JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

SjakkKunnskap

«Ape med handgranat»

Kvar veke les vi inn utvalde artiklar, som abonnentane våre kan lytte til.
Lytt til artikkelen
Kven vert den 17. verdsmeisteren i sjakk, «heimefavoritten» Nepomnjasjtsjij eller Ding Liren? Svaret kjem i helga.

Kven vert den 17. verdsmeisteren i sjakk, «heimefavoritten» Nepomnjasjtsjij eller Ding Liren? Svaret kjem i helga.

Foto: Stev Bonhage

Kven vert den 17. verdsmeisteren i sjakk, «heimefavoritten» Nepomnjasjtsjij eller Ding Liren? Svaret kjem i helga.

Kven vert den 17. verdsmeisteren i sjakk, «heimefavoritten» Nepomnjasjtsjij eller Ding Liren? Svaret kjem i helga.

Foto: Stev Bonhage

2325
20230428
2325
20230428

VM-kampen mellom russaren Jan Nepomnjasjtsjij (32) og kinesaren Ding Liren (30) går mot slutten. I kongerekkja frå 1886 vil den nye meisteren etter nivå og merittar stå nedst saman med nederlendaren Max Euwe (verdsmeister 1935–1937).

Nepomnjasjtsjij var barnestjerne, som tiåring betre enn jamgamle Carlsen. Men han har ikkje vore ein dominerande spelar i sin generasjon. Til dømes var han som 25-åring rangert bak Jon Ludvig Hammer.

Fyrst dei siste åra har russaren nådd toppen, med god hjelp frå eigaren av Norilsk Nickel, Putin-oligarken Vladimir Potanin, som i mange år var Russlands rikaste mann. Potanin fylgjer sjakken tett, men den oppblåsne milliardæren saknar sjølvinnsikt, som når han kritiserer spelarane for konkrete trekk og strategiar. Hovudproblemet med Potanin er likevel ikkje sjakkfagleg, men at han finansierer Russlands krig.

På liknande vis som Putins «Wagner-kokk» Prigozjin og forsvarsminister Sjojgu kjempar mot kvarandre i kulissane, er sjakk-oligarkane òg i krig. Presidenten i det russiske sjakkforbundet, dollarmilliardæren Andrej Filatov, har kritisert Nepomnjasjtsjij under VM-kampen og kalla han for «ein ape med ein handgranat». Filatov kom med ein «sjakkfagleg analyse» og meinte at landsmannen kan mista hovudet i kritiske parti. Men det Filatov eigenleg sa, var at «Nepo» er politisk upåliteleg og ikkje har stødd krigen.

Putin-klakøren Sergej Karjakin likar heller ikkje «Nepo», men Karjakin er òg i konflikt med Filatov. Dette er godt nytt for omdømet til Nepomnjasjtsjij i Vesten – hadde det ikkje vore for støtta frå Potanin. For å komplisera krig–sjakk-tematikken endå meir nemner eg en passant at forsvarsministeren og fleire krigsforbrytarar har honorære verv i sjakkforbundet.

I Russland – i samfunnet og sjakken – er det fritt fram å kritisera kvarandre så lenge ein står saman med Putin. Eg kjenner ingen ekspertar som fullt ut skjønar denne maktkampen.

Det meste rundt VM-kampen peikar mot russisk siger: Vertsnasjonen Kasakhstan, arrangøren Fide og sponsorane er under russisk kontroll. Mot det massive russiske presset står smålåtne Ding Liren åleine i Astana med den vesle mor si og ein hippie-sekundant frå Romania. Etter 12 spanande parti med mange feil frå båe spelarane var stillinga 6–6.

Atle Grønn

Atle Grønn er internasjonal meister i sjakk.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

VM-kampen mellom russaren Jan Nepomnjasjtsjij (32) og kinesaren Ding Liren (30) går mot slutten. I kongerekkja frå 1886 vil den nye meisteren etter nivå og merittar stå nedst saman med nederlendaren Max Euwe (verdsmeister 1935–1937).

Nepomnjasjtsjij var barnestjerne, som tiåring betre enn jamgamle Carlsen. Men han har ikkje vore ein dominerande spelar i sin generasjon. Til dømes var han som 25-åring rangert bak Jon Ludvig Hammer.

Fyrst dei siste åra har russaren nådd toppen, med god hjelp frå eigaren av Norilsk Nickel, Putin-oligarken Vladimir Potanin, som i mange år var Russlands rikaste mann. Potanin fylgjer sjakken tett, men den oppblåsne milliardæren saknar sjølvinnsikt, som når han kritiserer spelarane for konkrete trekk og strategiar. Hovudproblemet med Potanin er likevel ikkje sjakkfagleg, men at han finansierer Russlands krig.

På liknande vis som Putins «Wagner-kokk» Prigozjin og forsvarsminister Sjojgu kjempar mot kvarandre i kulissane, er sjakk-oligarkane òg i krig. Presidenten i det russiske sjakkforbundet, dollarmilliardæren Andrej Filatov, har kritisert Nepomnjasjtsjij under VM-kampen og kalla han for «ein ape med ein handgranat». Filatov kom med ein «sjakkfagleg analyse» og meinte at landsmannen kan mista hovudet i kritiske parti. Men det Filatov eigenleg sa, var at «Nepo» er politisk upåliteleg og ikkje har stødd krigen.

Putin-klakøren Sergej Karjakin likar heller ikkje «Nepo», men Karjakin er òg i konflikt med Filatov. Dette er godt nytt for omdømet til Nepomnjasjtsjij i Vesten – hadde det ikkje vore for støtta frå Potanin. For å komplisera krig–sjakk-tematikken endå meir nemner eg en passant at forsvarsministeren og fleire krigsforbrytarar har honorære verv i sjakkforbundet.

I Russland – i samfunnet og sjakken – er det fritt fram å kritisera kvarandre så lenge ein står saman med Putin. Eg kjenner ingen ekspertar som fullt ut skjønar denne maktkampen.

Det meste rundt VM-kampen peikar mot russisk siger: Vertsnasjonen Kasakhstan, arrangøren Fide og sponsorane er under russisk kontroll. Mot det massive russiske presset står smålåtne Ding Liren åleine i Astana med den vesle mor si og ein hippie-sekundant frå Romania. Etter 12 spanande parti med mange feil frå båe spelarane var stillinga 6–6.

Atle Grønn

Atle Grønn er internasjonal meister i sjakk.

Emneknaggar

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis