Posten kjem ikkje lenger
Olaf Barda var ein sterk postsjakkspelar, noregsmeister i 1946 og 1949/50, og nummer 4 i første VM i postsjakk 1950–1953.
Ukjend fotograf / Nasjonalbiblioteket
Postsjakk gav ein gong i tida meining, som Jon Fosse skildrar i romanen Eg er ein annan frå 2020:
«Sidan han [Sigve] ikkje hadde nokon å spela sjakk med byrja han å spela noko som heiter postsjakk, det vil seia at han kvar fredag postlegg eit brev med eit sjakktrekk og kvar onsdag får han eit brev frå den han spelar imot.»
Eit postsjakkparti tek sjølvsagt tid. Som ein spelar sa ein gong: «Min fyrste bart grodde fram mellom trekk 15 og 16.»
Postsjakken trivst dårleg i vår tid. Den jamne postsjakkspelaren kallar seg no «fjernsjakkspelar» og sender trekka via internett, men det finst nokre entusiastar som framleis nyttar brev og porto. Ein av dei, med 50 års røynsle som postsjakkdomar, fortalde meg i ei gravferd i haust at Posten ikkje lenger er til å lita på. Dei klassiske postsjakkspelarane taper partia på tid!
Problema står i kø for postsjakken. Som lesaren skjønar, er det umogleg å hindra «juks» i postsjakk og fjernsjakk. Det finst berre éin utveg: Alt er lov! Alle på høgt nivå nyttar difor utan blygsle datamaskinar som analyserer døgeret rundt. Problemet er at nesten alle partia endar remis, då ingen av spelarane gjer feil. Den norske verdsmeisteren frå 2006, bergensaren Ivar Bern, har difor slutta med hobbyen og lagt konvoluttane i eska.
Den islandske forfattarkollegaen til Fosse Jón Kalman Stefánsson er òg innom postsjakk i romanen Sommerlys. Og så kommer natten (norsk omsetjing frå 2018): Mellom dei 20–30 figurane i boka står Brandur på utsida av det sosiale spelet. Han kan trøysta seg med at han er nær å vinna islandsmeisterskapen i postsjakk.
Fosse er vel ikkje framand for det islandske tunglyndet, der postsjakk vert eit symbol på total einsemd. Sjølv eit «tosamt» spel som sjakk vert einsamt.
Eg sjølv likar tanken på postsjakk: å sitja kveld etter kveld åleine ved sjakkbrettet og gå djupt inn i stillinga. Men å gjera dette i praksis krev tolmod. Eg trur ikkje eg fullførte den turneringa eg tok del i på midten av 1980-talet.
Kva skal Fosse og Stefánsson skriva om no? Dei kan gå til komponistane, dei som sit åleine og skipar kunstverk (problemoppgåver) på brettet. Vi har i dag éin norsk komponist i verdsklasse, Geir Sune Tallaksen Østmoe (37). Den mest produktive nordmannen i sjangeren var lektor David Hjelle frå Volda, sjakkspaltist i Dag og Tid i det førre hundreåret.
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Postsjakk gav ein gong i tida meining, som Jon Fosse skildrar i romanen Eg er ein annan frå 2020:
«Sidan han [Sigve] ikkje hadde nokon å spela sjakk med byrja han å spela noko som heiter postsjakk, det vil seia at han kvar fredag postlegg eit brev med eit sjakktrekk og kvar onsdag får han eit brev frå den han spelar imot.»
Eit postsjakkparti tek sjølvsagt tid. Som ein spelar sa ein gong: «Min fyrste bart grodde fram mellom trekk 15 og 16.»
Postsjakken trivst dårleg i vår tid. Den jamne postsjakkspelaren kallar seg no «fjernsjakkspelar» og sender trekka via internett, men det finst nokre entusiastar som framleis nyttar brev og porto. Ein av dei, med 50 års røynsle som postsjakkdomar, fortalde meg i ei gravferd i haust at Posten ikkje lenger er til å lita på. Dei klassiske postsjakkspelarane taper partia på tid!
Problema står i kø for postsjakken. Som lesaren skjønar, er det umogleg å hindra «juks» i postsjakk og fjernsjakk. Det finst berre éin utveg: Alt er lov! Alle på høgt nivå nyttar difor utan blygsle datamaskinar som analyserer døgeret rundt. Problemet er at nesten alle partia endar remis, då ingen av spelarane gjer feil. Den norske verdsmeisteren frå 2006, bergensaren Ivar Bern, har difor slutta med hobbyen og lagt konvoluttane i eska.
Den islandske forfattarkollegaen til Fosse Jón Kalman Stefánsson er òg innom postsjakk i romanen Sommerlys. Og så kommer natten (norsk omsetjing frå 2018): Mellom dei 20–30 figurane i boka står Brandur på utsida av det sosiale spelet. Han kan trøysta seg med at han er nær å vinna islandsmeisterskapen i postsjakk.
Fosse er vel ikkje framand for det islandske tunglyndet, der postsjakk vert eit symbol på total einsemd. Sjølv eit «tosamt» spel som sjakk vert einsamt.
Eg sjølv likar tanken på postsjakk: å sitja kveld etter kveld åleine ved sjakkbrettet og gå djupt inn i stillinga. Men å gjera dette i praksis krev tolmod. Eg trur ikkje eg fullførte den turneringa eg tok del i på midten av 1980-talet.
Kva skal Fosse og Stefánsson skriva om no? Dei kan gå til komponistane, dei som sit åleine og skipar kunstverk (problemoppgåver) på brettet. Vi har i dag éin norsk komponist i verdsklasse, Geir Sune Tallaksen Østmoe (37). Den mest produktive nordmannen i sjangeren var lektor David Hjelle frå Volda, sjakkspaltist i Dag og Tid i det førre hundreåret.
Atle Grønn er internasjonal meister i sjakk.
Fleire artiklar
Gjengkrim – ein varsla katastrofe
Det går knapt ein dag utan grove valdshendingar i Oslo. Bak står gjengar og mektige kriminelle nettverk som har vakse fram dei siste ti åra.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
For Balázs Orbán, som er politisk rådgjevar for statsministeren, er jobben å halda fast ved dei langsiktige måla til regjeringa mellom alle dei mindre og større oppgåvene i kvardagen.
Foto frå heimesida til Orbán Balázs i regjeringa
Verda ifølgje Orbán
BUDAPEST: I ei ny bok fortel ideologen til Viktor Orbán korleis Ungarn vil utfordra den liberale verdsordninga. Weekendavisen har møtt han.
29 år gamle Jordan Bardella leier det franske høgrepopulistiske partiet Rassemblement National – som omsett til norsk vert Nasjonal samling. Det ligg an til å verte det største partiet i Frankrike ved EU-valet om ein månad. Biletet er frå eit valkampmøte i Perpignan, sør i Frankrike, 1. mai.
Foto: Manon Cruz / Reuters
Eit Europa i mørkare blått
Partia ytst til høgre ligg an til å styrkje stillinga si i Europaparlamentet ved valet om ein månad. Men dei kjem ikkje til å få stor politisk makt, ifølgje diplomat og forskar Sverre Jervell.
Elin Eika Bringa debuterer som romanforfattar.
Foto: Christopher Helberg / Bonnier Forlag
Utan eit eige rom
Elin Eika Bringa skriv seg inn i dei siste dagane i eit liv i romanen Snart er eg natt.