Indisk
totaloppleving
Anand visste kva han gjorde då han ringde i cricketklokka, og Carlsen freista gjera det same.
Foto: Lennart Ootes
Før VM-kampen i Chennai (tidlegare Madras) i 2013 var vi urolege for den norske utfordraren. Korleis vil han takla alle menneska? Kva skjer om han vert matforgifta? Men det gjekk jo bra.
Denne veka var han attende i India, no i Kolkata (tidlegare Calcutta). Ti av dei beste spelarane i verda konkurrerte i snøgg- og lynsjakk i Grand Chess Tour, men dei to hovudpersonane var sjølvsagt verdsmeister Magnus Carlsen og heimefavoritten Vishy Anand.
Anand fyller 50 år i desember, og Carlsen (29 år på laurdag) måtte før turneringa gjennom ein ganske utfordrande quiz om den lange karrieren til Anand. Han vann denne med 8 av 9 poeng. «Endeleg ein ung mann med sjakk-kultur», sa stormeister og sjakkorakel Emil Sutovskij, som var imponert over at Carlsen – med eitt unntak – kunne identifisera årstal, namn på motstandar, namn på turnering og Anands neste trekk ut frå ni «nakne» diagramstillingar.
Så var det over til cricketarenaen og landskamp mellom India og Bangladesh, der Carlsen og Anand fekk æra av å opna kampen. Anand visste kva han gjorde då han ringde i ei klokke, og Carlsen freista gjera det same. Ein milliard menneske var visstnok interesserte i denne cricketkampen, men det var òg fullt på sjakkarenaen neste dag.
Carlsen var i form. Dei tre fyrste dagane med snøggsjakk gav seks sigrar og tre remisar utan tap. Den fjerde dagen med lynsjakk var òg nesten perfekt. Skulle alt gå smertefritt denne gongen? Nei, den femte dagen kom spysjuka. Under dei fyrste partia hadde Carlsen store problem med å halda seg på beina. Mot den indiske stormeisteren Vidit baud han remis etter berre fem trekk. Men mot slutten av dagen stabiliserte magen seg, og Carlsen kunne avslutta med nok ein siger mot Anand. Dei tre partia dei to imellom enda med 3–0 til Carlsen.
Sluttstillinga, Kolkata, nov. 2019:
1. M. Carlsen 27 av 36 p.
2. H. Nakamura 23
3.–4. A. Giri 18,5
3.–4. W. So 18,5
5. Ding Liren 18
Måndag byrjar finalespelet i årets Grand Chess Tour i London.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Før VM-kampen i Chennai (tidlegare Madras) i 2013 var vi urolege for den norske utfordraren. Korleis vil han takla alle menneska? Kva skjer om han vert matforgifta? Men det gjekk jo bra.
Denne veka var han attende i India, no i Kolkata (tidlegare Calcutta). Ti av dei beste spelarane i verda konkurrerte i snøgg- og lynsjakk i Grand Chess Tour, men dei to hovudpersonane var sjølvsagt verdsmeister Magnus Carlsen og heimefavoritten Vishy Anand.
Anand fyller 50 år i desember, og Carlsen (29 år på laurdag) måtte før turneringa gjennom ein ganske utfordrande quiz om den lange karrieren til Anand. Han vann denne med 8 av 9 poeng. «Endeleg ein ung mann med sjakk-kultur», sa stormeister og sjakkorakel Emil Sutovskij, som var imponert over at Carlsen – med eitt unntak – kunne identifisera årstal, namn på motstandar, namn på turnering og Anands neste trekk ut frå ni «nakne» diagramstillingar.
Så var det over til cricketarenaen og landskamp mellom India og Bangladesh, der Carlsen og Anand fekk æra av å opna kampen. Anand visste kva han gjorde då han ringde i ei klokke, og Carlsen freista gjera det same. Ein milliard menneske var visstnok interesserte i denne cricketkampen, men det var òg fullt på sjakkarenaen neste dag.
Carlsen var i form. Dei tre fyrste dagane med snøggsjakk gav seks sigrar og tre remisar utan tap. Den fjerde dagen med lynsjakk var òg nesten perfekt. Skulle alt gå smertefritt denne gongen? Nei, den femte dagen kom spysjuka. Under dei fyrste partia hadde Carlsen store problem med å halda seg på beina. Mot den indiske stormeisteren Vidit baud han remis etter berre fem trekk. Men mot slutten av dagen stabiliserte magen seg, og Carlsen kunne avslutta med nok ein siger mot Anand. Dei tre partia dei to imellom enda med 3–0 til Carlsen.
Sluttstillinga, Kolkata, nov. 2019:
1. M. Carlsen 27 av 36 p.
2. H. Nakamura 23
3.–4. A. Giri 18,5
3.–4. W. So 18,5
5. Ding Liren 18
Måndag byrjar finalespelet i årets Grand Chess Tour i London.
Atle Grønn
Atle Grønn er internasjonal
meister i sjakk.
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB