Geniet frå Lviv
To klassikarar, det beste frå den sovjetiske sjakkskulen, i ei lukkeleg tid i 2018: kviterussaren (no Israel) Boris Gelfand til venstre og Vasilij Ivantsjuk.
Foto: Jeruchess
Eg kan halda det gåande denne våren, i denne spalta, med ukrainske sjakkheltar. Lista er lang. Men sjakkgeni? Det er ein merkelapp eg likar å misbruka; i verda mi er dei 16 klassiske verdsmeistrane geniale på kvar sitt vis, men paradoksalt nok er det Vasilij Ivantsjuk (52) frå Vest-Ukraina sjakkspelarar i vår tid ofte assosierer med ordet sjakkgeni.
Kva er det med Ivantsjuk? Kasparov sa alt i 1989 at ukrainaren aldri kunne verta klassisk verdsmeister. Han er for ujamn, har for mange kreative idear. Men når inspirasjonen kjem, kan han slå Kasparov eller Carlsen på spektakulært vis.
Kva hugsar ein best frå VM i snøggsjakk i 2016 i Qatar då Ivantsjuk tok tittelen føre Carlsen? Den ferske meisteren gløymde premieutdelinga av di han sat og spela eit parti dam. Då han sprang opp på podiet på overtid for å henta gullpokalen, kunne ein sjå at han framleis rekna variantar frå dampartiet. Fingeren hans gjekk dit, dit og dit – som ei dambrikke.
Ivantsjuk er ikkje ein sportsutøvar som jaktar fyrsteplassar, men ein kunstnar som lever for kreativiteten – anten det er i sjakk eller dam. Han lever for og i variantane. Ellen Carlsen fortalde om ein annan episode frå Qatar. Broren Magnus låg på bassengkanten, medan Ivantsjuk sumde att og fram. Med eitt stakk eit genialt hovud opp frå vatnet: «Did you think about Bishop e7?» «Yes, then Rook d8», svarte Magnus, og hovudet til Ivantsjuk forsvann på ny under vatnet.
I 1991 var unge Ivantsjuk nummer to på verdsrankinga, men Kasparov fekk rett. Ivantsjuk kunne aldri ta det siste steget. Likevel sette han spor på vegen: Då han slo Carlsen i kandidatturneringa i London i 2013, trudde vi at ukrainaren øydela for den norske VM-draumen. Men i siste runde, i ei turnering der uutgrundelege Ivantsjuk hadde fortapt seg i variantane og tapt fem (!) parti på tid, berga han Carlsen ved å slå konkurrenten Kramnik.
Ivantsjuk er ikkje politikar. Ekskona, russiske Alisa Galljamova (to gonger VM-finalist), har fyrt opp i krigen mot Ukraina med pro-Putin-proganda. Dei har ein son saman, men i førre veke skreiv geniet frå Lviv under på eit opprop med krav om full boikott av russisk sjakk.
Atle Grønn
Atle Grønn er internasjonal meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg kan halda det gåande denne våren, i denne spalta, med ukrainske sjakkheltar. Lista er lang. Men sjakkgeni? Det er ein merkelapp eg likar å misbruka; i verda mi er dei 16 klassiske verdsmeistrane geniale på kvar sitt vis, men paradoksalt nok er det Vasilij Ivantsjuk (52) frå Vest-Ukraina sjakkspelarar i vår tid ofte assosierer med ordet sjakkgeni.
Kva er det med Ivantsjuk? Kasparov sa alt i 1989 at ukrainaren aldri kunne verta klassisk verdsmeister. Han er for ujamn, har for mange kreative idear. Men når inspirasjonen kjem, kan han slå Kasparov eller Carlsen på spektakulært vis.
Kva hugsar ein best frå VM i snøggsjakk i 2016 i Qatar då Ivantsjuk tok tittelen føre Carlsen? Den ferske meisteren gløymde premieutdelinga av di han sat og spela eit parti dam. Då han sprang opp på podiet på overtid for å henta gullpokalen, kunne ein sjå at han framleis rekna variantar frå dampartiet. Fingeren hans gjekk dit, dit og dit – som ei dambrikke.
Ivantsjuk er ikkje ein sportsutøvar som jaktar fyrsteplassar, men ein kunstnar som lever for kreativiteten – anten det er i sjakk eller dam. Han lever for og i variantane. Ellen Carlsen fortalde om ein annan episode frå Qatar. Broren Magnus låg på bassengkanten, medan Ivantsjuk sumde att og fram. Med eitt stakk eit genialt hovud opp frå vatnet: «Did you think about Bishop e7?» «Yes, then Rook d8», svarte Magnus, og hovudet til Ivantsjuk forsvann på ny under vatnet.
I 1991 var unge Ivantsjuk nummer to på verdsrankinga, men Kasparov fekk rett. Ivantsjuk kunne aldri ta det siste steget. Likevel sette han spor på vegen: Då han slo Carlsen i kandidatturneringa i London i 2013, trudde vi at ukrainaren øydela for den norske VM-draumen. Men i siste runde, i ei turnering der uutgrundelege Ivantsjuk hadde fortapt seg i variantane og tapt fem (!) parti på tid, berga han Carlsen ved å slå konkurrenten Kramnik.
Ivantsjuk er ikkje politikar. Ekskona, russiske Alisa Galljamova (to gonger VM-finalist), har fyrt opp i krigen mot Ukraina med pro-Putin-proganda. Dei har ein son saman, men i førre veke skreiv geniet frå Lviv under på eit opprop med krav om full boikott av russisk sjakk.
Atle Grønn
Atle Grønn er internasjonal meister i sjakk.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.