Ei svekking av demokratiet
Onsdag 5. juli var høyringsfrist for framlegget frå regjeringa om å endre offentleglova, offentlegforskrifta og arkivforskrifta. Justis- og beredskapsdepartementet foreslår eit tillegg i offentleglova paragraf 14 første ledd som seier at offentleg innsyn ikkje skal gjelde for organinterne dokument eller journalinnføring av slike dokument.
Mange av høyringsfråsegnene seier at endringsframlegget er svakt grunngjeve og mangelfullt utgreidd. Norsk Journalistlag skriv at framlegget har ein logisk brest når det i høyringsnotatet frå Justis- og beredskapsdepartementet vert hevda at eit generelt unntak for journalføring av organinterne dokument «ikke vil svekke allmennhetens informasjonstilgang».
Norsk Redaktørforening går så langt som å seie at framlegget i røynda «premierer» lovbrot i forvaltinga. Norsk Presseforbund skriv at det å ta frå samfunnet retten til innsyn i organinterne dokument er meir inngripande fordi vi vert fråtekne retten til å sjå at dokumenta finst.
Journalist Vidar Ystad har gjennom fleire artiklar i Dag og Tid vist kor viktig offentleglova er. I 15 månader nekta Finansdepartementet innsyn i dokumentlister som gjaldt saka om Christine Meyers avgang som direktør i Statistisk sentralbyrå i 2017. I ei sak som stod på trykk i Dag og Tid 24. april i år, sa Sivilombodet at Finansdepartementet ikkje hadde behandla innsynskravet i tråd med reglane i offentleglova, og at departementet heldt opplysningar attende utan heimel i lov eller forskrift gjeven i medhald av lov.
Demokrati, pressefridom og ytringsfridom er under press i mange land. Difor er det godt å sjå at presseorganisasjonar, juristar, arkivarar og andre høyringsinstansar så tydeleg signaliserer at dei ikkje støttar framlegget om å svekkje innsynsretten og dermed høvet til å drive kritisk journalistikk her i landet.
Tiril Rem
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Onsdag 5. juli var høyringsfrist for framlegget frå regjeringa om å endre offentleglova, offentlegforskrifta og arkivforskrifta. Justis- og beredskapsdepartementet foreslår eit tillegg i offentleglova paragraf 14 første ledd som seier at offentleg innsyn ikkje skal gjelde for organinterne dokument eller journalinnføring av slike dokument.
Mange av høyringsfråsegnene seier at endringsframlegget er svakt grunngjeve og mangelfullt utgreidd. Norsk Journalistlag skriv at framlegget har ein logisk brest når det i høyringsnotatet frå Justis- og beredskapsdepartementet vert hevda at eit generelt unntak for journalføring av organinterne dokument «ikke vil svekke allmennhetens informasjonstilgang».
Norsk Redaktørforening går så langt som å seie at framlegget i røynda «premierer» lovbrot i forvaltinga. Norsk Presseforbund skriv at det å ta frå samfunnet retten til innsyn i organinterne dokument er meir inngripande fordi vi vert fråtekne retten til å sjå at dokumenta finst.
Journalist Vidar Ystad har gjennom fleire artiklar i Dag og Tid vist kor viktig offentleglova er. I 15 månader nekta Finansdepartementet innsyn i dokumentlister som gjaldt saka om Christine Meyers avgang som direktør i Statistisk sentralbyrå i 2017. I ei sak som stod på trykk i Dag og Tid 24. april i år, sa Sivilombodet at Finansdepartementet ikkje hadde behandla innsynskravet i tråd med reglane i offentleglova, og at departementet heldt opplysningar attende utan heimel i lov eller forskrift gjeven i medhald av lov.
Demokrati, pressefridom og ytringsfridom er under press i mange land. Difor er det godt å sjå at presseorganisasjonar, juristar, arkivarar og andre høyringsinstansar så tydeleg signaliserer at dei ikkje støttar framlegget om å svekkje innsynsretten og dermed høvet til å drive kritisk journalistikk her i landet.
Tiril Rem
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.