Nokre slengjarar
I mange tilfelle er det betre å kasta slengkyss enn å slengja drit, men det finst folk som likar å få slengjeord (krenkjande ord) slengt etter seg. Dersom nokon slengjer med kjeften når de talar saman på telefonen, kan du alltids slengja på røyret og vona at pratmakaren ikkje sleng innom og tyt vidare heime hjå deg. Løysinga er kanskje å ha ein giftig slange som ligg og sleng ved inngangspartiet?
Både slange og sleng(j)a kan koplast til ei indoeuropeisk rot som tyder ‘dreia, snu, krypa’. Historia til sleng-verba våre er likevel noko uklår. Kan henda er det tale om eit blanda opphav, der utgangspunktet har vore norrøne former som slyngja og sløngva, som dinest har vorte påverka av lågtyske former som slengen. No har me i alle fall to ord med ulik bøying og ulik tyding: det sterke verbet slenga (‘dingla, svinga att og fram; driva dank’, t.d. «det heng og sleng», «dei gjekk og slong etter vegen») og det linne verbet slengja/slenga (‘hiva, kasta, senda; tala vyrdlaust’, t.d. «ho slengde av seg jakka», «dei slengde seg over gjerdet»).
Sleng har elles den eigenskapen at det rimar på spreng. Det har ordtakmakarane sett pris på: «D’er betre buk sprengja enn god mat slengja.» «D’er stundom slengen og stundom sprengen.» Det siste tyder at det stundom er for lite arbeid og stundom for mykje. Slengjarbrok er eit anna ord for fritidsbukse, og ein slengjedag er ein dag med lite eller inkje arbeid: Du går og sleng. Dagdrivarar og lathansar vert nokre stader omtala som slengjefisk. Slike folk vil mykje heller slengja seg nedpå enn å ta i eit tak. Me talar sjeldan om å slengja seg hen, men på sidemålet hender det at nokon «ligger henslengt».
Når sant skal seiast, er det støtt noko som sleng. I fotball-VM slengjer målvaktene seg etter ballen. Du kan få sleng på bilen og nakkesleng i same slengen. Då er det ikkje noko triveleg om folk kjem og slengjer seg om halsen på deg. Men dei kan gjerne slengja seg fram: Ord som framsleng, framslengje og framslenging har vore mykje nytta som nemning for unge personar som mesta er vaksne. Dei er i framslengsalderen og framslengsåra – eller tenåra, som me gjerne seier i dag. Elles finst det både attpåsleng, ettersleng, mellomsleng og sidesleng. Det viktigaste er at du har ein eigen sleng på sakene.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I mange tilfelle er det betre å kasta slengkyss enn å slengja drit, men det finst folk som likar å få slengjeord (krenkjande ord) slengt etter seg. Dersom nokon slengjer med kjeften når de talar saman på telefonen, kan du alltids slengja på røyret og vona at pratmakaren ikkje sleng innom og tyt vidare heime hjå deg. Løysinga er kanskje å ha ein giftig slange som ligg og sleng ved inngangspartiet?
Både slange og sleng(j)a kan koplast til ei indoeuropeisk rot som tyder ‘dreia, snu, krypa’. Historia til sleng-verba våre er likevel noko uklår. Kan henda er det tale om eit blanda opphav, der utgangspunktet har vore norrøne former som slyngja og sløngva, som dinest har vorte påverka av lågtyske former som slengen. No har me i alle fall to ord med ulik bøying og ulik tyding: det sterke verbet slenga (‘dingla, svinga att og fram; driva dank’, t.d. «det heng og sleng», «dei gjekk og slong etter vegen») og det linne verbet slengja/slenga (‘hiva, kasta, senda; tala vyrdlaust’, t.d. «ho slengde av seg jakka», «dei slengde seg over gjerdet»).
Sleng har elles den eigenskapen at det rimar på spreng. Det har ordtakmakarane sett pris på: «D’er betre buk sprengja enn god mat slengja.» «D’er stundom slengen og stundom sprengen.» Det siste tyder at det stundom er for lite arbeid og stundom for mykje. Slengjarbrok er eit anna ord for fritidsbukse, og ein slengjedag er ein dag med lite eller inkje arbeid: Du går og sleng. Dagdrivarar og lathansar vert nokre stader omtala som slengjefisk. Slike folk vil mykje heller slengja seg nedpå enn å ta i eit tak. Me talar sjeldan om å slengja seg hen, men på sidemålet hender det at nokon «ligger henslengt».
Når sant skal seiast, er det støtt noko som sleng. I fotball-VM slengjer målvaktene seg etter ballen. Du kan få sleng på bilen og nakkesleng i same slengen. Då er det ikkje noko triveleg om folk kjem og slengjer seg om halsen på deg. Men dei kan gjerne slengja seg fram: Ord som framsleng, framslengje og framslenging har vore mykje nytta som nemning for unge personar som mesta er vaksne. Dei er i framslengsalderen og framslengsåra – eller tenåra, som me gjerne seier i dag. Elles finst det både attpåsleng, ettersleng, mellomsleng og sidesleng. Det viktigaste er at du har ein eigen sleng på sakene.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?