JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

Leiar

Gaza-krigen må stogga

Å slå ned Hamas på Gazastripa vil kosta altfor mange liv.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Øydelagde bygningar i Nord-Gaza.

Øydelagde bygningar i Nord-Gaza.

Foto: Alexander Ermochenko / NTB

Øydelagde bygningar i Nord-Gaza.

Øydelagde bygningar i Nord-Gaza.

Foto: Alexander Ermochenko / NTB

2166
20231201
2166
20231201

Tilhøva for innbyggjarane på Gaza er no svært vanskelege. Difor må våpenkvila fornyast og til slutt enda med at Israel avsluttar krigen. Å slå ned Hamas på Gazastripa vil kosta altfor mange liv – om det i det heile er mogeleg å slå ned ein organisasjon som er så integrert i det sivile samfunnet.

Men statsminister Netanyahu har lova å øydeleggja Hamas same kvar dei måtte vera på Gaza. Når dei er ferdige i nord, skal dei halda fram sør på Gaza, der det framleis er mange Hamas-soldatar. Og sikkert mange av dei israelske gislane òg. Men samstundes er også mesteparten av dei 1,7 millionar fordrivne menneska på Gaza no i sør, der dei lever under uakseptable tilhøve.

BBC skriv at Israel no har planar om å oppretta eit «trygt område» langs ei tynn stripe sør på Gaza ut mot Middelhavet. Dit skal dei fordrivne innbyggjarane på Gaza plasserast. Det seier seg sjølv at ei samanpressing av menneske på eit lite område med dårlege sanitære tilhøve og mangel på helsestell vil føra til store lidingar og fare for at mange døyr. Leiaren for Verdas helseorganisasjon seier no at fleire menneske kan koma til å døy av sjukdom enn av bombing på Gaza.

Terrororganisasjonen Hamas har ikkje livets rett. Men krigen mot Hamas og bombinga av Gaza har altfor store kostnader. Dessutan skaper krigen grobotn for nye terrorgrupper eller styrking av alt eksisterande terrorgrupper som Palestinian Islamic Jihad og Mujahideen Brigades, eller kva dei no heiter, alle saman. Difor er det viktig at alle moderate palestinske krefter står opp mot meir terror.

«Alle som støttar ei våpenkvile, støttar eigenleg at terrorregimet til Hamas skal halda fram på Gazastripa», sa Israels FN-ambassadør Gilad Erdan denne veka. Det er ein heilt urimeleg påstand. Det er som å høyra president Bush i 2001: «Enten er de med oss, eller så er de med terroristane.» Vi veit no alle kor katastrofal denne tankegangen var, og kor feilslått invasjonen av Afghanistan og Irak var.

Israel–Palestina-konflikten kan berre løysast politisk. Naivt? Ikkje meir naivt enn å tru at krigen vil føra til varig fred.

Svein Gjerdåker

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Tilhøva for innbyggjarane på Gaza er no svært vanskelege. Difor må våpenkvila fornyast og til slutt enda med at Israel avsluttar krigen. Å slå ned Hamas på Gazastripa vil kosta altfor mange liv – om det i det heile er mogeleg å slå ned ein organisasjon som er så integrert i det sivile samfunnet.

Men statsminister Netanyahu har lova å øydeleggja Hamas same kvar dei måtte vera på Gaza. Når dei er ferdige i nord, skal dei halda fram sør på Gaza, der det framleis er mange Hamas-soldatar. Og sikkert mange av dei israelske gislane òg. Men samstundes er også mesteparten av dei 1,7 millionar fordrivne menneska på Gaza no i sør, der dei lever under uakseptable tilhøve.

BBC skriv at Israel no har planar om å oppretta eit «trygt område» langs ei tynn stripe sør på Gaza ut mot Middelhavet. Dit skal dei fordrivne innbyggjarane på Gaza plasserast. Det seier seg sjølv at ei samanpressing av menneske på eit lite område med dårlege sanitære tilhøve og mangel på helsestell vil føra til store lidingar og fare for at mange døyr. Leiaren for Verdas helseorganisasjon seier no at fleire menneske kan koma til å døy av sjukdom enn av bombing på Gaza.

Terrororganisasjonen Hamas har ikkje livets rett. Men krigen mot Hamas og bombinga av Gaza har altfor store kostnader. Dessutan skaper krigen grobotn for nye terrorgrupper eller styrking av alt eksisterande terrorgrupper som Palestinian Islamic Jihad og Mujahideen Brigades, eller kva dei no heiter, alle saman. Difor er det viktig at alle moderate palestinske krefter står opp mot meir terror.

«Alle som støttar ei våpenkvile, støttar eigenleg at terrorregimet til Hamas skal halda fram på Gazastripa», sa Israels FN-ambassadør Gilad Erdan denne veka. Det er ein heilt urimeleg påstand. Det er som å høyra president Bush i 2001: «Enten er de med oss, eller så er de med terroristane.» Vi veit no alle kor katastrofal denne tankegangen var, og kor feilslått invasjonen av Afghanistan og Irak var.

Israel–Palestina-konflikten kan berre løysast politisk. Naivt? Ikkje meir naivt enn å tru at krigen vil føra til varig fred.

Svein Gjerdåker

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis