Moskva midt imot
Regjeringa hevdar at det er Russland som står bak dataåtaket mot Stortinget. Var det klokt av regjeringa å gå ut offentleg og kritisera Russland? Vi tek her for gjeve at regjeringa har klare prov, noko anna ville vera ein skandale.
Følgjene av handlemåten til regjeringa vert store. Dei fyrste har vi alt sett: sinne og påstandar om at russarane sjølve er uskuldige. Den russiske ambassaden kalla det ein alvorleg og medviten provokasjon som vil vera øydeleggjande for tilhøvet mellom Russland og Noreg.
Noreg har alt å tena på å ha eit så godt tilhøve til Russland som råd. Vi treng det i forvaltinga av nordområda. Og ikkje minst for å sikra eit godt økonomisk samkvem – som igjen alltid er viktig for å sikra fred og stabilitet.
Og dessutan, som Karsten Friis ved Nupi seier i avisa denne veka, bør regjeringa no fylgja opp med underbygging, prov og informasjon om kva miljø som står bak. Men det er ikkje lett når det gjeld cyberkrigføring. Sjølvsagt nektar Russland for alt. Det kan visa seg at vi ikkje har oppnådd anna enn at Putin-regimet kan nytta den norske reaksjonen som internpropaganda og eit nytt døme på at Vesten motarbeider Russland.
Slik sett var det ikkje klokt av regjeringa. På den andre sida var det frigjerande ærleg. Det får då vera grenser for kva vi skal tillata utan å seia klart ifrå, sjølv om vi er eit lite land. For det er svært alvorleg, det som har skjedd. Det er eit åtak på nasjonalforsamlinga og styresettet vårt. Så om vi oppnår lite, byggjer det sjølvrespekt. Det er noko, det òg.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Regjeringa hevdar at det er Russland som står bak dataåtaket mot Stortinget. Var det klokt av regjeringa å gå ut offentleg og kritisera Russland? Vi tek her for gjeve at regjeringa har klare prov, noko anna ville vera ein skandale.
Følgjene av handlemåten til regjeringa vert store. Dei fyrste har vi alt sett: sinne og påstandar om at russarane sjølve er uskuldige. Den russiske ambassaden kalla det ein alvorleg og medviten provokasjon som vil vera øydeleggjande for tilhøvet mellom Russland og Noreg.
Noreg har alt å tena på å ha eit så godt tilhøve til Russland som råd. Vi treng det i forvaltinga av nordområda. Og ikkje minst for å sikra eit godt økonomisk samkvem – som igjen alltid er viktig for å sikra fred og stabilitet.
Og dessutan, som Karsten Friis ved Nupi seier i avisa denne veka, bør regjeringa no fylgja opp med underbygging, prov og informasjon om kva miljø som står bak. Men det er ikkje lett når det gjeld cyberkrigføring. Sjølvsagt nektar Russland for alt. Det kan visa seg at vi ikkje har oppnådd anna enn at Putin-regimet kan nytta den norske reaksjonen som internpropaganda og eit nytt døme på at Vesten motarbeider Russland.
Slik sett var det ikkje klokt av regjeringa. På den andre sida var det frigjerande ærleg. Det får då vera grenser for kva vi skal tillata utan å seia klart ifrå, sjølv om vi er eit lite land. For det er svært alvorleg, det som har skjedd. Det er eit åtak på nasjonalforsamlinga og styresettet vårt. Så om vi oppnår lite, byggjer det sjølvrespekt. Det er noko, det òg.
Svein Gjerdåker
Fleire artiklar
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»