Undervurderte undersåttar
Når undergangen er nær, hjelper det lite å gå under jorda. Der finst det underjordiske som radt underheld seg med å tyna og terga deg. Det er strevsamt å bu under same tak som slike skøyarar, særleg om dei har underbuksehumor i tillegg. Men før me underkastar oss kaoskreftene, lyt me spørja: Har me under under kontroll?
Under høyrer til den undergruppa av preposisjonar som gjerne vert kalla vekselpreposisjonar. Under visse vilkår styrer preposisjonen akkusativ (typisk ved rørsle til staden: «Legg det under føtene»), i andre tilfelle styrer han dativ (typisk ved ro eller rørsle på staden: «Det ligg under fotom»). Kasusbøyinga har mesta bukka under hjå oss, men i islandsk (undir) og tysk (unter) held preposisjonen på som før. Under høyrer dessutan inn under same ordflokk som latin inferus (‘nedre’), inferi (‘dei daude, underverda’), infernus (‘nedre; underjordisk; som høyrer til underverda’) og infra (‘nedanfor’). Førefestet infra- målber gjerne at eitkvart ligg under ei grense. Infraljod ligg til dømes under høyregrensa for menneske.
Det er lett å skriva under på at under har fått luft under vengene. Under hovudtydinga ‘nedanfor, på nedsida av’ yrer det av viktige nyansar. Det er stor skilnad på liggja under bordet og å liggja under Danmark, og ein tunnel under fjorden plar ikkje stå under vatn, endå han har vatn over seg. Og kvar ligg undermedvitet, tru? Me underdriv ikkje om me seier at utforminga av medvitet er ei gåte, men me kan i alle fall notera oss at norrønt – og islandsk – har substantivet undirhyggja («undertanke»), som tyder ‘baktanke; svik’. Anten me talar om baktankar eller undertankar, skjønar me at det ligg noko under.
Dei som lever av å undersøkja ord og ordtydingar og underretta oss om det dei finn, kan hjelpa oss med å få oversyn i underskogen av undertydingar. Artikkelen om under i Norsk Ordbok viser til dømes at me stundom brukar ordet i tydinga ‘i ly av’ («sitja under eit tre»), stundom i tydinga ‘omslutta av’ («sova under open himmel»). Stundom er det tale om nedsida av noko («sand under skorne»), andre gonger er det innsida av noko («sveitta under kleda»). Men verst er det å vera undergjeven nokon som finn glede i å underkua. Då er det freistande å byrja undergrava all slags over- og underordning.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Når undergangen er nær, hjelper det lite å gå under jorda. Der finst det underjordiske som radt underheld seg med å tyna og terga deg. Det er strevsamt å bu under same tak som slike skøyarar, særleg om dei har underbuksehumor i tillegg. Men før me underkastar oss kaoskreftene, lyt me spørja: Har me under under kontroll?
Under høyrer til den undergruppa av preposisjonar som gjerne vert kalla vekselpreposisjonar. Under visse vilkår styrer preposisjonen akkusativ (typisk ved rørsle til staden: «Legg det under føtene»), i andre tilfelle styrer han dativ (typisk ved ro eller rørsle på staden: «Det ligg under fotom»). Kasusbøyinga har mesta bukka under hjå oss, men i islandsk (undir) og tysk (unter) held preposisjonen på som før. Under høyrer dessutan inn under same ordflokk som latin inferus (‘nedre’), inferi (‘dei daude, underverda’), infernus (‘nedre; underjordisk; som høyrer til underverda’) og infra (‘nedanfor’). Førefestet infra- målber gjerne at eitkvart ligg under ei grense. Infraljod ligg til dømes under høyregrensa for menneske.
Det er lett å skriva under på at under har fått luft under vengene. Under hovudtydinga ‘nedanfor, på nedsida av’ yrer det av viktige nyansar. Det er stor skilnad på liggja under bordet og å liggja under Danmark, og ein tunnel under fjorden plar ikkje stå under vatn, endå han har vatn over seg. Og kvar ligg undermedvitet, tru? Me underdriv ikkje om me seier at utforminga av medvitet er ei gåte, men me kan i alle fall notera oss at norrønt – og islandsk – har substantivet undirhyggja («undertanke»), som tyder ‘baktanke; svik’. Anten me talar om baktankar eller undertankar, skjønar me at det ligg noko under.
Dei som lever av å undersøkja ord og ordtydingar og underretta oss om det dei finn, kan hjelpa oss med å få oversyn i underskogen av undertydingar. Artikkelen om under i Norsk Ordbok viser til dømes at me stundom brukar ordet i tydinga ‘i ly av’ («sitja under eit tre»), stundom i tydinga ‘omslutta av’ («sova under open himmel»). Stundom er det tale om nedsida av noko («sand under skorne»), andre gonger er det innsida av noko («sveitta under kleda»). Men verst er det å vera undergjeven nokon som finn glede i å underkua. Då er det freistande å byrja undergrava all slags over- og underordning.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?