I alt vesentleg
Ein fange er ein fengsla person som tradisjonelt har sete innestengd på eit rom, dimed kunne me ha sagt at den fengsla personen er eit fengselsvesen eller romvesen. Men det plar me som kjent ikkje gjera. Fengselsvesen er samnemning for alt som gjeld fengsel og innsette i eit land, og romvesen er utanomjordiske skapningar – «verdsromvesen». Men kva er so eit vesen?
Oppgåva til vesena er å vera. Me kan nesten seia at vesen er verbet vera i forklednad: Vesen er lånt frå lågtysk wesen og tysk Wesen (n.), eit substantiv som kan sporast tilbake til den germanske infinitiven wésan- (‘vera’). Vesen kan soleis minna litt om essens, som kjem av latin essentia (‘vesen’) av verbet esse (‘vera’). Både vesen og essens kan nyttast i tydinga ‘grunnhått, kjerne’, jamfør seiemåtar som «sjølve vesenet i ein ting», «kunstens vesen» – og ein vesensskilnad er ein grunnleggjande skilnad. Ordbog over det danske Sprog opplyser dessutan at tydinga og bruken av ordet vesentleg truleg er påverka av latin essentialis (‘som har med eksistensen el. røynda å gjera, vesentleg’). Det er ikkje lenger vanleg å bruka vesentleg i tydinga ‘eksisterande, røynleg’, men me kan bruka ordet til å målbera at noko høyrer til den eigenlege og faste kjernen i noko, eller at det er den viktigaste delen av noko.
Sjølve vesenet i ein ting kan vera usynleg og vanskeleg å gripa. Men vesenet til ein person kan me ofte sjå og kjenna, som når me merkar at einkvan har «eit vinnande vesen». Rett nok kan veremåten til andre gå oss på nervane: «Eg hatar Per og alt hans vesen.» Er det retteleg ille, kan me bruka vesen til å målbera at einkvan er eit kryp: «Ditt ynkelege vesen!» Med andre ord kan me bruka vesen om både eigenskapar og åtferd, og dersom åtferda er uynskt, kan me tala om uvesen, til dømes «uvesenet med å dumpa søppel i naturen». Dessutan kan me bruka vesen om ståk og styr: «Ikkje gjer noko vesen av det.» «Dei skal støtt gjera vesen av seg.»
Ofte nyttar me vesen i den endeframme tydinga ‘skapning’, og her finst levande vesen, overnaturlege vesen og so frametter. Institusjonar og liknande skipnader er kanskje ikkje skapningar. Men vesen er dei: Me har til dømes brannvesen, helsevesen, likningsvesen, tollvesen og vegvesen. Nokre av dei vert stundom oppfatta som uvesen.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Ein fange er ein fengsla person som tradisjonelt har sete innestengd på eit rom, dimed kunne me ha sagt at den fengsla personen er eit fengselsvesen eller romvesen. Men det plar me som kjent ikkje gjera. Fengselsvesen er samnemning for alt som gjeld fengsel og innsette i eit land, og romvesen er utanomjordiske skapningar – «verdsromvesen». Men kva er so eit vesen?
Oppgåva til vesena er å vera. Me kan nesten seia at vesen er verbet vera i forklednad: Vesen er lånt frå lågtysk wesen og tysk Wesen (n.), eit substantiv som kan sporast tilbake til den germanske infinitiven wésan- (‘vera’). Vesen kan soleis minna litt om essens, som kjem av latin essentia (‘vesen’) av verbet esse (‘vera’). Både vesen og essens kan nyttast i tydinga ‘grunnhått, kjerne’, jamfør seiemåtar som «sjølve vesenet i ein ting», «kunstens vesen» – og ein vesensskilnad er ein grunnleggjande skilnad. Ordbog over det danske Sprog opplyser dessutan at tydinga og bruken av ordet vesentleg truleg er påverka av latin essentialis (‘som har med eksistensen el. røynda å gjera, vesentleg’). Det er ikkje lenger vanleg å bruka vesentleg i tydinga ‘eksisterande, røynleg’, men me kan bruka ordet til å målbera at noko høyrer til den eigenlege og faste kjernen i noko, eller at det er den viktigaste delen av noko.
Sjølve vesenet i ein ting kan vera usynleg og vanskeleg å gripa. Men vesenet til ein person kan me ofte sjå og kjenna, som når me merkar at einkvan har «eit vinnande vesen». Rett nok kan veremåten til andre gå oss på nervane: «Eg hatar Per og alt hans vesen.» Er det retteleg ille, kan me bruka vesen til å målbera at einkvan er eit kryp: «Ditt ynkelege vesen!» Med andre ord kan me bruka vesen om både eigenskapar og åtferd, og dersom åtferda er uynskt, kan me tala om uvesen, til dømes «uvesenet med å dumpa søppel i naturen». Dessutan kan me bruka vesen om ståk og styr: «Ikkje gjer noko vesen av det.» «Dei skal støtt gjera vesen av seg.»
Ofte nyttar me vesen i den endeframme tydinga ‘skapning’, og her finst levande vesen, overnaturlege vesen og so frametter. Institusjonar og liknande skipnader er kanskje ikkje skapningar. Men vesen er dei: Me har til dømes brannvesen, helsevesen, likningsvesen, tollvesen og vegvesen. Nokre av dei vert stundom oppfatta som uvesen.
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?