Finland og Sverige inn i Nato
Finland og Sverige må få bli medlemer av Nato. Ein kan ikkje avvisa to land i Norden, som i tillegg er EU-land, når dei vil verta medlemer i eit nordatlantisk forsvarssamarbeid.
Men kvifor hastar det slik? Militære russiske provokasjonar mot Finland og Sverige – og ikkje minst ein invasjon – er no meir usannsynlege etter den russiske invasjonen av Ukraina enn før. Russland har ikkje kapasitet til det. Dei baltiske landa, derimot, ville vore mykje meir utsette for russisk militært press om dei ikkje var medlemer i Nato.
Det er likevel forståeleg at særleg Finland no raskt grip sjansen til å verta Nato-medlem, med den lange grensa dei har til Russland, den viktige strategiske plasseringa og den historia dei har med nabolandet.
Dei to nye medlemskapane vil vera ei stor endring av den militærpolitiske situasjonen i Norden og Nord-Europa, der Austersjøen no vert heilt dominert av Nato-land. Russland vil verta endå meir omringa av Nato enn før og vil sjølvsagt markera tydeleg motstand mot medlemskapane.
Ein treng likevel ikkje overdramatisera følgjene av Nato-utvidinga. Både Sverige og Finland har i fleire år hatt eit tett militært samarbeid med Nato i fleire år.
Den negative kostnaden med ein svensk og finsk medlemskap er våpenopprusting på begge sider av grensene. Når no både Finland og Sverige får Nato-våpen, og med jamne mellomrom vil halda Nato-øvingar, vil sjølvsagt Russland byggja opp ein større beredskap mot desse to landa enn dei har i dag.
Sverige og Finland bør difor dempa konfliktnivået og gjera som Noreg: ikkje ha militærøvingar nær den russiske grensa og ikkje tillata lagring av atomvåpen eller faste Nato-basar.
Norden må halda fram med avspenningspolitikk andsynes Russland. Det er i vår interesse, og det vil minska faren for provokasjonar og mistydingar som kan føra til bruk av våpen landa imellom.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Finland og Sverige må få bli medlemer av Nato. Ein kan ikkje avvisa to land i Norden, som i tillegg er EU-land, når dei vil verta medlemer i eit nordatlantisk forsvarssamarbeid.
Men kvifor hastar det slik? Militære russiske provokasjonar mot Finland og Sverige – og ikkje minst ein invasjon – er no meir usannsynlege etter den russiske invasjonen av Ukraina enn før. Russland har ikkje kapasitet til det. Dei baltiske landa, derimot, ville vore mykje meir utsette for russisk militært press om dei ikkje var medlemer i Nato.
Det er likevel forståeleg at særleg Finland no raskt grip sjansen til å verta Nato-medlem, med den lange grensa dei har til Russland, den viktige strategiske plasseringa og den historia dei har med nabolandet.
Dei to nye medlemskapane vil vera ei stor endring av den militærpolitiske situasjonen i Norden og Nord-Europa, der Austersjøen no vert heilt dominert av Nato-land. Russland vil verta endå meir omringa av Nato enn før og vil sjølvsagt markera tydeleg motstand mot medlemskapane.
Ein treng likevel ikkje overdramatisera følgjene av Nato-utvidinga. Både Sverige og Finland har i fleire år hatt eit tett militært samarbeid med Nato i fleire år.
Den negative kostnaden med ein svensk og finsk medlemskap er våpenopprusting på begge sider av grensene. Når no både Finland og Sverige får Nato-våpen, og med jamne mellomrom vil halda Nato-øvingar, vil sjølvsagt Russland byggja opp ein større beredskap mot desse to landa enn dei har i dag.
Sverige og Finland bør difor dempa konfliktnivået og gjera som Noreg: ikkje ha militærøvingar nær den russiske grensa og ikkje tillata lagring av atomvåpen eller faste Nato-basar.
Norden må halda fram med avspenningspolitikk andsynes Russland. Det er i vår interesse, og det vil minska faren for provokasjonar og mistydingar som kan føra til bruk av våpen landa imellom.
Svein Gjerdåker
Fleire artiklar
Sofi Oksanen er av dei forfattarane som har fått flest prisar i Norden. Bøkene hennar er omsette til 46 språk. Biletet er frå bokmessa i Wien i 2022.
Foto: Nicola Montfort / Wikimedia Commons
Vald mot kvinner som våpen
Sofi Oksanen ønskte å skrive ei bok som er tilgjengeleg for vanlege lesarar, som kan lesast utan kart og utan at ein treng følgje krigsnyhenda dag for dag. At essayet Putins krig mot kvinner skulle bli så skremmande, såg ho ikkje heilt for seg.
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
Studentar mot politi ved Columbia- universitetet 30. april, då Palestina- aktivist-leiren skulle rivast.
Foto: Caitlin Ochs / Reuters / NTB
Ekko frå sekstiåra
Demonstrasjonane mot Israel og Gaza-krigen på universitet i USA vekkjer til live minnet om studentoppstandane i seksti- og syttiåra.
Eit portrett av filosofen Germaine de Staël, ein sveitsisk filosof som levde og virka 17- og 1800-talet. Ho er ei av fleire kvinnelege filosofar som har fått meir merksemd dei siste åra, ikkje minst takka vere arbeidet til filosof Kristin Gjesdal.
Filosofiske forviklingar
Professor Tove Pettersen meiner filosofifaget har eit likestillingsproblem.