Respekt for
andre synspunkt
Eit godt demokrati treng eit fritt ordskifte med respekt for ulike synspunkt og livssyn. Ikkje minst må dette gjelda i spørsmål om abort, fosterdiagnostikk og dei mange alternativa som ny teknologi gjev i måten vi kan få barn på.
Abortspørsmålet vart ikkje endeleg avgjort i 1975. Det må opp til ny drøfting heile tida i takt med den teknologiske utviklinga. Noko anna ville vera uansvarleg. I så måte treng vi KrF som eit korrektiv i debatten, og som utfordrar majoriteten i viktige etiske spørsmål.
Slik KrF-partileiinga er samansett i dag, representerer ho ikkje reaksjonære mørkemenn. I norsk politikk graviterer alle partia no mot midten. I dag er kan hende KrF like liberalt som SV-representanten Otto Hauglin var i 1970-åra, eller Berge Furre i 1990-åra. Partia blir stadig meir like kvarandre, i etiske spørsmål òg.
Likevel vert ofte kritikken frå det dominerande fleirtalet ufin andsynes mindretalet. At somme kallar Kjell Ingolf Ropstad for mørkemann, er utriveleg å lesa. Dei alternative synspunkta Ropstad representerer i abort- eller homofilispørsmålet, må vi kunna respektera.
Med tanke på Ropstads bakgrunn frå eit miljø som set læresetningar i Bibelen høgt, må ein kunna seia at han har eit relativt liberalt syn på homofili. Mange kristne miljø er knapt til å kjenna att i dette spørsmålet om ein berre går 15–20 år attende i tid.
Homokampen har vore særs viktig, og han har hatt mykje å seia for sjølvkjensla og livsvilkåra til homofile. Men vi må ikkje la det liberale slå over i det illiberale. Det er autoritært å krevja at Ropstad som ny barne- og familieminister skal gå i Pride-toget, eller i det heile å krevja at nokon som helst skal gå i eit demonstrasjonstog same kva saka måtte gjelda. Det minner om sovjetborgarar som 1. mai måtte ut i gatene og støtta det kommunistiske partiet.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eit godt demokrati treng eit fritt ordskifte med respekt for ulike synspunkt og livssyn. Ikkje minst må dette gjelda i spørsmål om abort, fosterdiagnostikk og dei mange alternativa som ny teknologi gjev i måten vi kan få barn på.
Abortspørsmålet vart ikkje endeleg avgjort i 1975. Det må opp til ny drøfting heile tida i takt med den teknologiske utviklinga. Noko anna ville vera uansvarleg. I så måte treng vi KrF som eit korrektiv i debatten, og som utfordrar majoriteten i viktige etiske spørsmål.
Slik KrF-partileiinga er samansett i dag, representerer ho ikkje reaksjonære mørkemenn. I norsk politikk graviterer alle partia no mot midten. I dag er kan hende KrF like liberalt som SV-representanten Otto Hauglin var i 1970-åra, eller Berge Furre i 1990-åra. Partia blir stadig meir like kvarandre, i etiske spørsmål òg.
Likevel vert ofte kritikken frå det dominerande fleirtalet ufin andsynes mindretalet. At somme kallar Kjell Ingolf Ropstad for mørkemann, er utriveleg å lesa. Dei alternative synspunkta Ropstad representerer i abort- eller homofilispørsmålet, må vi kunna respektera.
Med tanke på Ropstads bakgrunn frå eit miljø som set læresetningar i Bibelen høgt, må ein kunna seia at han har eit relativt liberalt syn på homofili. Mange kristne miljø er knapt til å kjenna att i dette spørsmålet om ein berre går 15–20 år attende i tid.
Homokampen har vore særs viktig, og han har hatt mykje å seia for sjølvkjensla og livsvilkåra til homofile. Men vi må ikkje la det liberale slå over i det illiberale. Det er autoritært å krevja at Ropstad som ny barne- og familieminister skal gå i Pride-toget, eller i det heile å krevja at nokon som helst skal gå i eit demonstrasjonstog same kva saka måtte gjelda. Det minner om sovjetborgarar som 1. mai måtte ut i gatene og støtta det kommunistiske partiet.
Svein Gjerdåker
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?