Rotvær i Rogaland
Borgøya i Skjoldfjorden står frå neste veke av utan rutesamband med fastlandet og resten av Tysvær, kommunen med Europas største prosessanlegg av sitt slag, Kårstø, og ein spareplan som ikkje rekk til å driva den 49 fots skyssbåten MS «Rotvær». Siste avgang er difor 30. juni klokka 22.00.
Tidlegare spleisa kommunen med Rogaland, oljefylket vårt, som heller ikkje har meir enn til (maldon)salt i maten og difor skar ned driftstilskotet til denne ruta. Slik fylkeskommunal ansvarsfråskriving provoserte Tysvær kommune til å gjera likeins, og no er altså den raude skyssbåten lagd ut for sal. Meir om det i reportasjen på side 14–16.
Det står om ein heil million kroner året, må vita, midlar som Haugaland Skyssbåt AS treng for å gje eit lite samfunn med fastbuande, heimekontoristar, pensjonistar og feriefolk eit offentleg transporttilbod, og med det halda oppe næringsliv og livsmot på øya.
Førre veke fekk fylkespolitikarane kalde føter og la ein halv million på bordet for å sikra drift i det minste ut året, men skyssbåtselskapet takka nei, som rimeleg kan vera. Dei vil ikkje driva frå hand til munn, for slik kan ingen driva ei skikkeleg skyssteneste, og slett ikkje eit samfunn.
Rituelle framlegg om rutekutt er sjølvoppfyllande profetiar. Stadige trugsmål dempar investerings- og etableringslysten – til dess dei uheldige øy- og lokalsamfunna ein dag er utarma nok til at budsjettkutta er rasjonelle og kan realiserast utan mykje skrik og skrål.
Sauda, til dømes, er inga lita øy, men ein vel etablert industristad inst i eit fjordsystem som best (og stundom berre) kan trafikkerast med hurtigbåt. Fylkeskommunen har framleis ikkje lukkast heilt med å leggja ned båtruta inn i dette avholet. Men dei har gjort det dei kunne, det skal fylkespolitikarane i Rogaland ha.
Såleis har dei høveleg kalla den fylkeskommunale mobilitetsleverandøren opp etter «oppdagaren som ikkje visste kvar han skulle då han reiste, som ikkje ante kvar han var då han kom fram, og ikkje visste kvar han hadde vore då han kom attende» – Kolumbus.
Johan Brox
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Borgøya i Skjoldfjorden står frå neste veke av utan rutesamband med fastlandet og resten av Tysvær, kommunen med Europas største prosessanlegg av sitt slag, Kårstø, og ein spareplan som ikkje rekk til å driva den 49 fots skyssbåten MS «Rotvær». Siste avgang er difor 30. juni klokka 22.00.
Tidlegare spleisa kommunen med Rogaland, oljefylket vårt, som heller ikkje har meir enn til (maldon)salt i maten og difor skar ned driftstilskotet til denne ruta. Slik fylkeskommunal ansvarsfråskriving provoserte Tysvær kommune til å gjera likeins, og no er altså den raude skyssbåten lagd ut for sal. Meir om det i reportasjen på side 14–16.
Det står om ein heil million kroner året, må vita, midlar som Haugaland Skyssbåt AS treng for å gje eit lite samfunn med fastbuande, heimekontoristar, pensjonistar og feriefolk eit offentleg transporttilbod, og med det halda oppe næringsliv og livsmot på øya.
Førre veke fekk fylkespolitikarane kalde føter og la ein halv million på bordet for å sikra drift i det minste ut året, men skyssbåtselskapet takka nei, som rimeleg kan vera. Dei vil ikkje driva frå hand til munn, for slik kan ingen driva ei skikkeleg skyssteneste, og slett ikkje eit samfunn.
Rituelle framlegg om rutekutt er sjølvoppfyllande profetiar. Stadige trugsmål dempar investerings- og etableringslysten – til dess dei uheldige øy- og lokalsamfunna ein dag er utarma nok til at budsjettkutta er rasjonelle og kan realiserast utan mykje skrik og skrål.
Sauda, til dømes, er inga lita øy, men ein vel etablert industristad inst i eit fjordsystem som best (og stundom berre) kan trafikkerast med hurtigbåt. Fylkeskommunen har framleis ikkje lukkast heilt med å leggja ned båtruta inn i dette avholet. Men dei har gjort det dei kunne, det skal fylkespolitikarane i Rogaland ha.
Såleis har dei høveleg kalla den fylkeskommunale mobilitetsleverandøren opp etter «oppdagaren som ikkje visste kvar han skulle då han reiste, som ikkje ante kvar han var då han kom fram, og ikkje visste kvar han hadde vore då han kom attende» – Kolumbus.
Johan Brox
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.