Vel unnt!
Mange av kjenslene og handlingane våre kan smykka seg med eit eige verb, og i den gode enden av skalaen har me unna: ‘med glede la (nokon) få eller ha (noko)’. Unning er sanneleg ei samansett sak, for ho inneber at me kjenner glede når nokon andre får noko – kanskje noko me gjerne skulle ha hatt sjølve, som når me unner motspelaren sigeren. I den vonde enden av skalaen har me misunna. Misunning plar vera verst for den som misunner, men det kan vera leitt å verta misunnt òg, i alle fall om du vert misunnt av ein sløg person som er truande til litt av kvart.
Unna er eit arveord som òg vart mykje nytta i mellomalderen. Norrønt unna kunne både tyda ‘elska’ – jamfør avleiingar som unnusta (‘elskarinne, frille’) og verbforma unnast (‘elska einannan’) – og ‘unna’ slik som i dag. I norsk og grannemåla våre er det forma på u- som råder, men i andre germanske mål har eit førefeste på g- snike seg inn, som i tysk gönnen og nederlandsk gunnen. Substantivet gunst (‘velvilje, godhug’) høyrer heime i denne ordfamilien. Det er eit låneord frå lågtysk og har difor g- i front. Ein annan slektning av unna er avund. I fronten her har me av i nedsetjande tyding, jamfør avgud. Me kan soleis seia at avund er vond unning eller «ikkje-unning», eller med andre ord: mis-unning.
Seiemåtar som «det er deg vel unnt» eller berre «vel unnt!» dukkar ofte opp i samband med drikke- og matservering. Stundom kan det vera vanskeleg å sjå om unninga er godt meint, jamfør dette hermestevet: «Drikk til du sprekk, det er deg vel unnt, sa jenta; ho skjenkte øl til kjærasten.» Unning med sting i finst òg, som når me «unner nokon å slita litt». Verre er det når me ikkje unner nokon noko godt: «Dei unner oss ikkje maten.» Men det å ikkje unna nokon noko vondt, det er godt: «Eg unner ingen å kjenna slik smerte.» «Det unner eg ikkje min verste fiende.»
Av og til er unning noko me retter mot oss sjølve: «Dei unnte seg litt luksus.» Andre gonger er det meir uvisst kven som unner. Det kan vera lagnaden eller ymse usynlege krefter: «Dersom eg blir unnt liv og helse, så …» «Det er ikkje alle forunnt å koma inn der.» Det er ikkje alle forunnt å verta misunnt heller, i den grad det er eit mål. Skal tru kvifor me har ordet misunningsverdig, men ikkje unningsverdig?
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Mange av kjenslene og handlingane våre kan smykka seg med eit eige verb, og i den gode enden av skalaen har me unna: ‘med glede la (nokon) få eller ha (noko)’. Unning er sanneleg ei samansett sak, for ho inneber at me kjenner glede når nokon andre får noko – kanskje noko me gjerne skulle ha hatt sjølve, som når me unner motspelaren sigeren. I den vonde enden av skalaen har me misunna. Misunning plar vera verst for den som misunner, men det kan vera leitt å verta misunnt òg, i alle fall om du vert misunnt av ein sløg person som er truande til litt av kvart.
Unna er eit arveord som òg vart mykje nytta i mellomalderen. Norrønt unna kunne både tyda ‘elska’ – jamfør avleiingar som unnusta (‘elskarinne, frille’) og verbforma unnast (‘elska einannan’) – og ‘unna’ slik som i dag. I norsk og grannemåla våre er det forma på u- som råder, men i andre germanske mål har eit førefeste på g- snike seg inn, som i tysk gönnen og nederlandsk gunnen. Substantivet gunst (‘velvilje, godhug’) høyrer heime i denne ordfamilien. Det er eit låneord frå lågtysk og har difor g- i front. Ein annan slektning av unna er avund. I fronten her har me av i nedsetjande tyding, jamfør avgud. Me kan soleis seia at avund er vond unning eller «ikkje-unning», eller med andre ord: mis-unning.
Seiemåtar som «det er deg vel unnt» eller berre «vel unnt!» dukkar ofte opp i samband med drikke- og matservering. Stundom kan det vera vanskeleg å sjå om unninga er godt meint, jamfør dette hermestevet: «Drikk til du sprekk, det er deg vel unnt, sa jenta; ho skjenkte øl til kjærasten.» Unning med sting i finst òg, som når me «unner nokon å slita litt». Verre er det når me ikkje unner nokon noko godt: «Dei unner oss ikkje maten.» Men det å ikkje unna nokon noko vondt, det er godt: «Eg unner ingen å kjenna slik smerte.» «Det unner eg ikkje min verste fiende.»
Av og til er unning noko me retter mot oss sjølve: «Dei unnte seg litt luksus.» Andre gonger er det meir uvisst kven som unner. Det kan vera lagnaden eller ymse usynlege krefter: «Dersom eg blir unnt liv og helse, så …» «Det er ikkje alle forunnt å koma inn der.» Det er ikkje alle forunnt å verta misunnt heller, i den grad det er eit mål. Skal tru kvifor me har ordet misunningsverdig, men ikkje unningsverdig?
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?