Leiar
Sanksjonar mot Israel
Tryggingsminister Itamar Ben-Gvir (t.v) og finansminister Bezalel Smotrich under ein seremoni i Knesset i 2022.
Maya Alleruzzo / AP / NTB
Den norske regjeringa, saman med Storbritannia, Canada, Australia og New Zealand, innførte denne veka sanksjonar mot Israel i form av innreisenekt for finansminister Bezalel Smotrich og tryggingsminister Itamar Ben-Gvir.
Regjeringa grunngjev sanksjonane med «israelske myndigheters vedvarende og stadig mer alvorlige folkerettsbrudd i Palestina, hvor situasjonen er katastrofal», og at Smotrich og Ben-Gvir over lang tid har kome med «uttalelser som oppfordrer til vold mot og fordrivelse av palestinerne».
Vidare står det i pressemeldinga at «medlemmer av den israelske regjeringen forsvarer at en sultende befolkning som allerede har mistet alt, også nektes tilgang til mat, drikke og medisiner. Det er avgjørende at det internasjonale samfunnet gjør det klart at de israelske folkerettsbruddene er helt uakseptable».
Viktig med sanksjonar
Å nekta Smotrich og Ben-Gvir innreise i Noreg har sjølvsagt ingen praktisk verknad. Og sjølv om dei to er dei mest ekstreme i ordbruken, står den samla israelske regjeringa ansvarleg for krigføringa på Gaza. Likevel er sanksjonane mot dei to viktige for å slå fast at Israels krigføring på Gaza er uakseptabel og på ingen måte kan forsvarast trass i det groteske terroråtaket 7. oktober 2023.
Samstundes med krigen på Gaza vert mange palestinske heimar på Vestbreidda øydelagde, og det vert bygd stadig nye israelske busetjingar på palestinsk område. Resultatet er at dei palestinske områda til slutt vert så oppdelte at ei framtidig tostatsløysing verkar meir og meir usannsynleg.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
