Kulturen i veggane
NRK har vedteke å flytta til Ensjø etter over 70 år på Marienlyst. Kringkastingssjefen og NRK-styret meiner at bygningane på Marienlyst er for store og upraktiske. Sjølv om det er merkeleg at det ikkje skulle gå an å byggja om det som trengst, og leiga ut lokale som måtte vera til overs, kan sikkert flyttinga gje meir høvelege lokale.
Men flyttinga har ein annan konsekvens – det er noko som går tapt når ein forlèt Store studio og det legendariske kringkastingshuset. Den kvite bygningen med den store klokka har i alle år vore symbolet og emblemet for NRK. Det er eit tydeleg varemerke som ein skulle tru er gull verdt for ei verksemd.
Mange kjende namn er knytte til NRK på Marienlyst. Utanfor bygget står ein statue av Erik Bye, ein grønmåla benk til minne om Otto Nielsen, og minnesmerket over Alf Prøysen, «Steinrøysa neri bakken». Og ein får ei kjensle av høgtid av å koma inn i radioresepsjonen, skodespelarfoajeen eller Store studio.
Dei tre kunstverka vil nok få plass på Ensjø, sjølv om tomta der er langt mindre. Men kulturen som ligg i veggane, går tapt. Og denne kulturen – og historikken – er viktig å ta vare på når ein skal møta store utfordringar og stadig gjera tilpassingar og omorganiserar, slik NRK og alle andre mediehus må gjera i åra som kjem.
Flyttinga er endå eit døme på den effektivitetsdyrkinga som vert teken for gjeven om ein kjem i moderne lokale. Men når NRK, eller andre institusjonar, flyttar frå ærverdige bygningar der dei har vore lenge, vil litt av den institusjonelle byrgskapen gå tapt. Likeins noko av kjensla av identitet og at ein står i ein lang tradisjon som er verd å vidareføra.
Alt dette motiverer og trengst for å motverka tabloidisering og forflating av innhaldet i NRK. På Ensjø vert inspirasjonskjelda Mercedes Benz-utsalet over gata.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
NRK har vedteke å flytta til Ensjø etter over 70 år på Marienlyst. Kringkastingssjefen og NRK-styret meiner at bygningane på Marienlyst er for store og upraktiske. Sjølv om det er merkeleg at det ikkje skulle gå an å byggja om det som trengst, og leiga ut lokale som måtte vera til overs, kan sikkert flyttinga gje meir høvelege lokale.
Men flyttinga har ein annan konsekvens – det er noko som går tapt når ein forlèt Store studio og det legendariske kringkastingshuset. Den kvite bygningen med den store klokka har i alle år vore symbolet og emblemet for NRK. Det er eit tydeleg varemerke som ein skulle tru er gull verdt for ei verksemd.
Mange kjende namn er knytte til NRK på Marienlyst. Utanfor bygget står ein statue av Erik Bye, ein grønmåla benk til minne om Otto Nielsen, og minnesmerket over Alf Prøysen, «Steinrøysa neri bakken». Og ein får ei kjensle av høgtid av å koma inn i radioresepsjonen, skodespelarfoajeen eller Store studio.
Dei tre kunstverka vil nok få plass på Ensjø, sjølv om tomta der er langt mindre. Men kulturen som ligg i veggane, går tapt. Og denne kulturen – og historikken – er viktig å ta vare på når ein skal møta store utfordringar og stadig gjera tilpassingar og omorganiserar, slik NRK og alle andre mediehus må gjera i åra som kjem.
Flyttinga er endå eit døme på den effektivitetsdyrkinga som vert teken for gjeven om ein kjem i moderne lokale. Men når NRK, eller andre institusjonar, flyttar frå ærverdige bygningar der dei har vore lenge, vil litt av den institusjonelle byrgskapen gå tapt. Likeins noko av kjensla av identitet og at ein står i ein lang tradisjon som er verd å vidareføra.
Alt dette motiverer og trengst for å motverka tabloidisering og forflating av innhaldet i NRK. På Ensjø vert inspirasjonskjelda Mercedes Benz-utsalet over gata.
Svein Gjerdåker
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?