Diktet: Jørn H. Sværen
Foto: Vidar M.S. Husby
Det er jul, og då skal vel alt helst fløyme over, kanskje meir enn ein har godt av. Alternativt kan ein søkje ro, refleksjon og enklare former. Ta ein pause frå hamsterhjulet og finne attende til kjelda eller meininga med det heile.
Sjølv om poesien gjerne kan vere patosfylt, pratsam og omfangsrik, kan han òg vere ein stad for dei minste rørslene, det enklaste og mest konkrete språket. Han kan vere eit destillat, altså det ein står att med etter å ha fjerna alt som er rundt, all støy.
Om berre ruinane står att, må ein sjølv førestille seg kva bygning som stod der. Her har arkeologen og poesilesaren noko til felles.
Difor kan det kjennast litt utrygt med slik minimalistisk poesi, ein poesi som er svært open og overlèt mykje av arbeidet til lesaren. Men er det ikkje eigentleg ein invitasjon til dialog og samskaping? Poesien oppstår ein stad mellom skrivaren og lesaren. Og alle setningar har ei historie, som ein nokre gongar får syn på, andre gongar ikkje.
Jørn H. Sværen (f. 1974) er poet, redaktør, musikar, omsetjar og forleggjar av ofte bitte små trykksaker med få ord på kvar side. Han publiserer eigne dikt og omsetjingar både på anerkjende Kolon forlag, på små, uavhengige forlag, særleg i Skandinavia og Frankrike, og i tidsskrift og trykksaker som eksisterer utanfor det offisielle litteraturkrinslaupet. Han har i heile sitt virke vore oppteken av distribusjon og dialog: Korleis kan ein få tekstane ut til dei som vil lese; korleis finne alternative måtar å skape fellesskap omkring poesien på.
Eit av dei seinare prosjekta har vore å skape eit poesitidsskrift som ikkje eksisterer utan andre tidsskrift: Alle utgåver av tidsskriftet Gresshoppene har ingen konge finst berre som innslag i andre tidsskrift og publikasjonar, og «snyltar» slik på nettverket av lesarar som vertstidsskriftet har. Her blir norsk og utanlandsk poesi i omsetjing presentert for eit publikum som ikkje elles ville ha møtt desse tekstane.
I hybridteksten «Ord og handling» i boka Britisk museum (2020) skriv Sværen om linjene i det utvalde diktet denne veka: «Linjene faller, lengre og lengre, som skygger i en solnedgang, og jeg husker den varme vinden og luften som dirret over markene utenfor Estoi, en landsby på sydkysten av Portugal, jeg sto i ruinene av et romersk landsted, på trappene til et hedensk tempel omgjort til en kirke i det fjerde århundre etter Kristus. Bare grunnmurene er igjen, og gulv og kummer med maritime mosaikker. Jeg løftet blikket og så mot åssidene i det fjerne. Jeg så for meg kildene i fjellene, elvene og grunnvannet som forsyner dette høstgule landskapet, hvor mennesker har dyrket jorden i årtusener. Kalde, klare, undergjørende kilder, jeg ble stående og tenke på en annen betydning av ordet. Skriftlige kilder, innskrifter og håndskrifter, tapte originaler, overlevert i avskrifter, møll- og markspiste, stadig virksomme. Vi går til ruinene for å forstå. Og slik kunne jeg fortsette. Alle setninger har en historie.»
Cathrine Strøm
kilder
ruiner er kirker
de dyrker jorden mellom dem
Jørn H. Sværen
Frå «En kirke»i Dronning av England (2011)
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det er jul, og då skal vel alt helst fløyme over, kanskje meir enn ein har godt av. Alternativt kan ein søkje ro, refleksjon og enklare former. Ta ein pause frå hamsterhjulet og finne attende til kjelda eller meininga med det heile.
Sjølv om poesien gjerne kan vere patosfylt, pratsam og omfangsrik, kan han òg vere ein stad for dei minste rørslene, det enklaste og mest konkrete språket. Han kan vere eit destillat, altså det ein står att med etter å ha fjerna alt som er rundt, all støy.
Om berre ruinane står att, må ein sjølv førestille seg kva bygning som stod der. Her har arkeologen og poesilesaren noko til felles.
Difor kan det kjennast litt utrygt med slik minimalistisk poesi, ein poesi som er svært open og overlèt mykje av arbeidet til lesaren. Men er det ikkje eigentleg ein invitasjon til dialog og samskaping? Poesien oppstår ein stad mellom skrivaren og lesaren. Og alle setningar har ei historie, som ein nokre gongar får syn på, andre gongar ikkje.
Jørn H. Sværen (f. 1974) er poet, redaktør, musikar, omsetjar og forleggjar av ofte bitte små trykksaker med få ord på kvar side. Han publiserer eigne dikt og omsetjingar både på anerkjende Kolon forlag, på små, uavhengige forlag, særleg i Skandinavia og Frankrike, og i tidsskrift og trykksaker som eksisterer utanfor det offisielle litteraturkrinslaupet. Han har i heile sitt virke vore oppteken av distribusjon og dialog: Korleis kan ein få tekstane ut til dei som vil lese; korleis finne alternative måtar å skape fellesskap omkring poesien på.
Eit av dei seinare prosjekta har vore å skape eit poesitidsskrift som ikkje eksisterer utan andre tidsskrift: Alle utgåver av tidsskriftet Gresshoppene har ingen konge finst berre som innslag i andre tidsskrift og publikasjonar, og «snyltar» slik på nettverket av lesarar som vertstidsskriftet har. Her blir norsk og utanlandsk poesi i omsetjing presentert for eit publikum som ikkje elles ville ha møtt desse tekstane.
I hybridteksten «Ord og handling» i boka Britisk museum (2020) skriv Sværen om linjene i det utvalde diktet denne veka: «Linjene faller, lengre og lengre, som skygger i en solnedgang, og jeg husker den varme vinden og luften som dirret over markene utenfor Estoi, en landsby på sydkysten av Portugal, jeg sto i ruinene av et romersk landsted, på trappene til et hedensk tempel omgjort til en kirke i det fjerde århundre etter Kristus. Bare grunnmurene er igjen, og gulv og kummer med maritime mosaikker. Jeg løftet blikket og så mot åssidene i det fjerne. Jeg så for meg kildene i fjellene, elvene og grunnvannet som forsyner dette høstgule landskapet, hvor mennesker har dyrket jorden i årtusener. Kalde, klare, undergjørende kilder, jeg ble stående og tenke på en annen betydning av ordet. Skriftlige kilder, innskrifter og håndskrifter, tapte originaler, overlevert i avskrifter, møll- og markspiste, stadig virksomme. Vi går til ruinene for å forstå. Og slik kunne jeg fortsette. Alle setninger har en historie.»
Cathrine Strøm
kilder
ruiner er kirker
de dyrker jorden mellom dem
Jørn H. Sværen
Frå «En kirke»i Dronning av England (2011)
Fleire artiklar
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.