Meir praktisk læring i skulen
Denne veka sende regjeringa ut på høyring framlegg til nye eksamensordningar for grunnskulen og vidaregåande skule.
Eitt av framlegga er å innføra eksamen i dei praktiske og estetiske faga i ungdomsskulen, altså faga kunst og handverk, musikk, gymnastikk og mat og helse. Regjeringa føreslår at eksamen skal gjennomførast som ein munnleg-praktisk eksamen med ein førebuingsdel.
Grunngjevinga er fin nok: å heva statusen til desse faga og å gje elevane høve til å syna kva dei kan i fleire fag enn dei som i dag er eksamensfag, som jo er teoretiske fag som matematikk, naturfag, språk og så bortetter.
Før var mat og helse det vi kalla skulekjøken, og gymnastikk var gymnastikk. To praktiske fag der ein laga mat på skulekjøkenet og dreiv nettopp med gymnastikk i gymnastikktimane. Jo, litt teori var det, men det var meir underordna.
I dag er det mykje meir vekt på lærebøker, fagplanar, kompetansemål og slikt. Mykje av gleda med faga er borte – alvoret pregar timane meir. Før fekk ein M eller 5 i gym om ein ikkje bråka, men stod på i timen, var aktiv med på sirkeltreninga og sprang det ein makta. No skal det i karaktersetjinga òg leggjast vekt på «kunnskap, erfaring og refleksjon for å gjennomføre ulike aktivitetsformer» og anna.
I staden for å teoretisera dessa faga endå meir, som vil verta resultatet om ein gjer dei til eksamensfag, burde ein ha gått andre vegen. Lær elevane å laga god og sunn kvardagsmat og la dei få arbeida med sag, kniv, høvel og alle slags reiskapar. Kutt ned på teorien og gje dei karakter etter innsats og deltaking gjennom året.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Denne veka sende regjeringa ut på høyring framlegg til nye eksamensordningar for grunnskulen og vidaregåande skule.
Eitt av framlegga er å innføra eksamen i dei praktiske og estetiske faga i ungdomsskulen, altså faga kunst og handverk, musikk, gymnastikk og mat og helse. Regjeringa føreslår at eksamen skal gjennomførast som ein munnleg-praktisk eksamen med ein førebuingsdel.
Grunngjevinga er fin nok: å heva statusen til desse faga og å gje elevane høve til å syna kva dei kan i fleire fag enn dei som i dag er eksamensfag, som jo er teoretiske fag som matematikk, naturfag, språk og så bortetter.
Før var mat og helse det vi kalla skulekjøken, og gymnastikk var gymnastikk. To praktiske fag der ein laga mat på skulekjøkenet og dreiv nettopp med gymnastikk i gymnastikktimane. Jo, litt teori var det, men det var meir underordna.
I dag er det mykje meir vekt på lærebøker, fagplanar, kompetansemål og slikt. Mykje av gleda med faga er borte – alvoret pregar timane meir. Før fekk ein M eller 5 i gym om ein ikkje bråka, men stod på i timen, var aktiv med på sirkeltreninga og sprang det ein makta. No skal det i karaktersetjinga òg leggjast vekt på «kunnskap, erfaring og refleksjon for å gjennomføre ulike aktivitetsformer» og anna.
I staden for å teoretisera dessa faga endå meir, som vil verta resultatet om ein gjer dei til eksamensfag, burde ein ha gått andre vegen. Lær elevane å laga god og sunn kvardagsmat og la dei få arbeida med sag, kniv, høvel og alle slags reiskapar. Kutt ned på teorien og gje dei karakter etter innsats og deltaking gjennom året.
Svein Gjerdåker
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB