Uryddig tankegang
«Lat oss rydja og byggja oss Grender, og so eiga me Rudningen trygt», står det i «Nordmannen» av Ivar Aasen. Ymse rydjegjengar har sidan vore på ferde i skriftmålet han reiste. Skrivemåten rudning gjekk ut or rettskrivinga i 2012, so no står me att med rydning (‘stad som ein ryd eller har rudt; open flate i skogen’). Rydja er framleis innanfor (bøying: ryd, rudde, har rudd el. rudt). Det vanlege er å nytta rydda (a-verb), som truleg er ei dansk form, men her skal rydja få svinga seg.
Aasen har gjeve rydja denne hovudtydinga i Norsk Ordbog: ‘rense for Træer og Buske (…) forberede et Jordstykke til Dyrkning ved at bortskaffe Skov, Krat, Rødder etc.’. Til grunn for verbet ligg ei rot med tydinga ‘riva opp, slita (ut)’. Ein lyt gjerne rydja før ein kan byggja, og mange gardar og plassar har fått namn etter rydjinga. Substantivet rud (‘rydning’) finn me i usamansette namn som Rud, Rød, Rui, Røe og Rødde, og rydning/rudning har gjeve oss Rønningen. So kjem alle samansetjingane, som Linderud, Jonsrud og Rustad.
Mykje av rydjearbeidet vårt går ut på å flytta eller fjerna handfaste saker. Me kan rydja i hagen, rydja kvister av eit tre, rydja på loftet eller kontoret, driva med snørydjing eller minerydjing, rydja av bordet og inn i eller ut or oppvaskmaskina. Det gjeld å rydja opp etter seg! Men utrydjing er sjeldan greitt. I alle høve er det betre å utrydja farlege sjukdomar enn å senda folk i utrydjingsleirar og vanvyrda utrydjingstruga arter.
Biletlege rydjeaksjonar har me òg. Folk som aldri har rørt ei rydjesag eller liknande, kan fint rydja veg for nokon – eller rydja nokon or vegen. Folk kan seia noko som ryd bort all tvil eller ryd unna vonde tankar. Diverre finst det òg fordomar som synest å vera uutrydjelege. Mange rydjegutar og rydjejenter har til arbeid å rydja på serveringsstader, men orda vert òg nytta om folk som ryd opp i problem av ymse slag.
Det som er ryddig (el. ryddug), er ordna, stelt eller klårt: Her finst ryddige rom og tun og ryddige framstillingar. Ryddige folk har orden og oversyn. Det finst skihopparar med uryddig skiføring, og nokre av dei har radt uryddig heim attpå. Då kan det hjelpa å lesa om rydjing, men alt med måte. «Advarer mot å rydde seg i hjel», er tittelen på ein NRK-artikkel om rydjebøker.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
«Lat oss rydja og byggja oss Grender, og so eiga me Rudningen trygt», står det i «Nordmannen» av Ivar Aasen. Ymse rydjegjengar har sidan vore på ferde i skriftmålet han reiste. Skrivemåten rudning gjekk ut or rettskrivinga i 2012, so no står me att med rydning (‘stad som ein ryd eller har rudt; open flate i skogen’). Rydja er framleis innanfor (bøying: ryd, rudde, har rudd el. rudt). Det vanlege er å nytta rydda (a-verb), som truleg er ei dansk form, men her skal rydja få svinga seg.
Aasen har gjeve rydja denne hovudtydinga i Norsk Ordbog: ‘rense for Træer og Buske (…) forberede et Jordstykke til Dyrkning ved at bortskaffe Skov, Krat, Rødder etc.’. Til grunn for verbet ligg ei rot med tydinga ‘riva opp, slita (ut)’. Ein lyt gjerne rydja før ein kan byggja, og mange gardar og plassar har fått namn etter rydjinga. Substantivet rud (‘rydning’) finn me i usamansette namn som Rud, Rød, Rui, Røe og Rødde, og rydning/rudning har gjeve oss Rønningen. So kjem alle samansetjingane, som Linderud, Jonsrud og Rustad.
Mykje av rydjearbeidet vårt går ut på å flytta eller fjerna handfaste saker. Me kan rydja i hagen, rydja kvister av eit tre, rydja på loftet eller kontoret, driva med snørydjing eller minerydjing, rydja av bordet og inn i eller ut or oppvaskmaskina. Det gjeld å rydja opp etter seg! Men utrydjing er sjeldan greitt. I alle høve er det betre å utrydja farlege sjukdomar enn å senda folk i utrydjingsleirar og vanvyrda utrydjingstruga arter.
Biletlege rydjeaksjonar har me òg. Folk som aldri har rørt ei rydjesag eller liknande, kan fint rydja veg for nokon – eller rydja nokon or vegen. Folk kan seia noko som ryd bort all tvil eller ryd unna vonde tankar. Diverre finst det òg fordomar som synest å vera uutrydjelege. Mange rydjegutar og rydjejenter har til arbeid å rydja på serveringsstader, men orda vert òg nytta om folk som ryd opp i problem av ymse slag.
Det som er ryddig (el. ryddug), er ordna, stelt eller klårt: Her finst ryddige rom og tun og ryddige framstillingar. Ryddige folk har orden og oversyn. Det finst skihopparar med uryddig skiføring, og nokre av dei har radt uryddig heim attpå. Då kan det hjelpa å lesa om rydjing, men alt med måte. «Advarer mot å rydde seg i hjel», er tittelen på ein NRK-artikkel om rydjebøker.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.