Hald omval
i Rogaland
Avgjerda om kva regjering Kristeleg Folkeparti skal gå inn i, er politikk på det mest spanande og mest prinsipielle. I ein slik kort og intens debatt om vegvalet til eit parti vil det sjølvsagt vera høg temperatur og sterke meiningar.
Media har lett for å ta tak i det siste. Ikkje minst VG: «Kaotisk og konfliktfylt møte», «Forlot årsmøtet i protest», «Sjokkert KrF-veteran». Men er det kaos og mistillit som har prega debatten og dei ekstraordinære årsmøta i KrF så langt?
I det såkalla «kaotiske» møtet som VG refererer til i Buskerud, var det rett nok debatt om kor mange frå kvar leir som skulle representera dei på landsmøtet. Men det vart greitt avklara i samråd med partiapparatet sentralt. Og gjekk nokon i protest frå møtet? Nei. Tittelen stod ikkje i samsvar med sjølve intervjuet i saka.
Årsmøta har vore sende direkte på nettet. Det som slår ein, er at møta har vore rolege og prega av respekt for ulike synspunkt og ein vilje til å koma ut av denne prosessen som eit samla parti. Det same gjeld inntrykket av dei aller fleste som har uttala seg i media. Sjølvsagt finst det unnatak, noko anna ville vore overraskande når prosessen er så open og medietrykket så sterkt.
Det som har skapt mest strid, er at partileiinga ikkje har laga klåre og tydelege reglar for mandatfordelinga frå kvart fylke. Det er eit stort feilgrep og kan verta lagnadstungt for partiet.
At fylkesårsmøtet i Rogaland sender 15 blå representantar og berre 1 raud, sjølv om ein tredel på årsmøtet røysta for ei KrF/Sp/Ap-regjering, og alle dei andre fylka så langt har fordelt delegatane etter kor mange røyster dei to alternativa fekk, legg ein skugge over heile avgjerdsprosessen.
Skulle resultatet verta eit knapt fleirtal for å gå inn i Solberg-regjeringa og delegatane frå Rogaland vert avgjerande for utfallet, vil det i etterkant forsterka konflikten i partiet. Difor bør Rogaland førebyggja dette og kalla inn til nytt årsmøte med sikte på å senda eit representativt utval av delegatar. Alvoret i saka fortener det.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Avgjerda om kva regjering Kristeleg Folkeparti skal gå inn i, er politikk på det mest spanande og mest prinsipielle. I ein slik kort og intens debatt om vegvalet til eit parti vil det sjølvsagt vera høg temperatur og sterke meiningar.
Media har lett for å ta tak i det siste. Ikkje minst VG: «Kaotisk og konfliktfylt møte», «Forlot årsmøtet i protest», «Sjokkert KrF-veteran». Men er det kaos og mistillit som har prega debatten og dei ekstraordinære årsmøta i KrF så langt?
I det såkalla «kaotiske» møtet som VG refererer til i Buskerud, var det rett nok debatt om kor mange frå kvar leir som skulle representera dei på landsmøtet. Men det vart greitt avklara i samråd med partiapparatet sentralt. Og gjekk nokon i protest frå møtet? Nei. Tittelen stod ikkje i samsvar med sjølve intervjuet i saka.
Årsmøta har vore sende direkte på nettet. Det som slår ein, er at møta har vore rolege og prega av respekt for ulike synspunkt og ein vilje til å koma ut av denne prosessen som eit samla parti. Det same gjeld inntrykket av dei aller fleste som har uttala seg i media. Sjølvsagt finst det unnatak, noko anna ville vore overraskande når prosessen er så open og medietrykket så sterkt.
Det som har skapt mest strid, er at partileiinga ikkje har laga klåre og tydelege reglar for mandatfordelinga frå kvart fylke. Det er eit stort feilgrep og kan verta lagnadstungt for partiet.
At fylkesårsmøtet i Rogaland sender 15 blå representantar og berre 1 raud, sjølv om ein tredel på årsmøtet røysta for ei KrF/Sp/Ap-regjering, og alle dei andre fylka så langt har fordelt delegatane etter kor mange røyster dei to alternativa fekk, legg ein skugge over heile avgjerdsprosessen.
Skulle resultatet verta eit knapt fleirtal for å gå inn i Solberg-regjeringa og delegatane frå Rogaland vert avgjerande for utfallet, vil det i etterkant forsterka konflikten i partiet. Difor bør Rogaland førebyggja dette og kalla inn til nytt årsmøte med sikte på å senda eit representativt utval av delegatar. Alvoret i saka fortener det.
Svein Gjerdåker
Fleire artiklar
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.