Åtak på demokratiet
«Dette er ein svindel mot det amerikanske folket. (…) Ærleg tala så vann vi dette valet. Så målet vårt no er å sikra integriteten til beste for nasjonen. (…) Vi vil at lova skal nyttast på rett måte. Så vi går til høgsterett. Vi vil at all røysting skal stogga. Vi vil ikkje at dei skal finna nokre røystesetlar klokka fire om morgonen.»
Desse orda frå president Trump, frå talen han heldt på valnatta, har med rette skapt sterke reaksjonar. Talen kjem til å gå inn i historiebøkene som eit åtak på grunnprinsippa i demokratiet og i strid med amerikansk politisk tradisjon.
Dette skal altså den oppveksande generasjonen i USA høyra frå presidenten sin. Dei som kvar morgon på skulen reiser seg og lovar truskap til flagget, republikken og fridom og rettferd for alle. Dei skal altså oppleva at presidenten vil setja til sides vallovene i mange delstatar og sikra seg sigeren før alle røystene er talde. Trump er ikkje presidentembetet verdig.
Diverre ser rundt halvparten av det amerikanske folket det annleis. Rundt 25 delstatar vil halda på Trump som president i ein ny fireårsperiode. Frå ein europeisk synsstad – eller rettare: vesteuropeisk synsstad – er det vanskeleg å skjøna. Men så har dei fleste europeiske landa langt betre velferdsordningar enn USA.
Vi klarer ikkje heilt å ta inn over oss kor viktig økonomien er for amerikanske veljarar. Mange lever med små marginar og røystar difor på den dei trur vil handtera økonomien best. Der har Trump størst tillit. Dessutan er mistilliten til den politiske eliten stor i folket, og Washington vert sett på som korrupt. Trump, derimot, kjem utanfrå og går fri denne kritikken. Såleis vart altså valresultatet langt jamnare enn venta.
Då denne avisa gjekk i trykken, var resultatet enno ikkje avklara. Vi kan difor ikkje anna enn å vona at Biden vinn til slutt.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
«Dette er ein svindel mot det amerikanske folket. (…) Ærleg tala så vann vi dette valet. Så målet vårt no er å sikra integriteten til beste for nasjonen. (…) Vi vil at lova skal nyttast på rett måte. Så vi går til høgsterett. Vi vil at all røysting skal stogga. Vi vil ikkje at dei skal finna nokre røystesetlar klokka fire om morgonen.»
Desse orda frå president Trump, frå talen han heldt på valnatta, har med rette skapt sterke reaksjonar. Talen kjem til å gå inn i historiebøkene som eit åtak på grunnprinsippa i demokratiet og i strid med amerikansk politisk tradisjon.
Dette skal altså den oppveksande generasjonen i USA høyra frå presidenten sin. Dei som kvar morgon på skulen reiser seg og lovar truskap til flagget, republikken og fridom og rettferd for alle. Dei skal altså oppleva at presidenten vil setja til sides vallovene i mange delstatar og sikra seg sigeren før alle røystene er talde. Trump er ikkje presidentembetet verdig.
Diverre ser rundt halvparten av det amerikanske folket det annleis. Rundt 25 delstatar vil halda på Trump som president i ein ny fireårsperiode. Frå ein europeisk synsstad – eller rettare: vesteuropeisk synsstad – er det vanskeleg å skjøna. Men så har dei fleste europeiske landa langt betre velferdsordningar enn USA.
Vi klarer ikkje heilt å ta inn over oss kor viktig økonomien er for amerikanske veljarar. Mange lever med små marginar og røystar difor på den dei trur vil handtera økonomien best. Der har Trump størst tillit. Dessutan er mistilliten til den politiske eliten stor i folket, og Washington vert sett på som korrupt. Trump, derimot, kjem utanfrå og går fri denne kritikken. Såleis vart altså valresultatet langt jamnare enn venta.
Då denne avisa gjekk i trykken, var resultatet enno ikkje avklara. Vi kan difor ikkje anna enn å vona at Biden vinn til slutt.
Svein Gjerdåker
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.