To ulike tredjeplassar
Magnus Carlsen vann bronsefinalen mot armenaren Levon Aronjan.
Foto: Lennart Ootes
Ei stutt veke etter sigeren i India var Magnus Carlsen på plass i den siste Grand Chess Tour-etappen i London. Tanken var at han skulle slå franskmannen Maxime Vachier-Lagrave i semifinalen og så møta kinesaren Ding Liren i finalen. Ding Liren var mannen som i St. Louis tidlegare i haust vann omspelet mot Carlsen i snøggsjakk – det fyrste tapet til Carlsen i omspel på over ti år. Jamvel om Carlsen har vore den klårt beste spelaren i verda i 2019 under eitt, har Ding Liren vore like god som verdsmeisteren no i haust.
Men Carlsen kom aldri til finalen i London. Han rota seg bort i omspelet mot Vachier-Lagrave. Ein vonbroten Garri Kasparov sat i USA og sette ein fjerndiagnose: «Det er sørgjeleg at Carlsen ikkje har kvitta seg med spysjuka han hadde i India». Når ein høyrer om nedturane til Carlsen, er det naudsynt å presisera: Verdsmeisteren gjekk gjennom veka i London utan tap i langsjakk og har no 107 parti på rad utan tap. Fasiten i 2019 er 30 sigrar, 47 remisar og null tap. Ingen verdsmeister har nokon gong vore så aktiv – eller så god.
I tillegg kjem alt det andre: frå snøggsjakk til fischersjakk og… engelsk fotball. The Guardian kunne melda på fyrstesida at Carlsen under London-vitjinga låg på tredjeplass på verdsrankinga i strategispelet Fantasy Premier League, eit populært managerspel med over sju millionar brukarar. Tredjeplass vart det òg i sjakken, då han vann bronsefinalen mot armenaren Levon Aronjan, trass i at han vart spektakulært sjakk matt i eit av snøggsjakkpartia. Ding Liren vann gullfinalen.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ei stutt veke etter sigeren i India var Magnus Carlsen på plass i den siste Grand Chess Tour-etappen i London. Tanken var at han skulle slå franskmannen Maxime Vachier-Lagrave i semifinalen og så møta kinesaren Ding Liren i finalen. Ding Liren var mannen som i St. Louis tidlegare i haust vann omspelet mot Carlsen i snøggsjakk – det fyrste tapet til Carlsen i omspel på over ti år. Jamvel om Carlsen har vore den klårt beste spelaren i verda i 2019 under eitt, har Ding Liren vore like god som verdsmeisteren no i haust.
Men Carlsen kom aldri til finalen i London. Han rota seg bort i omspelet mot Vachier-Lagrave. Ein vonbroten Garri Kasparov sat i USA og sette ein fjerndiagnose: «Det er sørgjeleg at Carlsen ikkje har kvitta seg med spysjuka han hadde i India». Når ein høyrer om nedturane til Carlsen, er det naudsynt å presisera: Verdsmeisteren gjekk gjennom veka i London utan tap i langsjakk og har no 107 parti på rad utan tap. Fasiten i 2019 er 30 sigrar, 47 remisar og null tap. Ingen verdsmeister har nokon gong vore så aktiv – eller så god.
I tillegg kjem alt det andre: frå snøggsjakk til fischersjakk og… engelsk fotball. The Guardian kunne melda på fyrstesida at Carlsen under London-vitjinga låg på tredjeplass på verdsrankinga i strategispelet Fantasy Premier League, eit populært managerspel med over sju millionar brukarar. Tredjeplass vart det òg i sjakken, då han vann bronsefinalen mot armenaren Levon Aronjan, trass i at han vart spektakulært sjakk matt i eit av snøggsjakkpartia. Ding Liren vann gullfinalen.
Atle Grønn
Atle Grønn er internasjonal
meister i sjakk.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.