vore unngått. For det fyrste var dei fleste nøgde med drifta av tenesta som selskapet Lufttransport stod for fram til det svenske selskapet Babcock overtok drifta.
Det var såleis ingenting ved kvaliteten på tenestene som gjorde at Lufttransport måtte skiftast ut til fordel for det svenske selskapet. På kvalitet hamna Babcock på fjerdeplass i anbodskonkurransen – bak Lufttransport – med færre reservefly og pilotar enn Lufttransport.
Det var prisen på tenestene som var grunnen til skiftet. Tilbodet frå Babcock var rimelegare enn tilbodet frå Lufttransport. Og sjølv om pris berre skulle telja 40 prosent og kvalitet 60 prosent, var prisen Babcock tilbaud så mykje lågare at dei fekk kontrakten.
Det er forståeleg at regjeringa ønskjer mest mogeleg velferd til lågast mogeleg pris. Slik må vi tenkja om vi skal forvalta og driva norsk helsepolitikk økonomisk forsvarleg.
Men det er visse tenester ein ikkje kan eksperimentera med. Livsviktig infrastruktur som luftambulansetransport over lange avstandar er ei slik teneste. Då må kvalitet versus økonomi vektast mykje høgare enn 60–40.
Regjeringa kan ikkje noko for at flya har tekniske feil, men alle veit at nye prosjekt og nye operatørar har oppstartsproblem og treng lang innkøyringsfase. Det gjeld anten ein skal driva jarnbane eller luftambulanseteneste.
Men toga kan verta forseinka utan at det står om liv. Luftambulansen kan ikkje det. Difor burde ein gjort alt for halda på Lufttransport og ikkje sett luftambulansetenestene på spel, slik regjeringa har gjort no.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Krisa for luftambulansetenesta i Nord-Noreg kunne vore unngått. For det fyrste var dei fleste nøgde med drifta av tenesta som selskapet Lufttransport stod for fram til det svenske selskapet Babcock overtok drifta.
Det var såleis ingenting ved kvaliteten på tenestene som gjorde at Lufttransport måtte skiftast ut til fordel for det svenske selskapet. På kvalitet hamna Babcock på fjerdeplass i anbodskonkurransen – bak Lufttransport – med færre reservefly og pilotar enn Lufttransport.
Det var prisen på tenestene som var grunnen til skiftet. Tilbodet frå Babcock var rimelegare enn tilbodet frå Lufttransport. Og sjølv om pris berre skulle telja 40 prosent og kvalitet 60 prosent, var prisen Babcock tilbaud så mykje lågare at dei fekk kontrakten.
Det er forståeleg at regjeringa ønskjer mest mogeleg velferd til lågast mogeleg pris. Slik må vi tenkja om vi skal forvalta og driva norsk helsepolitikk økonomisk forsvarleg.
Men det er visse tenester ein ikkje kan eksperimentera med. Livsviktig infrastruktur som luftambulansetransport over lange avstandar er ei slik teneste. Då må kvalitet versus økonomi vektast mykje høgare enn 60–40.
Regjeringa kan ikkje noko for at flya har tekniske feil, men alle veit at nye prosjekt og nye operatørar har oppstartsproblem og treng lang innkøyringsfase. Det gjeld anten ein skal driva jarnbane eller luftambulanseteneste.
Men toga kan verta forseinka utan at det står om liv. Luftambulansen kan ikkje det. Difor burde ein gjort alt for halda på Lufttransport og ikkje sett luftambulansetenestene på spel, slik regjeringa har gjort no.
Svein Gjerdåker
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB