På det jamne
Dei siste vekene har brøyte- og strøyebilsjåførane slite jamt og trutt, likevel har folk mist jamvekta og falle på glatta. Det vert jamnast nokre slike hålkebolkar vinterstid. Å breia grus eller liknande jamt utover plar hjelpa, og nokre stader strøyer ein berre på eine sida av gangvegen, so folk på sparkstytting slepp å tverrstogga jamt og samt.
Ordet jamn er ikkje ueffe, men jamn og effen er same ordet. Effen er den lågtyske forma av jamn. I nederlandsk og frisisk svingar forma seg framleis. Andre former av adjektivet er norrønt jafn og jamn, dansk jævn (og bokmål jevn), svensk jämn, engelsk even og tysk eben. Opphavet er uvisst. Effen og ueffen har i fyrste rekkje vore nytta om tal, høvesvis partal og oddetal (jf. «efne og uefne tal», «jamne og ujamne tal», eng. «even and odd numbers»). På eit tidspunkt har effen òg fått tydinga ‘brukande, dugeleg’. Ei løysing som ikkje er heilt ueffen, er med andre ord tolleg god.
«Jamt og smått er likast i lengda», seier eit ordtak. «Jamnen gjer største monen», seier eit anna. Ja, over tid svarar det seg å arbeida fast og måteleg hardt. Det jamne er best i mange andre samanhengar òg. Ein jamn veg er lettare å ferdast på enn ein ujamn veg. Å vera i lag med jamlikar og jamna ut økonomiske skilnader er visst òg gildt. «Millom jamningar helst er eg nøgd», skreiv Aasen. Jamne kampar og spel er jamnast morosamare å fylgja med på enn ujamne, og folk med ujamt humør kan vera vanskelege å ha med å gjera. So ja, det at noko er jamt eller på det jamne, er ofte godt. Men ingen regel utan unnatak: Jamsides nedslag er på ingen måte jamgodt med telemarksnedslag.
Med jamne mellomrom jamfører me saker eller skapningar og målber at dei er like på noko vis. Då er det jamt over ei god løysing å setja jam- framfor hovudadjektivet, jamfør jamstor, jamhøg, jambrei, jamgamal, jamsterk og so bortetter. Me talar jamvel om vårjamdøger og haustjamdøger. Dessutan kan me jamna ut skilnader mellom ljodane i orda våre. Verbet vita (norr. vita) har i målføra fått former som væta og vatta. I væta er den fremste vokalen vorten meir lik den siste (tiljamning), i vatta har dei to falle heilt saman (utjamning). Som de skjønar, er jamn eit ord som den jamne språkbrukaren brukar jamleg, men her er det jamt slutt.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dei siste vekene har brøyte- og strøyebilsjåførane slite jamt og trutt, likevel har folk mist jamvekta og falle på glatta. Det vert jamnast nokre slike hålkebolkar vinterstid. Å breia grus eller liknande jamt utover plar hjelpa, og nokre stader strøyer ein berre på eine sida av gangvegen, so folk på sparkstytting slepp å tverrstogga jamt og samt.
Ordet jamn er ikkje ueffe, men jamn og effen er same ordet. Effen er den lågtyske forma av jamn. I nederlandsk og frisisk svingar forma seg framleis. Andre former av adjektivet er norrønt jafn og jamn, dansk jævn (og bokmål jevn), svensk jämn, engelsk even og tysk eben. Opphavet er uvisst. Effen og ueffen har i fyrste rekkje vore nytta om tal, høvesvis partal og oddetal (jf. «efne og uefne tal», «jamne og ujamne tal», eng. «even and odd numbers»). På eit tidspunkt har effen òg fått tydinga ‘brukande, dugeleg’. Ei løysing som ikkje er heilt ueffen, er med andre ord tolleg god.
«Jamt og smått er likast i lengda», seier eit ordtak. «Jamnen gjer største monen», seier eit anna. Ja, over tid svarar det seg å arbeida fast og måteleg hardt. Det jamne er best i mange andre samanhengar òg. Ein jamn veg er lettare å ferdast på enn ein ujamn veg. Å vera i lag med jamlikar og jamna ut økonomiske skilnader er visst òg gildt. «Millom jamningar helst er eg nøgd», skreiv Aasen. Jamne kampar og spel er jamnast morosamare å fylgja med på enn ujamne, og folk med ujamt humør kan vera vanskelege å ha med å gjera. So ja, det at noko er jamt eller på det jamne, er ofte godt. Men ingen regel utan unnatak: Jamsides nedslag er på ingen måte jamgodt med telemarksnedslag.
Med jamne mellomrom jamfører me saker eller skapningar og målber at dei er like på noko vis. Då er det jamt over ei god løysing å setja jam- framfor hovudadjektivet, jamfør jamstor, jamhøg, jambrei, jamgamal, jamsterk og so bortetter. Me talar jamvel om vårjamdøger og haustjamdøger. Dessutan kan me jamna ut skilnader mellom ljodane i orda våre. Verbet vita (norr. vita) har i målføra fått former som væta og vatta. I væta er den fremste vokalen vorten meir lik den siste (tiljamning), i vatta har dei to falle heilt saman (utjamning). Som de skjønar, er jamn eit ord som den jamne språkbrukaren brukar jamleg, men her er det jamt slutt.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?