Ungdomen og opposisjonen
Kongen helsar på kronprinsen før det avgjerande partiet.
Foto: Lennart Ootes/Altibox Norway Chess.
Av dei unge i dag, la oss seia i alderen 16 til 26, er det berre Alireza Firouzja (17) som peikar seg ut som ein mogleg verdsmeister. Han har brote med heimlandet Iran og bur i Frankrike, men representerer formelt verdssjakkforbundet FIDE.
Firouzja spela betre enn verdstoaren Fabiano Caruana (27) i Norway Chess og vart den farlegaste konkurrenten til Magnus Carlsen (29) i Stavanger. Oppgjeret mellom meisteren og læreguten i nest siste runde skulle avgjera spørsmålet om turneringssigeren, men det stod mykje meir på spel. Kongen hadde kalla inn kronprinsen for å meisla ut vegen vidare. Men båe stod på sitt, på felta c5 og c3.
Firouzja med kvit (i trekket) gav opp med eit par sekund attende på klokka. Det avgjerande poenget er at ingen av spelarane vil vera i trekket når ein står mot kvarandre i den steile «kongeopposisjonen». Sidan ungguten er i trekket, vinn meisteren av di svart vil trengja inn i den kvite stillinga og til slutt vinna bonden på e4. For sjakkspelarar er prinsippet om «opposisjonen» barnelærdom.
Så spørsmålet alle stiller seg, er korleis det største sjakktalentet i verda vart lokka inn i opposisjonen. Publikum såg at den unge persaren rista og skalv under partiet. Sjølv sa Firouzja dagen etter at han ikkje var nervøs, men kva var det då?
Vi har sett noko liknande éin gong før. I Moskva i november 2006, like før Carlsen fylte 16 år, tapte ungguten eit elementært tårnsluttspel (tårn mot tårn og bonde) mot Levon Aronjan. Russarane skjøna ikkje korleis noko slikt var mogleg. Dette er jo barnelærdom. Trenaren til Carlsen, dansken Peter Heine Nielsen, smilte tappert, men kunne ikkje forklara kva som skjedde.
Carlsen sjølv gløymer aldri tapet mot Aronjan for 14 år sidan. Firouzja vil aldri gløyma tapet mot Carlsen i førre veke.
Atle Grønn
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Av dei unge i dag, la oss seia i alderen 16 til 26, er det berre Alireza Firouzja (17) som peikar seg ut som ein mogleg verdsmeister. Han har brote med heimlandet Iran og bur i Frankrike, men representerer formelt verdssjakkforbundet FIDE.
Firouzja spela betre enn verdstoaren Fabiano Caruana (27) i Norway Chess og vart den farlegaste konkurrenten til Magnus Carlsen (29) i Stavanger. Oppgjeret mellom meisteren og læreguten i nest siste runde skulle avgjera spørsmålet om turneringssigeren, men det stod mykje meir på spel. Kongen hadde kalla inn kronprinsen for å meisla ut vegen vidare. Men båe stod på sitt, på felta c5 og c3.
Firouzja med kvit (i trekket) gav opp med eit par sekund attende på klokka. Det avgjerande poenget er at ingen av spelarane vil vera i trekket når ein står mot kvarandre i den steile «kongeopposisjonen». Sidan ungguten er i trekket, vinn meisteren av di svart vil trengja inn i den kvite stillinga og til slutt vinna bonden på e4. For sjakkspelarar er prinsippet om «opposisjonen» barnelærdom.
Så spørsmålet alle stiller seg, er korleis det største sjakktalentet i verda vart lokka inn i opposisjonen. Publikum såg at den unge persaren rista og skalv under partiet. Sjølv sa Firouzja dagen etter at han ikkje var nervøs, men kva var det då?
Vi har sett noko liknande éin gong før. I Moskva i november 2006, like før Carlsen fylte 16 år, tapte ungguten eit elementært tårnsluttspel (tårn mot tårn og bonde) mot Levon Aronjan. Russarane skjøna ikkje korleis noko slikt var mogleg. Dette er jo barnelærdom. Trenaren til Carlsen, dansken Peter Heine Nielsen, smilte tappert, men kunne ikkje forklara kva som skjedde.
Carlsen sjølv gløymer aldri tapet mot Aronjan for 14 år sidan. Firouzja vil aldri gløyma tapet mot Carlsen i førre veke.
Atle Grønn
Atle Grønn er internasjonal meister i sjakk.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.