Framleis nei til OL i Noreg
Eit utval sett ned av Idrettsforbundet, som aldri gjev opp draumen om å attskapa Lillehammer-stemninga, har ikkje uventa oppmoda om at Noreg på nytt bør arbeida for ein ny norsk OL-søknad.
Viktige premissar for utvalet er at den internasjonale olympiske komiteen no vil leggja meir vekt på gjenbruk, og at leikane kan fordelast over eit større geografisk område. Og sjølvsagt er honnørordet berekraft nemnt.
Det er positivt at kostnadene kan gå ned, men reduksjonen vert aldri stor nok. OL er vorte så stort og krev så mykje ny infrastruktur at det er uansvarleg og ufornuftig å nytta offentlege pengar på eit slikt arrangement.
Under Lillehammer-OL var det 1700 deltakarar og 61 øvingar. No skal alle med. I Beijing i år var det 3000 utøvarar som deltok i 109 ulike øvingar. Sju nye øvingar kom til berre i 2022. Ikkje eingong Noreg, «verdas beste vinternasjon», stilte med utøvarar i alle øvingane – berre i 65 av dei.
Alle dei store internasjonale idrettsarrangementa, ikkje berre OL, har gått i feil retning. Dei er vortne for store, for dyre og for kommersielle. Staten kan heller bidra med å byggja symjehallar landet rundt enn med å sponsa eit nytt OL. Det ville vore noko.
Målsetjinga til Den internasjonale olympiske komiteen er å skapa ei betre verd gjennom sport. Tanken er god, men bidraget frå OL-leikane dei siste åra må seiast å ha vore relativ nøkternt, trass i alle milliardane. Det er iallfall vanskeleg å sjå kva OL i Sotsji og Beijing har bidratt med.
Om OL-selskapet i Lausanne vil bidra til ei betre verd, kan dei byrja med å leggja ned sin eigen organisasjon og overlata ansvaret til andre som kan skapa ein fullverdig demokratisk organisasjon med ein nøktern pengebruk.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eit utval sett ned av Idrettsforbundet, som aldri gjev opp draumen om å attskapa Lillehammer-stemninga, har ikkje uventa oppmoda om at Noreg på nytt bør arbeida for ein ny norsk OL-søknad.
Viktige premissar for utvalet er at den internasjonale olympiske komiteen no vil leggja meir vekt på gjenbruk, og at leikane kan fordelast over eit større geografisk område. Og sjølvsagt er honnørordet berekraft nemnt.
Det er positivt at kostnadene kan gå ned, men reduksjonen vert aldri stor nok. OL er vorte så stort og krev så mykje ny infrastruktur at det er uansvarleg og ufornuftig å nytta offentlege pengar på eit slikt arrangement.
Under Lillehammer-OL var det 1700 deltakarar og 61 øvingar. No skal alle med. I Beijing i år var det 3000 utøvarar som deltok i 109 ulike øvingar. Sju nye øvingar kom til berre i 2022. Ikkje eingong Noreg, «verdas beste vinternasjon», stilte med utøvarar i alle øvingane – berre i 65 av dei.
Alle dei store internasjonale idrettsarrangementa, ikkje berre OL, har gått i feil retning. Dei er vortne for store, for dyre og for kommersielle. Staten kan heller bidra med å byggja symjehallar landet rundt enn med å sponsa eit nytt OL. Det ville vore noko.
Målsetjinga til Den internasjonale olympiske komiteen er å skapa ei betre verd gjennom sport. Tanken er god, men bidraget frå OL-leikane dei siste åra må seiast å ha vore relativ nøkternt, trass i alle milliardane. Det er iallfall vanskeleg å sjå kva OL i Sotsji og Beijing har bidratt med.
Om OL-selskapet i Lausanne vil bidra til ei betre verd, kan dei byrja med å leggja ned sin eigen organisasjon og overlata ansvaret til andre som kan skapa ein fullverdig demokratisk organisasjon med ein nøktern pengebruk.
Svein Gjerdåker
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.