Felles initiativ mot Saudi-Arabia
Drapet på den regimekritiske journalisten Jamal Khashoggi i det saudiarabiske generalkonsulatet i Istanbul er ei grotesk sak. Eller for å seia det med William Nygaard i kronikken som han skreiv saman med Mads Andenæs i VG denne veka: «Det går kaldt nedover ryggen når man leser tyrkiske myndigheters beskrivelser av drapet.»
Saudi-Arabia har i årevis vore eit sterkt kritikkverdig regime. Alle bør lesa boka som kom ut i fjor, Terrorens rike, av den tidlegare norske ambassadøren til Saudi-Arabia, Carl Schiøtz Wibye. Der skildrar Wibye korleis landet aktivt gjennom den såkalla wahhabismen har radikalisert islam og støtta opp om konfliktar internt mellom muslimar og mellom muslimar og ikkje-muslimar.
Nygaard og Andenæs krev klare tiltak frå norsk side mot Saudi-Arabia i Khashoggi-saka. Som til dømes å utvisa dei saudiarabiske diplomatane i Noreg som driv etterretningsarbeid mot saudiarabarar i eksil.
Viljen til tydelege norske reaksjonar er forståeleg. Men skal ein koma nokon veg, må ein få til ein felles europeisk reaksjon. Ein kjem ikkje langt mot eit regime som Saudi-Arabia utan. Landet har for mykje makt og for mykje pengar til at ein einskild reaksjon frå Noreg nyttar.
Noreg må difor ta aktivt eigarskap til denne saka og få med seg så mange europeiske land som mogeleg i ein felles tydeleg reaksjon. Alvoret i saka krev det. Det er umåteleg viktig at Noreg og Europa taler ytringsfridomens sak i den tida vi no lever i. Særleg er dette viktig andsynes rike og mektige land. Dei må ikkje tru at dei kan koma unna med denne typen alvorlege brotsverk.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drapet på den regimekritiske journalisten Jamal Khashoggi i det saudiarabiske generalkonsulatet i Istanbul er ei grotesk sak. Eller for å seia det med William Nygaard i kronikken som han skreiv saman med Mads Andenæs i VG denne veka: «Det går kaldt nedover ryggen når man leser tyrkiske myndigheters beskrivelser av drapet.»
Saudi-Arabia har i årevis vore eit sterkt kritikkverdig regime. Alle bør lesa boka som kom ut i fjor, Terrorens rike, av den tidlegare norske ambassadøren til Saudi-Arabia, Carl Schiøtz Wibye. Der skildrar Wibye korleis landet aktivt gjennom den såkalla wahhabismen har radikalisert islam og støtta opp om konfliktar internt mellom muslimar og mellom muslimar og ikkje-muslimar.
Nygaard og Andenæs krev klare tiltak frå norsk side mot Saudi-Arabia i Khashoggi-saka. Som til dømes å utvisa dei saudiarabiske diplomatane i Noreg som driv etterretningsarbeid mot saudiarabarar i eksil.
Viljen til tydelege norske reaksjonar er forståeleg. Men skal ein koma nokon veg, må ein få til ein felles europeisk reaksjon. Ein kjem ikkje langt mot eit regime som Saudi-Arabia utan. Landet har for mykje makt og for mykje pengar til at ein einskild reaksjon frå Noreg nyttar.
Noreg må difor ta aktivt eigarskap til denne saka og få med seg så mange europeiske land som mogeleg i ein felles tydeleg reaksjon. Alvoret i saka krev det. Det er umåteleg viktig at Noreg og Europa taler ytringsfridomens sak i den tida vi no lever i. Særleg er dette viktig andsynes rike og mektige land. Dei må ikkje tru at dei kan koma unna med denne typen alvorlege brotsverk.
Svein Gjerdåker
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.