Nakenscener
Ei gåte går slik: «Ikkje naken og ikkje kledd.» Korleis kan det gå til? Jau, den eller det som korkje er naken eller kledd, er dekt med noko gjennomsynleg – eit dekke som i røynda ikkje dekkjer. Samanhengen mellom klednad og nakenskap er innfløkt på andre måtar òg. Stundom seier me «ikkje gå ut so naken!» til folk som er påkledde, fordi me tykkjer dei er tynnkledde. Den nakne sanninga om naken er soleis at det nakne ikkje alltid er nake.
Den språkhistoriske sanninga om naken er òg litt vanskeleg å få taket på. Dei lærde stridest om kva slags samband det er mellom dei nordiske formene som endar på -n (norrønt og islandsk nakinn, færøysk nakin, dansk nøgen, norsk og svensk naken) og dei andre germanske formene, som har ein d- eller t-ljod i enden, til dømes norrønt nøkkvidr, engelsk naked og tysk nackt. Eit eller anna samband er det, i alle fall, og naken er jamvel i ætt med latin nudus (‘naken, udekt’), som me finn att i nudist og nudisme. På 1600-talet byrja engelske kunstnarar å nytta nude som eufemisme for naked, og i dag deler dei to adjektiva beite. Me har «naked facts» (nakne fakta) og kan sjå noko «with the naked eye» (med berre auga), og me kan «pose nude» (stå nakenmodell) og «take nudes» (ta nakenbilete).
Jamvel om nokre likar å gå kledelause, er det god skikk å kleda seg etter vêr og høve. Som ordtaket seier: «Ille kledd er alltid betre enn naken.» Her spelar det inn at kledeløyse lenge har vore eit teikn på armod. Det latinske substantivet nuditas tyder både ‘nakenskap’ og ‘naud, fattigdom’, og liknande døme finst her heime. Me har ordtak som «den som aldri seier nei [når nokon tigg], vil snart vera naken», attåt det kjende «naud lærer naken kvinne å spinna». «Naken som nåla» tyder ‘fattig’. Dersom du er naken som nåla, og ikkje eig nåla i veggen, sit du sanneleg vondt i det!
Vegger kan òg vera nakne, til liks med det meste anna. Einaste kravet er at det er udekt eller snautt, jamfør «ein naken holme» (utan vegetasjon), «ei naken grein» (utan lauv eller nåler), «eit nake andlet» (usminka) og «naken redsle». Det hender stundom at me vil streka under nakenskapen og seier at einkvan var «splitter naken», «kliss naken», «spillnaken» og liknande. Kva om du er skamnaken? Då er du «meget ilde klædt», seier Aasen.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ei gåte går slik: «Ikkje naken og ikkje kledd.» Korleis kan det gå til? Jau, den eller det som korkje er naken eller kledd, er dekt med noko gjennomsynleg – eit dekke som i røynda ikkje dekkjer. Samanhengen mellom klednad og nakenskap er innfløkt på andre måtar òg. Stundom seier me «ikkje gå ut so naken!» til folk som er påkledde, fordi me tykkjer dei er tynnkledde. Den nakne sanninga om naken er soleis at det nakne ikkje alltid er nake.
Den språkhistoriske sanninga om naken er òg litt vanskeleg å få taket på. Dei lærde stridest om kva slags samband det er mellom dei nordiske formene som endar på -n (norrønt og islandsk nakinn, færøysk nakin, dansk nøgen, norsk og svensk naken) og dei andre germanske formene, som har ein d- eller t-ljod i enden, til dømes norrønt nøkkvidr, engelsk naked og tysk nackt. Eit eller anna samband er det, i alle fall, og naken er jamvel i ætt med latin nudus (‘naken, udekt’), som me finn att i nudist og nudisme. På 1600-talet byrja engelske kunstnarar å nytta nude som eufemisme for naked, og i dag deler dei to adjektiva beite. Me har «naked facts» (nakne fakta) og kan sjå noko «with the naked eye» (med berre auga), og me kan «pose nude» (stå nakenmodell) og «take nudes» (ta nakenbilete).
Jamvel om nokre likar å gå kledelause, er det god skikk å kleda seg etter vêr og høve. Som ordtaket seier: «Ille kledd er alltid betre enn naken.» Her spelar det inn at kledeløyse lenge har vore eit teikn på armod. Det latinske substantivet nuditas tyder både ‘nakenskap’ og ‘naud, fattigdom’, og liknande døme finst her heime. Me har ordtak som «den som aldri seier nei [når nokon tigg], vil snart vera naken», attåt det kjende «naud lærer naken kvinne å spinna». «Naken som nåla» tyder ‘fattig’. Dersom du er naken som nåla, og ikkje eig nåla i veggen, sit du sanneleg vondt i det!
Vegger kan òg vera nakne, til liks med det meste anna. Einaste kravet er at det er udekt eller snautt, jamfør «ein naken holme» (utan vegetasjon), «ei naken grein» (utan lauv eller nåler), «eit nake andlet» (usminka) og «naken redsle». Det hender stundom at me vil streka under nakenskapen og seier at einkvan var «splitter naken», «kliss naken», «spillnaken» og liknande. Kva om du er skamnaken? Då er du «meget ilde klædt», seier Aasen.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?