Munchmuseet
sensurerer Munch
Munchmuseet skal i juni stilla ut verk av Edvard Munch i Saudi-Arabia. Men berre eit utval av kunstverka, museet reiser nedover utan nakenbileta hans.
«Når jeg har kuratert denne utstillingen, har jeg hatt en tanke om hvordan Munch kan formidles i en arabisk og muslimsk kontekst. Da unngår man de verkene som man forstår kan være provoserende», seier Lars Toft Eriksen ved Munchmuseet til Dagens Næringsliv, og endrar tittelen på «Kyss på stranden i måneskinn» til «På stranden» i same slengen. Ordet «kyss» vert for sterkt i Saudi-Arabia.
Det heile er parodisk, men likevel ramme alvor. «Når vi ser at noe kan være støtende for publikum, vil vi vurdere hvordan vi forholder oss til det, og eventuelt å gjøre endringer», seier direktør ved Munchmuseet Stein Olav Henrichsen til Dagens Næringsliv.
Men kunsten, som skal kunna provosera og setja viktige tema på dagsordenen, kan ikkje la seg styra på denne måten. Den same Henrichsen legg til at «vi må ha respekt for andre kulturers verdier». Kva med å ha respekt for Edvard Munch? Ville han ha godteke ei ordning av denne typen?
Det burde ikkje vore naudsynt, men vi må her minna om at Saudi-Arabia styrer etter strenge muslimske sharialover. Tortur er vanleg i landet, og mange brotsverk vert straffa med halshogging – til dømes fråfall frå islam.
Det er viktig å kunna medverka til ei endring av dei mellomalderske tankesetta i Saudi-Arabia. Men ein kan ikkje gå på akkord med grunnleggjande menneskerettar som ytringsfridomen.
For å sitera Rushdie: «Om ein gjer eit val som i resten av verda vert pålagt med tvang, gjer ein seg medskuldig i denne tvangen.» Så når Munchmuseet her friviljug lèt seg sensura, er dei medskuldige i den same sensuren i Saudi-Arabia.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Munchmuseet skal i juni stilla ut verk av Edvard Munch i Saudi-Arabia. Men berre eit utval av kunstverka, museet reiser nedover utan nakenbileta hans.
«Når jeg har kuratert denne utstillingen, har jeg hatt en tanke om hvordan Munch kan formidles i en arabisk og muslimsk kontekst. Da unngår man de verkene som man forstår kan være provoserende», seier Lars Toft Eriksen ved Munchmuseet til Dagens Næringsliv, og endrar tittelen på «Kyss på stranden i måneskinn» til «På stranden» i same slengen. Ordet «kyss» vert for sterkt i Saudi-Arabia.
Det heile er parodisk, men likevel ramme alvor. «Når vi ser at noe kan være støtende for publikum, vil vi vurdere hvordan vi forholder oss til det, og eventuelt å gjøre endringer», seier direktør ved Munchmuseet Stein Olav Henrichsen til Dagens Næringsliv.
Men kunsten, som skal kunna provosera og setja viktige tema på dagsordenen, kan ikkje la seg styra på denne måten. Den same Henrichsen legg til at «vi må ha respekt for andre kulturers verdier». Kva med å ha respekt for Edvard Munch? Ville han ha godteke ei ordning av denne typen?
Det burde ikkje vore naudsynt, men vi må her minna om at Saudi-Arabia styrer etter strenge muslimske sharialover. Tortur er vanleg i landet, og mange brotsverk vert straffa med halshogging – til dømes fråfall frå islam.
Det er viktig å kunna medverka til ei endring av dei mellomalderske tankesetta i Saudi-Arabia. Men ein kan ikkje gå på akkord med grunnleggjande menneskerettar som ytringsfridomen.
For å sitera Rushdie: «Om ein gjer eit val som i resten av verda vert pålagt med tvang, gjer ein seg medskuldig i denne tvangen.» Så når Munchmuseet her friviljug lèt seg sensura, er dei medskuldige i den same sensuren i Saudi-Arabia.
Svein Gjerdåker
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?