Brexit i krise
Forhandlingane mellom EU og Storbritannia om brexit er no i ein avgjerande fase. Det går ikkje Storbritannias veg. Dei viktigaste britiske ynska vert avviste av EU. Den tyske politikaren Manfred Weber, ein av dei fremste kandidatane til å verte ny president i Europakommisjonen, sa det klart denne veka: Om ein vel å gå ut av EU-fellesskapen, misser ein fordelane ein har som medlem, og ein må ikkje tru at ein etterpå fritt kan plukka fordelar etter eige ynske.
Hovudproblemet for Storbritannia er at dei framleis ynskjer fri tilgang til EUs indre marknad. Det er greitt for EU, men då må britane godta alle EUs fire fridomar – fri rørsle av personar òg. Som Noreg har gjort. Noreg er meir EU-tilpassa enn Storbritannia nokon gong har vore. Noreg er til dømes med i Schengenavtalen. Det er ikkje britane.
Kravet frå EU om å godta alle fire fridomane synest rimeleg, for elles kan dei fort oppleva at andre EU-land vil be om det same. På den andre sida kan ikkje Storbritannia gje etter for dette kravet, for motstanden mot fri arbeidsinnvandring var hovudargumentet for brexit.
Statsminister Theresa May har prøvd seg med eit kompromiss denne veka. Ho vil godta ei avgrensa innvandring av folk med kompetanse som Storbritannia treng, men ikkje innvandrarar som overtek lågtlønte, ufaglærte arbeidplassar. Framlegget vart kontant avvist av EU.
Det verkar no lite truleg at det er råd å få til ein god brexit-avtale både for EU og for Storbritannia. EØS-avtalen er ikkje noko alternativ for britane. EØS har jo fullt og heilt teke opp i seg dei fire fridomane.
Partane har hamna i ein svært uheldig situasjon, ein situasjon som kunne vore unngått. Folkerøystinga i si tid burde vore om ein konkret framforhandla brexitavtale, ikkje om Storbritannia skulle melda seg ut eller ikkje, same kva. Difor bør britane no få ein ny sjanse til å seia meininga si i ei folkerøysting når resultatet av forhandlingane er klare.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Forhandlingane mellom EU og Storbritannia om brexit er no i ein avgjerande fase. Det går ikkje Storbritannias veg. Dei viktigaste britiske ynska vert avviste av EU. Den tyske politikaren Manfred Weber, ein av dei fremste kandidatane til å verte ny president i Europakommisjonen, sa det klart denne veka: Om ein vel å gå ut av EU-fellesskapen, misser ein fordelane ein har som medlem, og ein må ikkje tru at ein etterpå fritt kan plukka fordelar etter eige ynske.
Hovudproblemet for Storbritannia er at dei framleis ynskjer fri tilgang til EUs indre marknad. Det er greitt for EU, men då må britane godta alle EUs fire fridomar – fri rørsle av personar òg. Som Noreg har gjort. Noreg er meir EU-tilpassa enn Storbritannia nokon gong har vore. Noreg er til dømes med i Schengenavtalen. Det er ikkje britane.
Kravet frå EU om å godta alle fire fridomane synest rimeleg, for elles kan dei fort oppleva at andre EU-land vil be om det same. På den andre sida kan ikkje Storbritannia gje etter for dette kravet, for motstanden mot fri arbeidsinnvandring var hovudargumentet for brexit.
Statsminister Theresa May har prøvd seg med eit kompromiss denne veka. Ho vil godta ei avgrensa innvandring av folk med kompetanse som Storbritannia treng, men ikkje innvandrarar som overtek lågtlønte, ufaglærte arbeidplassar. Framlegget vart kontant avvist av EU.
Det verkar no lite truleg at det er råd å få til ein god brexit-avtale både for EU og for Storbritannia. EØS-avtalen er ikkje noko alternativ for britane. EØS har jo fullt og heilt teke opp i seg dei fire fridomane.
Partane har hamna i ein svært uheldig situasjon, ein situasjon som kunne vore unngått. Folkerøystinga i si tid burde vore om ein konkret framforhandla brexitavtale, ikkje om Storbritannia skulle melda seg ut eller ikkje, same kva. Difor bør britane no få ein ny sjanse til å seia meininga si i ei folkerøysting når resultatet av forhandlingane er klare.
Svein Gjerdåker
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.