Dårleg val for Trump
Trass i dei store økonomiske problema som mange amerikanarar opplever, og ein president som er for gamal til å vera president, gjorde republikanarane eit mykje dårlegare val enn forventa.
Dei vann fleirtalet i Representanthuset og har enno ein sjanse til å vinna fleirtalet i Senatet. Det som likevel er klart, er at det ikkje vart det republikanske valskredet som mange meiningsmålingar tydde på før valet.
Og ikkje minst: Fleire av Trump-kandidatane tapte, kandidatar som står for synspunkt som normalt ville gjort dei uskikka til å representera det republikanske partiet. Men det var før Trump snudde opp ned på alt og til slutt gjorde det legitimt som republikanar å fornekta valresultatet i 2020. Noko slikt ville vore uhøyrt før Trump.
Så sjølv om politikarar som Marjorie Taylor Greene, ein av dei største Trump-tilhengjarane som stadig kjem med reine konspirasjonsteoriar, vart attvald til Representanthuset, syner valet at ikkje alt i amerikansk politikk går i ekstrem retning.
Det er òg interessant at guvernør Ron DeSantis i Florida, som ikkje har gjort seg avhengig av støtte frå Trump, vann med stor margin. Den høgrevridde fjernsynskanalen Fox News lanserer no den omstridde DeSantis som ny presidentkandidat.
Vonleg vil valresultatet svekkja Trump såpass mykje at han ikkje vinn fram som partiets neste presidentkandidat. Tanken på at Trump kan koma tilbake som president, er knapt til å halda ut.
Det beste president Biden kan gjera no, er å fortelja folket i USA at han ikkje stiller til attval om to år. Det demokratiske partiet må koma opp med ein langt meir vital og kraftfull kandidat.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Trass i dei store økonomiske problema som mange amerikanarar opplever, og ein president som er for gamal til å vera president, gjorde republikanarane eit mykje dårlegare val enn forventa.
Dei vann fleirtalet i Representanthuset og har enno ein sjanse til å vinna fleirtalet i Senatet. Det som likevel er klart, er at det ikkje vart det republikanske valskredet som mange meiningsmålingar tydde på før valet.
Og ikkje minst: Fleire av Trump-kandidatane tapte, kandidatar som står for synspunkt som normalt ville gjort dei uskikka til å representera det republikanske partiet. Men det var før Trump snudde opp ned på alt og til slutt gjorde det legitimt som republikanar å fornekta valresultatet i 2020. Noko slikt ville vore uhøyrt før Trump.
Så sjølv om politikarar som Marjorie Taylor Greene, ein av dei største Trump-tilhengjarane som stadig kjem med reine konspirasjonsteoriar, vart attvald til Representanthuset, syner valet at ikkje alt i amerikansk politikk går i ekstrem retning.
Det er òg interessant at guvernør Ron DeSantis i Florida, som ikkje har gjort seg avhengig av støtte frå Trump, vann med stor margin. Den høgrevridde fjernsynskanalen Fox News lanserer no den omstridde DeSantis som ny presidentkandidat.
Vonleg vil valresultatet svekkja Trump såpass mykje at han ikkje vinn fram som partiets neste presidentkandidat. Tanken på at Trump kan koma tilbake som president, er knapt til å halda ut.
Det beste president Biden kan gjera no, er å fortelja folket i USA at han ikkje stiller til attval om to år. Det demokratiske partiet må koma opp med ein langt meir vital og kraftfull kandidat.
Svein Gjerdåker
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.