Fråværsgrensa i skulen
For det store fleirtalet av elevane vil ei låg fråværsgrense medverke til større oppmøte og motivasjon til innsats.
Fråversgrensa i den vidaregåande skulen er i dag på 10 prosent.
Foto: Gorm Kallestad / NTB
Samandrag
Oppsummeringa er laga av AI-vertkøyet ChatGTP
I 2016 vart det innført ei fråværsgrense i den vidaregåande skulen på 10 prosent. Målet var å få ned skulkinga. Er ein elev borte meir enn 10 prosent av skuletida, må han kunna dokumentera at grunnen til fråværet er sjukdom, religiøse høgtider, politisk arbeid, idrett på nasjonalt eller internasjonalt nivå med meir.
No har Utdanningsdirektoratet, i praksis regjeringa, ute på høyring eit framlegg om å endra fråværsgrensa frå 10 til 15 prosent. Målet er å få til ei ordning som skal «virke rettferdig overfor elevene, og bidra til mindre byråkrati og kontroll».
Dagens ordning har ført til at fråværet har gått monaleg ned. Men det har ikkje ført til at fleire av dei som ikkje fullførte vidaregåande skule, no fullfører. Dei ulike sårbare eller krevjande elevgruppene treng altså andre tiltak. Ei fråværsgrense, anten ho ligg på 5, 10, 15 eller 20 prosent, vil ikkje ha noko å seia for desse elevane.
For det er mange som ikkje passar inn i den teoritunge skulen vi har i dag. Vi må bort frå ideen om at alle skal gå på vidaregåande skule. Mange elevar bør heller koma i lære, eller til ein skule som legg vekt på praktisk arbeid og fysisk aktivitet.
«Lækjarane har viktigare oppgåver å nytta tida på enn å skriva ut attestar til elevar som er sjuke nokre dagar»
For det store fleirtalet av elevane, derimot, vil ei låg fråværsgrense medverke til større oppmøte og motivasjon til innsats. Dei fleste ungdomar treng klare og tydeleg reglar.
Men det er eit stort problem som må løysast om ein skal halda på ei låg fråværsgrense: kravet om lækjarattest. Lækjarane har viktigare oppgåver å nytta tida på enn å skriva ut attestar til elevar som er sjuke nokre dagar, og som utan fråværsgrensa aldri ville gått til lækjar.
Ein slik ressursbruk er ikkje forsvarleg når allmennlækjarordninga alt er under stort press. Om det ikkje finst alternativ til kravet om lækjarattest, bør dagens ordning endrast.
Svein Gjerdåker
Fleire artiklar
Teikning: May Linn Clement
Olav H. Hauge-dagbøkene
15. mars 1938: «Sume er so redde for å ta frå andre, eller rettare vera ved at dei låner; dei prøver på død og liv vera originale.»
Det er seks år sidan Norma Winstone gav ut førre album.
Foto: Michael Putland / ECM Records
Hand-i-hanske-duo
Norma Winstone er ein tekstforfattar av rang.
Erling Indreeide har mellom anna skrive fleire diktsamlingar, musikk- drama og essay.
Foto: Julie Engvik
Noko for seg sjølv og noko for kvarandre
Erling Indreeide har skrive ei bok som eig ei uvanleg sterk poetisk tankekraft.
Liv Mossige (f. 1978) jobbar som lektor og skriv bokmeldingar for Dagsavisen.
Foto: Cappelen Damm
Kvasireligiøs reaksjon
Liv Mossige viser fram det amoralske hos ivrige moralistar.
Det originale grunnlovsdokumentet ligg til vanleg i stortingsarkivet. Her er det på besøk på Eidsvoll.
Foto: Berit Roald / NTB
Nynorsk, språk og skriftmål
Ofte er det vrient å dra skilje mellom språk, dialektar og språkvariantar.