Reine sveltihel
Noko av det fyrste me gjer når me kjem til verda, er å suga i oss næring. Og slik held me fram – berre at me etter kvart får tenner, so me greier å få i oss fast føde i tillegg til flytande. Dersom me et lite eller ingenting, er me ille ute: Fyrst kjem svolten, so kjem dauden.
Samanhengen mellom svolt og daude er ikkje berre lekamleg. Han er ordhistorisk òg. Den gamalengelske forma av svolt – swylt – tydde beint fram ‘daude’, og det ser ut til at verbet svelta opphavleg tydde ‘verta pint i hel av sjukdom, svolt, sorg eller liknande’. Norrønt svelta vart stundom nytta i tydinga ‘døy’. I eddadiktet «Oddrun-gråten» finn me formuleringa «láta sveltast», som tyder ‘lata seg døy, søkja dauden’. Med andre ord har tydinga til svelta endra seg noko dei siste hundreåra, men utsvelting, svoltkatastrofar og sveltedaude er framleis utrivelege saker.
Den som veit korleis det er å få for lite mat, kan lett stilla seg bak desse ordtaka: «Svolten gjer det svarte brødet søtt.» «Den mette veit ikkje kvar den svoltne sit.» I avgrensa periodar kan me greia oss med for lite mat, og det er ikkje heilt uvanleg at foreldre svelter seg so borna kan få eta seg mette. Om dei held seg på rette sida av sveltegrensa, kan det gå bra, endå det jamleg pip i tarmane. Men tungt er det: «Svolten gamp går aldri lett med lasset.»
Å sveltefôra eller svelta fram buskapen har vore naudsynt mange stader, i minsto på «sveltihelplassar» der det mesta er umogleg å livberga seg. Det er stor skilnad på slik svolt og det å «vera sveltefôra på klassisk litteratur» eller «svolten på suksess». I ein slags mellomposisjon kjem folk som har nok mat, men som likevel svelter seg, til dømes på grunn av sjukdom eller fordi dei vil ha merksemd om ei sak (jf. sveltestreik). Dei av oss som har både mat og høve til å eta han, kan òg verta svoltne. Kan henda vert me gørrsvoltne, holsvoltne, naudsvoltne, skrubbsvoltne («svolten som ein skrubb») eller berre kjøtsvoltne. Me kan jamvel verta kyrkjesvoltne: ‘svolten etter (lang) kyrkjeferd’. I slike tilfelle gjeld det å stilla svolten. Det gjer godt både for den svoltne og dei ikring, for svoltne folk er ikkje til å spøkja med. I engelsk har det til og med dukka opp ei råkande samansmelting av orda hungry (svolten) og angry (vreid): hangry.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Noko av det fyrste me gjer når me kjem til verda, er å suga i oss næring. Og slik held me fram – berre at me etter kvart får tenner, so me greier å få i oss fast føde i tillegg til flytande. Dersom me et lite eller ingenting, er me ille ute: Fyrst kjem svolten, so kjem dauden.
Samanhengen mellom svolt og daude er ikkje berre lekamleg. Han er ordhistorisk òg. Den gamalengelske forma av svolt – swylt – tydde beint fram ‘daude’, og det ser ut til at verbet svelta opphavleg tydde ‘verta pint i hel av sjukdom, svolt, sorg eller liknande’. Norrønt svelta vart stundom nytta i tydinga ‘døy’. I eddadiktet «Oddrun-gråten» finn me formuleringa «láta sveltast», som tyder ‘lata seg døy, søkja dauden’. Med andre ord har tydinga til svelta endra seg noko dei siste hundreåra, men utsvelting, svoltkatastrofar og sveltedaude er framleis utrivelege saker.
Den som veit korleis det er å få for lite mat, kan lett stilla seg bak desse ordtaka: «Svolten gjer det svarte brødet søtt.» «Den mette veit ikkje kvar den svoltne sit.» I avgrensa periodar kan me greia oss med for lite mat, og det er ikkje heilt uvanleg at foreldre svelter seg so borna kan få eta seg mette. Om dei held seg på rette sida av sveltegrensa, kan det gå bra, endå det jamleg pip i tarmane. Men tungt er det: «Svolten gamp går aldri lett med lasset.»
Å sveltefôra eller svelta fram buskapen har vore naudsynt mange stader, i minsto på «sveltihelplassar» der det mesta er umogleg å livberga seg. Det er stor skilnad på slik svolt og det å «vera sveltefôra på klassisk litteratur» eller «svolten på suksess». I ein slags mellomposisjon kjem folk som har nok mat, men som likevel svelter seg, til dømes på grunn av sjukdom eller fordi dei vil ha merksemd om ei sak (jf. sveltestreik). Dei av oss som har både mat og høve til å eta han, kan òg verta svoltne. Kan henda vert me gørrsvoltne, holsvoltne, naudsvoltne, skrubbsvoltne («svolten som ein skrubb») eller berre kjøtsvoltne. Me kan jamvel verta kyrkjesvoltne: ‘svolten etter (lang) kyrkjeferd’. I slike tilfelle gjeld det å stilla svolten. Det gjer godt både for den svoltne og dei ikring, for svoltne folk er ikkje til å spøkja med. I engelsk har det til og med dukka opp ei råkande samansmelting av orda hungry (svolten) og angry (vreid): hangry.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?