På kjøpesenteret
Hans Olav Lahlum og Atle Grønn får testa den nye sjakkinteressa.
Foto: Torstein Bae
Eg trudde eg kjende folket, men det var før eg sat på kjøpesenteret.
Den store sjakkinteressa i landet kan ein på makronivå best illustrera gjennom TV-sendingane: Tre millionar nordmenn var innom NRK under VM-kampen i London i november. Og tala per minutt var likevel aller best for VM i hurtig- og lynsjakk i romjula.
På mikronivå er det på kjøpesenteret ein får testa den nye sjakkinteressa. Hans Olav Lahlum og eg sat og signerte før jul. Ein mann kom bort: «Eg har aldri lese ei bok gjennom 70 år. Veit de kva? Ein burde senda alle bøker rett på fyllinga!» Litt seinare: «Men sjølvsagt finst det òg nokre gode forfattarar.» Endå litt seinare: «Den boka de har skrive, ser jo ganske interessant ut; eg går på biblioteket og låner henne. God jul!»
Ei dame i førtiåra stansa brått då ho kjende oss att: «Sjakk?» Ho trekte pusten og samla tankane: «Eg hatar sjakk. Det finst ikkje noko eg hatar meir enn sjakk.» Eg freista roa ned situasjonen: «Eg skjønar deg godt. Vi hatar òg sjakk. Det er difor vi har skrive denne boka som felles terapi.»
Ho likte svaret mitt, forsvann snøgt og kom attende nokre minuttar seinare med dottera på om lag 20 år. Ho peika på oss og sa til dottera: «Ikkje sant du òg hatar sjakk? Det finst ikkje noko verre.» Dottera såg på oss og sa: «Eg tykkjer sjakk er ganske interessant, eg.»
Det vart mange minnerike møte med folket. Eg hadde ein standardfrase til den potensielle bokkjøparen: «Du er kan henda ein av dei tre millionane som har vore innom TV-sendingane...?» Men då svaret for n-te gong var «Eg har ikkje noko val. Sambuaren min ser jo på heile tida», endra vi opningsreplikken til: «Du er kan henda ein av dei 1,5 millionane som har vore tvinga til å sjå på sjakksendingane?»
Ein fyr som ikkje såg veldig sjakkinteressert ut, stansa opp og stira bryskt på boka vår. Eg prøvde meg: «Dette er ei sjakkbok utan sjakktrekk, berre gode historier.» «Hrmpf», sa mannen surt og snudde seg bort – då Lahlum ropa etter han: «Ho har nokre sjakktrekk, då!»
Men så kom to uniformerte politimenn med raske skritt mot oss. Eg byrja tenkja på alt eg ikkje veit noko om: Moms? Kjøpesenterløyve? Heldigvis skulle dei berre kjøpa ei bok.
Eg elskar å sitja på kjøpesenteret.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg trudde eg kjende folket, men det var før eg sat på kjøpesenteret.
Den store sjakkinteressa i landet kan ein på makronivå best illustrera gjennom TV-sendingane: Tre millionar nordmenn var innom NRK under VM-kampen i London i november. Og tala per minutt var likevel aller best for VM i hurtig- og lynsjakk i romjula.
På mikronivå er det på kjøpesenteret ein får testa den nye sjakkinteressa. Hans Olav Lahlum og eg sat og signerte før jul. Ein mann kom bort: «Eg har aldri lese ei bok gjennom 70 år. Veit de kva? Ein burde senda alle bøker rett på fyllinga!» Litt seinare: «Men sjølvsagt finst det òg nokre gode forfattarar.» Endå litt seinare: «Den boka de har skrive, ser jo ganske interessant ut; eg går på biblioteket og låner henne. God jul!»
Ei dame i førtiåra stansa brått då ho kjende oss att: «Sjakk?» Ho trekte pusten og samla tankane: «Eg hatar sjakk. Det finst ikkje noko eg hatar meir enn sjakk.» Eg freista roa ned situasjonen: «Eg skjønar deg godt. Vi hatar òg sjakk. Det er difor vi har skrive denne boka som felles terapi.»
Ho likte svaret mitt, forsvann snøgt og kom attende nokre minuttar seinare med dottera på om lag 20 år. Ho peika på oss og sa til dottera: «Ikkje sant du òg hatar sjakk? Det finst ikkje noko verre.» Dottera såg på oss og sa: «Eg tykkjer sjakk er ganske interessant, eg.»
Det vart mange minnerike møte med folket. Eg hadde ein standardfrase til den potensielle bokkjøparen: «Du er kan henda ein av dei tre millionane som har vore innom TV-sendingane...?» Men då svaret for n-te gong var «Eg har ikkje noko val. Sambuaren min ser jo på heile tida», endra vi opningsreplikken til: «Du er kan henda ein av dei 1,5 millionane som har vore tvinga til å sjå på sjakksendingane?»
Ein fyr som ikkje såg veldig sjakkinteressert ut, stansa opp og stira bryskt på boka vår. Eg prøvde meg: «Dette er ei sjakkbok utan sjakktrekk, berre gode historier.» «Hrmpf», sa mannen surt og snudde seg bort – då Lahlum ropa etter han: «Ho har nokre sjakktrekk, då!»
Men så kom to uniformerte politimenn med raske skritt mot oss. Eg byrja tenkja på alt eg ikkje veit noko om: Moms? Kjøpesenterløyve? Heldigvis skulle dei berre kjøpa ei bok.
Eg elskar å sitja på kjøpesenteret.
Atle Grønn
Atle Grønn er internasjonal
meister i sjakk.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Eit langt utdanningsløp kan by på store utfordringar for dei som har ADHD. Eit aukande antal vaksne oppsøker helsetenesta, inkludert dyre privatklinikkar, for å få ein diagnose.
Foto: Gorm Kallestad / AP / NTB
– ADHD-diagnosen skal henge høgt
Det har vore ein kraftig auke i talet på ADHD-diagnosar og bruken av ADHD-medisin dei siste åra. Blir diagnosen utvatna når kjendisar snakkar han opp?
Forfattar og siviløkonom Martin Bech Holte har vore både forskar i samfunnsøkonomi og leiar i næringslivet.
Foto: Agnete Brun
Når rikdom blir eit problem
Martin Bech Holte kjem med ein diskutabel analyse og friske fråspark i Landet som ble for rikt.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Jørgen Boassen har vorte kjend langt utanfor Grønlands grenser etter at han viste Donald Trump jr. omkring i Nuuk.
Foto: Christiane Jordheim Larsen
Alle auge på Grønland
NUUK, GRØNLAND: 2025 starta med vaksenopplæring om Grønlands geopolitiske betyding. Saman med store delar av den vestlege pressa har eg følgt spora etter Donald Trump jr. i hovudstaden Nuuk.
Papiravisa