Øl på Kaffistova
Så er endå ein æra over. Kaffistova og Hotell Bondeheimen i Oslo skal byrja med alkoholservering. Og kva så, kan ein spørje. Det skjer jo overalt.
Hotell Bondeheimen og Kaffistova vart starta opp av Bondeungdomslaget i Oslo i 1923 for å gje folk frå bygda ein trygg stad å vera i byen. Ei tid var det heile seks kaffistover berre i Oslo. I dag er Kaffistova i Oslo ei av to kaffistover som er att i landet. Den andre er i Mosjøen.
Kaffistova vart fort den største fråhaldskafeen i Oslo. På det meste var det plass til 400 gjester i det store kafélokalet, og pågangen var så stor at somme kveldar måtte gjestene sleppast inn gruppevis. Og Kaffistova er populær enno. Det veit vi, for staben i Dag og Tid har gått på Kaffistova og ete overtidsmat kvar onsdag kveld i snart 20 år i strekk.
Nokre av argumenta for skiftet har vore å gje eit tilbod til utanlandske gjester og at konkurransen har vorte hardare. Men årsresultatet i 2017 syner ei verksemd som vert driven godt med eit greitt overskot. Så vedtaket kan ikkje ha vore påtrengjande naudsynt.
Kva er så problemet med at også denne kafeen byrjar med alkoholservering? Vel, Kaffistova har vore ein del av norsk motkultur. Det har vore ein annleis stad midt i Oslo. Med reklame og menyar på nynorsk, tradisjonell norsk mat – og altså inga alkoholservering. Det siste går inn i ein lang tradisjon der målsak og fråhaldssak var tett samanvovne: «for atterreising av det norske folkemålet, for edruskap», som det framleis står i vedtektene til BUL.
Og vi treng slike motkulturar. Vi treng alternativ til det gjengse, med ein annleis atmosfære og ein vilje til å tena pengar på ein annan måte enn alle andre. Det treng ikkje ha med nostalgi å gjera, men snarare ynsket om variasjon og særpreg.
Og ein treng heller ikkje vera fråhaldsmann for å meina at visse soner godt kan vera frie for alkohol – og mange kjenner seg vel med det. Her stod Kaffistova for eit alternativ. Difor var vedtaket i BUL denne veka leitt. Dessutan vinn fråhald og måtehald fram blant ungdomen i dag. Så her er BUL i utakt med tida.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Så er endå ein æra over. Kaffistova og Hotell Bondeheimen i Oslo skal byrja med alkoholservering. Og kva så, kan ein spørje. Det skjer jo overalt.
Hotell Bondeheimen og Kaffistova vart starta opp av Bondeungdomslaget i Oslo i 1923 for å gje folk frå bygda ein trygg stad å vera i byen. Ei tid var det heile seks kaffistover berre i Oslo. I dag er Kaffistova i Oslo ei av to kaffistover som er att i landet. Den andre er i Mosjøen.
Kaffistova vart fort den største fråhaldskafeen i Oslo. På det meste var det plass til 400 gjester i det store kafélokalet, og pågangen var så stor at somme kveldar måtte gjestene sleppast inn gruppevis. Og Kaffistova er populær enno. Det veit vi, for staben i Dag og Tid har gått på Kaffistova og ete overtidsmat kvar onsdag kveld i snart 20 år i strekk.
Nokre av argumenta for skiftet har vore å gje eit tilbod til utanlandske gjester og at konkurransen har vorte hardare. Men årsresultatet i 2017 syner ei verksemd som vert driven godt med eit greitt overskot. Så vedtaket kan ikkje ha vore påtrengjande naudsynt.
Kva er så problemet med at også denne kafeen byrjar med alkoholservering? Vel, Kaffistova har vore ein del av norsk motkultur. Det har vore ein annleis stad midt i Oslo. Med reklame og menyar på nynorsk, tradisjonell norsk mat – og altså inga alkoholservering. Det siste går inn i ein lang tradisjon der målsak og fråhaldssak var tett samanvovne: «for atterreising av det norske folkemålet, for edruskap», som det framleis står i vedtektene til BUL.
Og vi treng slike motkulturar. Vi treng alternativ til det gjengse, med ein annleis atmosfære og ein vilje til å tena pengar på ein annan måte enn alle andre. Det treng ikkje ha med nostalgi å gjera, men snarare ynsket om variasjon og særpreg.
Og ein treng heller ikkje vera fråhaldsmann for å meina at visse soner godt kan vera frie for alkohol – og mange kjenner seg vel med det. Her stod Kaffistova for eit alternativ. Difor var vedtaket i BUL denne veka leitt. Dessutan vinn fråhald og måtehald fram blant ungdomen i dag. Så her er BUL i utakt med tida.
Svein Gjerdåker
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?