Laks og dyrevelferd
Merder i Romsdalsfjorden.
Foto: Paul Kleiven
Ved ein inspeksjon i vår fann Mattilsynet opne sår på tusenvis av laks på eit SalMar-anlegg på namdalskysten. SalMar fekk ei bot på 1,7 millionar kroner, ein drope i havet for milliardkonsernet. Denne veka skriv vi om det store omfanget som desse sårskadane har i norsk lakseoppdrett.
Anlegget på namdalskysten er berre eitt av mange anlegg der fisken utviklar såkalla vintersår. Millionar av laks får slike sår i norske oppdrettsanlegg kvart år. Og dette er berre eitt av fleire alvorlege sjukdomsproblem i norsk lakseoppdrett. Eit anna er kronisk gjellebetennelse. Infeksjonar – som ser ut til å bli vanlegare di meir fisk som står i merdane – fører til øydelagde gjeller som gjer at fisken får pusteproblem og til slutt vert kvelt. Gjelleproblema er rangert som den viktigaste einskildsjukdomen i lakseoppdrett.
Dei store sjukdomsproblema bør føra til ei endring i måten lakseoppdrett blir drive på. Vi kan starta med språket. Som Arve Nilsen i veterinærspalta her i Dag og Tid har skrive, bør vi slutta å snakka om levande laks som «biomasse» og at fisk som døyr, er «svinn».
Omgrepet biomasse høyrer ikkje heime i husdyrhald. Vi har inga omsut for ein biomasse. Slik talemåte gjer laksen til ei rein råvare og ikkje eit levande vesen. Lakseoppdrett er husdyrhald og må styrast etter andre dyrevernsprinsipp enn vi har for fiske og fangst.
I eit godt husdyrhald vil ein ikkje skålda dyra slik ein i praksis gjer når ein badar levande laks i vatn på opptil 34 grader for å få bort lusa. For eit vekselvarmt dyr som laksen, med ein trivselstemperatur på 10-12 gradar, er denne behandlinga ei ekstrem påkjenning.
Temperaturen i lusebada gjev ikkje fisken brannsår, men han får tydelege smerter. Folk som har sett film frå slike lusebehandlingar, fortel at laksen ofte får panikk og slår seg helselaus inne i behandlingskammera. Slik kan ein ikkje driva på.
Luseproblemet – og dei lidingane lusebehandlinga fører til – er eitt av mange argument for at meir lakseoppdrett må over i lukka system.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ved ein inspeksjon i vår fann Mattilsynet opne sår på tusenvis av laks på eit SalMar-anlegg på namdalskysten. SalMar fekk ei bot på 1,7 millionar kroner, ein drope i havet for milliardkonsernet. Denne veka skriv vi om det store omfanget som desse sårskadane har i norsk lakseoppdrett.
Anlegget på namdalskysten er berre eitt av mange anlegg der fisken utviklar såkalla vintersår. Millionar av laks får slike sår i norske oppdrettsanlegg kvart år. Og dette er berre eitt av fleire alvorlege sjukdomsproblem i norsk lakseoppdrett. Eit anna er kronisk gjellebetennelse. Infeksjonar – som ser ut til å bli vanlegare di meir fisk som står i merdane – fører til øydelagde gjeller som gjer at fisken får pusteproblem og til slutt vert kvelt. Gjelleproblema er rangert som den viktigaste einskildsjukdomen i lakseoppdrett.
Dei store sjukdomsproblema bør føra til ei endring i måten lakseoppdrett blir drive på. Vi kan starta med språket. Som Arve Nilsen i veterinærspalta her i Dag og Tid har skrive, bør vi slutta å snakka om levande laks som «biomasse» og at fisk som døyr, er «svinn».
Omgrepet biomasse høyrer ikkje heime i husdyrhald. Vi har inga omsut for ein biomasse. Slik talemåte gjer laksen til ei rein råvare og ikkje eit levande vesen. Lakseoppdrett er husdyrhald og må styrast etter andre dyrevernsprinsipp enn vi har for fiske og fangst.
I eit godt husdyrhald vil ein ikkje skålda dyra slik ein i praksis gjer når ein badar levande laks i vatn på opptil 34 grader for å få bort lusa. For eit vekselvarmt dyr som laksen, med ein trivselstemperatur på 10-12 gradar, er denne behandlinga ei ekstrem påkjenning.
Temperaturen i lusebada gjev ikkje fisken brannsår, men han får tydelege smerter. Folk som har sett film frå slike lusebehandlingar, fortel at laksen ofte får panikk og slår seg helselaus inne i behandlingskammera. Slik kan ein ikkje driva på.
Luseproblemet – og dei lidingane lusebehandlinga fører til – er eitt av mange argument for at meir lakseoppdrett må over i lukka system.
Svein Gjerdåker
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.