Eit varsla opprør
Storminga av Kongressen var inga overrasking. Trump har spela opp til denne aggresjonen og flørta med valdelege rørsler i årevis. Det er noko også tilhengarane hans i Noreg burde ha fått med seg. Det som skjedde, var eit resultat av Trumps konspirasjonstenking frå fyrste stund – især frå sommaren 2020, alt då gjorde han det klart at valet ville bli manipulert.
Trass i Trumps talar og framferd kunne det før jul sjå ut som om han ville kunne halda på den dominerande posisjonen sin i Det republikanske partiet også etter at han går av som president.
Men etter storminga av Kongressen onsdag og hans katastrofale respons på det som skjedde, der han ikkje tydeleg fordømde hendingane, er det no knapt tenkjeleg at Trump vil kunna ha ein slik maktposisjon framover.
Det republikanske partiet må no prøva å berga truverdet sitt. Altfor mange har vore med og støtta opp om Trumps påstandar om valfusk og har vore sterkt medskuldige i den tilspissa situasjonen som landet no er i.
Truverdet til det amerikanske demokratiet vart berga av domstolane. Dei avviste, med dommarar utnemnde både frå Det republikanske og Det demokratiske partiet, det eine søksmålet etter det andre initiert av sentrale republikanske politikarar.
Men dei medvitne kampanjane frå Trump og hans støttespelarar har hatt gjennomslag. Svært mange av dei republikanske veljarane trur på Trump og hans konspirasjonsteoriar. Alt må no setjast inn på å tona ned konfliktane og ikkje lenger oppelda dei republikanske veljarane til å tru at Biden vart vald på falsk grunnlag.
Kor stor og varig skade kan Trump ha gjort på USA? Forfallet i den politiske kulturen er ikkje berre hans ansvar, men han har gjort alt verre. Utraderinga av skiljet mellom sant og usant er farleg.
Den tydelege talen til visepresident Pence onsdag, etter at politiet hadde vunne kontroll over Kongressen att, var viktig. Han kom altfor seint, men var avgjerande for truverdet til amerikanske demokratiet.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Storminga av Kongressen var inga overrasking. Trump har spela opp til denne aggresjonen og flørta med valdelege rørsler i årevis. Det er noko også tilhengarane hans i Noreg burde ha fått med seg. Det som skjedde, var eit resultat av Trumps konspirasjonstenking frå fyrste stund – især frå sommaren 2020, alt då gjorde han det klart at valet ville bli manipulert.
Trass i Trumps talar og framferd kunne det før jul sjå ut som om han ville kunne halda på den dominerande posisjonen sin i Det republikanske partiet også etter at han går av som president.
Men etter storminga av Kongressen onsdag og hans katastrofale respons på det som skjedde, der han ikkje tydeleg fordømde hendingane, er det no knapt tenkjeleg at Trump vil kunna ha ein slik maktposisjon framover.
Det republikanske partiet må no prøva å berga truverdet sitt. Altfor mange har vore med og støtta opp om Trumps påstandar om valfusk og har vore sterkt medskuldige i den tilspissa situasjonen som landet no er i.
Truverdet til det amerikanske demokratiet vart berga av domstolane. Dei avviste, med dommarar utnemnde både frå Det republikanske og Det demokratiske partiet, det eine søksmålet etter det andre initiert av sentrale republikanske politikarar.
Men dei medvitne kampanjane frå Trump og hans støttespelarar har hatt gjennomslag. Svært mange av dei republikanske veljarane trur på Trump og hans konspirasjonsteoriar. Alt må no setjast inn på å tona ned konfliktane og ikkje lenger oppelda dei republikanske veljarane til å tru at Biden vart vald på falsk grunnlag.
Kor stor og varig skade kan Trump ha gjort på USA? Forfallet i den politiske kulturen er ikkje berre hans ansvar, men han har gjort alt verre. Utraderinga av skiljet mellom sant og usant er farleg.
Den tydelege talen til visepresident Pence onsdag, etter at politiet hadde vunne kontroll over Kongressen att, var viktig. Han kom altfor seint, men var avgjerande for truverdet til amerikanske demokratiet.
Svein Gjerdåker
Fleire artiklar
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»