Brislingen
Brislingfiske i Rogaland.
Foto: Ryfylkemuseet
Brislingen er ein liten sildefisk som blir fanga i norske kyststrok, på Austlandet og på Vestlandet. Han går i stim og blir fanga med snurpenot om sommaren.
Gardane på Vestlandet var små, og mange av dei hadde ulike fiske som nødvendig tilleggsnæring. Brislingfisket var ei hektisk tid. Karane låg ute i skøytene sine og vakta på brislingen, når han måtte dukke opp. Det vart mykje venting.
Når så stimen kom, vart det dramatikk. Nota vart kasta, og fisken vart innestengd før han vart håva opp i båtane. Så måtte han takast hand om, fort.
Små hermetikkfabrikkar dukka opp her og der. Og kvinnene vart mobiliserte til å pakke brislingen i små boksar. Dei første kvinnelege industriarbeidarane i Rogaland var husmødrer som pakka brisling i sesongen. Det vart lange dagar. Mennene fekk betalt for fisken, og kvinnene vart betalte for pakkinga.
Og små bekker med kontantar sildra inn i lokalsamfunna. Kontantar var kronisk mangelvare. Ein ny storindustri var på veg.
Christian Bjelland eksporterte fisk og hummar frå Stavanger. I 1890 byrja han å hermetisere brisling, og i 1893 bygde han den første fabrikken og grunnla firmaet Chr. Bjelland & Co A/S.
Bjelland gjorde «norske sardinar» til ein verdsartikkel, og Stavanger til ein blømande industriby, bygd på brisling.
På Finnøy hadde vi ein liten verkstad, driven av Rasmus Orheim, søndagsskulelærar og bror til salmediktaren Matias Orheim.
Orheim var hendig og mangfaldig. Han gjorde verkstaden sin om til ein hermetikkfabrikk der kvinner fekk arbeid.
Så vart brislingen borte, og fabrikken stod der.
Då dukka den neste tilleggsnæringa opp. Torstein Flesjå bygde det første drivhuset for tomatdyrking i 1928. Det vart starten for tomateventyret på Finnøy, og denne øya vart ein storleverandør av tomatar til heile landet.
Orheim gjorde den tomme hermetikkfabrikken om til mottakssentral for tomatar. Bøndene møtte opp med store kassar fulle av fine tomatar. I mottakssentralen vart tomatane pakka om i små, standardiserte trekassar som tok fem kilo tomatar kvar.
Materialet til desse trekassane kom i pakkar frå sagbruket. Å spikre tomatkassar vart ein draumejobb for ungdomar. Akkorden var ti øre per kasse, og dei flinke greidde førti kassar i timen. Det var rundeleg betaling, førti kroner dagen.
Når eg gjekk rundt på gardane og berga høy eller luka ugras, var betalinga 20 kroner, opp frå 10 i starten.
Nye næringar betaler betre enn gamle og etablerte. Det er det som er poenget med nye næringar.
Framleis går det ein straum av tomatar til den gamle hermetikkfabrikken i Steinnesvåg. Men rundt på gardane står det fleire og fleire tomme og nedlagde drivhus.
Dei er utkonkurrerte av den nye næringa, oljeindustrien. Den nye næringa betaler betre enn den gamle. Også her.
Og brislingnæringa har for lenge sidan funne nye adresser.
Andreas Skartveit
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Brislingen er ein liten sildefisk som blir fanga i norske kyststrok, på Austlandet og på Vestlandet. Han går i stim og blir fanga med snurpenot om sommaren.
Gardane på Vestlandet var små, og mange av dei hadde ulike fiske som nødvendig tilleggsnæring. Brislingfisket var ei hektisk tid. Karane låg ute i skøytene sine og vakta på brislingen, når han måtte dukke opp. Det vart mykje venting.
Når så stimen kom, vart det dramatikk. Nota vart kasta, og fisken vart innestengd før han vart håva opp i båtane. Så måtte han takast hand om, fort.
Små hermetikkfabrikkar dukka opp her og der. Og kvinnene vart mobiliserte til å pakke brislingen i små boksar. Dei første kvinnelege industriarbeidarane i Rogaland var husmødrer som pakka brisling i sesongen. Det vart lange dagar. Mennene fekk betalt for fisken, og kvinnene vart betalte for pakkinga.
Og små bekker med kontantar sildra inn i lokalsamfunna. Kontantar var kronisk mangelvare. Ein ny storindustri var på veg.
Christian Bjelland eksporterte fisk og hummar frå Stavanger. I 1890 byrja han å hermetisere brisling, og i 1893 bygde han den første fabrikken og grunnla firmaet Chr. Bjelland & Co A/S.
Bjelland gjorde «norske sardinar» til ein verdsartikkel, og Stavanger til ein blømande industriby, bygd på brisling.
På Finnøy hadde vi ein liten verkstad, driven av Rasmus Orheim, søndagsskulelærar og bror til salmediktaren Matias Orheim.
Orheim var hendig og mangfaldig. Han gjorde verkstaden sin om til ein hermetikkfabrikk der kvinner fekk arbeid.
Så vart brislingen borte, og fabrikken stod der.
Då dukka den neste tilleggsnæringa opp. Torstein Flesjå bygde det første drivhuset for tomatdyrking i 1928. Det vart starten for tomateventyret på Finnøy, og denne øya vart ein storleverandør av tomatar til heile landet.
Orheim gjorde den tomme hermetikkfabrikken om til mottakssentral for tomatar. Bøndene møtte opp med store kassar fulle av fine tomatar. I mottakssentralen vart tomatane pakka om i små, standardiserte trekassar som tok fem kilo tomatar kvar.
Materialet til desse trekassane kom i pakkar frå sagbruket. Å spikre tomatkassar vart ein draumejobb for ungdomar. Akkorden var ti øre per kasse, og dei flinke greidde førti kassar i timen. Det var rundeleg betaling, førti kroner dagen.
Når eg gjekk rundt på gardane og berga høy eller luka ugras, var betalinga 20 kroner, opp frå 10 i starten.
Nye næringar betaler betre enn gamle og etablerte. Det er det som er poenget med nye næringar.
Framleis går det ein straum av tomatar til den gamle hermetikkfabrikken i Steinnesvåg. Men rundt på gardane står det fleire og fleire tomme og nedlagde drivhus.
Dei er utkonkurrerte av den nye næringa, oljeindustrien. Den nye næringa betaler betre enn den gamle. Også her.
Og brislingnæringa har for lenge sidan funne nye adresser.
Andreas Skartveit
Fleire artiklar
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
Trondheimstrioen har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.